Jerimaya 14:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Owenẹ ayen chirẹ owẹvwe, mi che nyo oviẹ raye-en, owenẹ ayen ji ze izobo rẹ ẹtorhẹ vẹ izobo rẹ eka dede, me rhọvwe reyọ aye-en, ẹkẹvuọvo me vwẹ ọlọkọ vẹ owẹvwe vẹ emiavwe guọghọ ayen.

Jerimaya 14:12 ပူးပေါင်းရင်းမြစ်များ

ỌBE RẸ JOB 27:9

Kẹ Ọghẹnẹ se nyo oviẹ rọye, vwẹ ọke rẹ ukpokpoghọ de bro rhe?

Isẹ 1:28

Ọke yena kẹ ayen che kperẹ se vwe, ẹkẹvuọvo mi che nyo-o; kẹ ayen cha guọuọ ovwẹ ẹkẹvuọvo yẹ ayen cha mrẹ vwẹ-ẹ.

Isẹ 15:8

Izobo rẹ ohwo umwemwu na ẹgua kẹ Ọrovwohwo, ẹkẹvuọvo oma rẹ ẹrhovwo ẹnẹ rẹ ohwo esiri na vwerhọ.

Isẹ 21:27

Izobo rẹ ohwo umwemwu ẹgua ọ dia, komavo ọ dia ọ da dianẹ ọ vwẹ ọnko ze.

Isẹ 28:9

Ohwo ro ku erhọn kufia kẹ urhi enyo, ẹrhovwo ẹnẹ dede kẹ ẹgua kẹ.

Aizaya 58:3

Die avwanre vwo chirẹ owẹvwe, yu wọ gbe mrẹ-ẹ? Die avwanre vwọ vwẹ oma re avwanre kpotọ, yo wọ gbe rha riẹ-ẹn? Nighere, ẹdẹ wo de chire owẹvwe na yẹ avwerhe rẹ obọ wẹn wọ guọnọ, wo mie shenyẹ iruiruo wẹn.

Jerimaya 11:11

Vwẹ ọtiọye na, enẹ Ọrovwohwo tare, Nighe, me cha vwẹ umiovwo rhe ayen rẹ ayen je se no, owenẹ ayen viẹ se vwe dede, me cha kerhọn raye-en.

Jerimaya 11:14

Vwẹ ọtiọye na wọ rẹ kẹ ihwo nana-a, wọ kpare urhuru rẹ oviẹ eyẹ ẹrhovwo fiki rẹ aye-en, kidie ọke rẹ ayen de se vwe vwẹ ọke rẹ ukpokpogho rayen mi gbi nyo-o.

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

Jerimaya 16:4

Emiavwe ọbrabra che hwe ayen. A cha viẹ aye-en, e ji che shi aye-en; ayen cha họhọ isọn vwẹ enu rẹ otọ na. Ọlọkọ vẹ owẹvwe che hwe ayen, irivwi rayen ke dia emuọre kẹ emephran rẹ enu kugbe eranvwe rẹ akpọ na.

Jerimaya 21:6

Ke me cha teyọ ihwo rẹ orere na, te ihwo vẹ eranvwe, emiavwe rode che hwe ayen.

Jerimaya 24:10

Ki mi ji ọlọkọ vẹ owẹvwe, kugbe emiavwe bru ayen ra, bẹsiẹye re ayen vwọ ghwọrọ tototo nẹ otọ re me kẹ ayen vẹ esẹ rayen na.

Jerimaya 32:24

Nighe otuofovwi rhe riariẹ orere na phihọ rere ayen vwọ reyọ. Fiki rẹ ọlọkọ, owẹvwe vẹ ọtiekọ ọye e vwo siobọ nẹ orere na kẹ ihwo ri Kaldia ri phio na. Obo re wọ tare na ọ phiare, gbe nighe, wọ mrẹrẹ re.

Jerimaya 6:20

Adjija ri nẹ Sheba bru vwe cha na die ifiri, eyẹ uhwerhe ọ miẹmiẹmiẹ rọ nẹ ogboko cha na? Izobo rẹ ẹtorhẹ wẹn na a reyọ aye-en eye izobo wẹn na je vwe-e.

Jerimaya 8:13

Ọke mi vwo si ayen koko, eriyin Ọrovwohwo na tare, a gbe mrẹ otiẹ vwẹ enu ri vain na-a eye emamọ vwẹ enu rẹ urhe rẹ owe-e. Ẹbe na dede je ghwa ya yẹ obo re me vwọ kẹ ayen wan ayen vrẹn nure.

Jerimaya 9:16

Ke me cha hra ayen ro ohri rẹ ẹgborho na re ayen te esẹ rayen riẹnre-e, ki mi ji ọlọkọ nene ayen, bẹsiẹye me vwọ guọghọ ayen nu.

Izikiẹl 14:19

Eyẹ mi de ji emiavwe kpo evun rẹ otọ na, ri mi de ku ophu Me kuo vẹ ọbara, rere e vwo bru ohwo vẹ eranvwe nọ,

Izikiẹl 14:21

Kidie enẹ Ọrovwohwo Ọghẹnẹ tare: Komavọ ọ dia vwẹ ọke me da vwẹ oghẹre rẹ ẹdjeguo ẹne mẹ vwọ rhe Jerusalẹm, ọlọkọ, owevwe, eranvwe ebrabra vẹ emiavwe, rere o bru ohwo kugbe eranvwe no!

Izikiẹl 8:18

Fiki rẹ ọtiọye na ayen kpare o vwẹ ophu; ẹro mẹ gbi jẹn ayen vwo-o, eyẹ me gbe re ehrọre-e, owenẹ ayen kperi phihọ ovwẹ erhọn vẹ urhuru ọgangan dede, me cha kerhọn rẹ aye-en.

Hosia 5:6

Ayen vẹ igodẹ kugbe irhuẹ rayen gba yanran ra guọnọ Ọrovwohwo, ẹkẹvuọvo ayen cha mrẹ-ẹ. O sioma nu kẹ ayen.

Emọs 5:21

O tu vwẹ oma, Me jẹ orẹ rẹ ovwan fia, Ọghwẹkoko ofuefu rẹ ovwan na vwerhe ovwẹ oma-a.

Maika 3:4

Etiyin kẹ ayen che kperi se Ọrovwohwo ẹkẹvuọvo yọ cha kpahe kẹ aye-en; ko si opharo rọye nu kẹ ayen vwẹ ọke yena, fikiridie uruemu rayen pha miomiovwi.

Zekaraya 7:13

Ri mi vwo se, ayen nyori-i na, ọtiọye na re ayen rhe ji vwo se mi rhe ji nyo-o, Ọrovwohwo rẹ otuofovwi rẹ tarọ,

Malakae 1:10

E mani kẹ a sa mrẹ ohwo ọvo vwẹ ohri rẹ ovwan na rọ kanre echẹ na, rere we vwo jẹ erhanre rẹ ogbarogba ekoko phihọ agbada mẹ na. Ivun re ovwan gbe vwerhovwẹ-ẹ, eriyin Ọrovwohwo rẹ otuofovwi na tare, me cha reyọ ẹkpẹvwẹ rẹ ovwan na-a.

Malakae 2:13

Ọna kọye wọ rhọma ru. Wọ da ra viẹ ku enu rẹ agbada rẹ Ọrovwohwo na, vẹ oma ebere kugbe enuebro fikiridie ọ gbe vwẹ evun esiri reyọ ẹkpẹvwẹ rẹ ovwa-an.

Ẹvwọphia 6:8

Me vwọ mrẹ, nighe, esi rọ vwara munẹ munẹ, e de se odẹ rẹ ọ rọ gua na nẹ Ughwu, Ushi da vwọ kpahọ ukuko; a da vwẹ ogangan kẹ ayen vwẹ enu rẹ akane rẹ akpọ na, rọ vwẹ ọlọkọ hwe kugbe owẹvwe kugbe ọtiekọ ji kugbe eranvwe re djoma vwẹ akpọ na.