Jerimaya 14:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ E nẹ Ọrovwohwo ta kpahe ihwo nana: Ayen guọnọ suosuo ọtiọna, ayen sa da awọ rayen ji-i, ọtiọye na Ọrovwohwo gbe reyọ aye-en asakiephana kọ karohọ imwemwu rayen kọ vwẹ oja re ayen fikirẹ imwemwu rayen.

Jerimaya 14:10 ပူးပေါင်းရင်းမြစ်များ

1 Ivie 17:18

ọ da ta kẹ Ilaija, Die wọ mrẹ kpahe ovwẹ, E ohwo rẹ ọfuanfon na? Wọ rhere re a vwọ karophihọ umwemwu mẹ, re e si ughwu hwe ọmọ mẹ.

Une rẹ Ejiro 119:101

Me rhan awọ mẹ rhivwi nẹ idjerhe kidjerhe umwemwu, rere me sa vwọ yọnrọn ota wẹn.

Une rẹ Ejiro 95:10

Kidie ikpe ujuvẹ mi tuoma re uvwiẹ yena Me da ta, Ayen ihwo ri ghwruru vwe udu rayen, ayen se idjerhe mẹ gbe emu-u.

Ẹyano 32:34

Ẹkẹvuọvo asakiephana, gba yanran re sun ihwo na kpo asan re me ta kẹ owẹ na, nighe, amakashe mẹ cha ka obaro kẹ wẹ. Dede ẹdẹ re me cha rhe, ke me re ihri rẹ umwemwu rayen.

Jerimaya 2:36

Mavo wo ni ovwravwra wẹn frae te, wo vwo ku idjerhe wẹn rhẹriẹ! Ijipt cha phọphọ owẹ kirobo rẹ Asiria je phọphọ owẹ

Jerimaya 3:13

Takpe rhọvwe abe wẹn ri wo ru kpahe Ọrovwohwo Ọghẹnẹ wẹn re wo ru ẹse wẹn kẹ erhorha re hẹ otọ rẹ urhe ọkpokpọ na.

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Jerimaya 6:20

Adjija ri nẹ Sheba bru vwe cha na die ifiri, eyẹ uhwerhe ọ miẹmiẹmiẹ rọ nẹ ogboko cha na? Izobo rẹ ẹtorhẹ wẹn na a reyọ aye-en eye izobo wẹn na je vwe-e.

Jerimaya 8:5

Die sorọ rẹ ihwo nana vwo rhivwi kpuko rẹ ayen vwo si phihọ uko bẹdẹ? Ayen churu obọ mu ophiẹvwe kokoroko, ayen rhọvwe kurhẹriẹ-ẹ.

Izikiẹl 29:16

Ihwo rẹ Izrẹl gbe vwẹ ẹro suọ ọfa bẹdẹ-ẹ, re ayen da karohọ orukuruku rayen, rẹ ayen da dje bru ayen ra nẹ ọ cha ayen uko. Etiyin ayen ke riẹn nẹ mẹvwẹ Ọrovwohwo Ọghẹnẹ na.

Hosia 11:7

Ihwo mẹ kẹ ukuko ayen siẹ phihọ kẹ vwẹ, ọtiọye na e de kru oghwa nyẹ ayen, rẹ ohwo ọvuọvo se mu-u.

Hosia 11:9

Ki mi gbobọnyẹ ophu ọtuatua mẹ na, Me gbe sa guọghọ Ifremu-u, kidie Mẹvwẹ Ọghẹnẹ me dia ohwo rẹ akpọ-ọ, Ọfuanfọn Ọvuọvo vwẹ uherevie rẹ ovwan, Me gba rha rhe rhe ghwọrọ-ọ.

Hosia 7:13

Ekan kẹ ayen, kidie ayen ghwru nẹ obọ mẹ! Ẹghwọrọ kẹ ayen kidie ayen mu kpahe ovwẹ! manẹ me tan ayen hirhe, ẹkẹvuọvo ayen mu efian bare ovwẹ.

Hosia 7:2

Ẹkẹvuọvo ayen gbi rhe roro-o nẹ me karoho iruo ọbrabra raye-en. Asakiephana uruemu rayen riariẹ ayen phihọ, ayen hẹ obaro mẹ.

Hosia 8:13

Ayen guọnọ izobo; eranvwe rẹ ayen vwo ze izobo ayen rerọ; ẹkẹvuọvo Ọrovwohwo vwẹ omavwerhovwẹ vwẹ aye-en. Asakiephana kọ karohọ orukuruku rayen, kọ guọghọ imwemwu rayen, ayen che rhivwi kpo Ijipt.

Hosia 9:9

Ayen gbe oma rayen ku putu putu kerẹ ọke ri Gibeah; kọ karohọ orukuruku rayen, kọ guọghọ imwemwu rayen.

Emọs 3:2

Wẹ ọvo Me riẹnre vwẹ usun rẹ erua rẹ akpọ na ejobi, fiki rẹ ọtiọye na ki mi hwe we fiki rẹ orukuruku wẹn ejobi.

Emọs 5:22

Owenẹ wo ze izobo re ẹtorhẹ kẹ vwẹ vẹ izobo rẹ ọka, Me cha reyọ aye-en, izobo rẹ ufuoma ru wọ vwẹ eranvwe vẹ ivwri ze mi che fovwe ẹro no-o

Hibru 8:12

Kidie mi ni arodọvwẹ kẹ imwemwu rayen, me gbe karohọ imwemwu rayen ọfa-a.

1 Samuẹl 15:2

Enẹ Ọrovwohwo rẹ otuofovwi na tare, Mi che hwe ihwo rẹ Amalẹk re dia ukọn kẹ ihwo rẹ Izrẹl vwẹ idjerhe, rẹ ayen vwo nẹ otọ rẹ Ijipt cha.