Jerimaya 13:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Me mrẹ egua egbe wẹn nure, igberadja vẹ efian wẹn, ọfarhiẹ vẹ obẹnẹ kugbe igberadja ọbrabra wẹn, Vwẹ enu rẹ igbenu vwẹ aghwa. Ekan kẹ wẹ, E Jerusalẹm! Mavọ okrite ra ke họ wẹ fon?

Jerimaya 13:27 ပူးပေါင်းရင်းမြစ်များ

Une rẹ Ejiro 94:4

Ayen re kuojoro rẹ eta rẹ ọjẹfia rayen, ayen yan eyan, ihwo ri ruẹ imwemwu ejobi.

Une rẹ Ejiro 94:8

Ọ ro wẹ, E ọ ro me ghẹn vwẹ usun re ihwo na! Ẹkpa na, ọkevọ wa vwọ ghwanre?

Isẹ 1:22

Mavọ okrite, ihwo igheghẹn na, rẹ ovwan ghẹn te? Otu re jehwẹ, mavọ ovwan jehwẹ krite, erianriẹn dẹ tu ekpa oma?

Aizaya 57:7

Vwẹ enu rẹ ugbenu ro kpenu gogorogo oboyi wo mu ehwa phihọ, kẹ oboyi wa ra de re ze izobo.

Aizaya 65:7

orukuruku rayen kugbe orukuruku rẹ ese rayen kugbe, eriyin Ọrovwohwo tare; fikiridie ayen torhẹ egẹn vwẹ enu rẹ igbenu na ayen da van ku vwe vwẹ enu rẹ igbenu itete na, Me cha vwanvwe phihọ agada rayen osa re ọbo rayen ruru rhabae.

Jerimaya 11:15

Didi ogangan avwebọ mẹ vwori vwẹ uwevwi mẹ, ro vwo ru ogbegbiru nu na? Kẹ ive vẹ izobo rẹ eranvwe sa rhẹriẹ ẹghwọrọ wẹ na? Wo se phuoma?

Jerimaya 3:6

Ọrovwohwo da ta kẹ vwẹ vwẹ ọke rẹ Ovie Josaya: Wọ mrẹ obo rẹ Izrẹl ruru, ohwo ọfafarhiẹ na, ọbo rọ yan kpenu rẹ ugbenu kugbenu kugbe otọ rẹ urhe kurhe ọkpokpọ; de gbe ọfarhiẹ?

Izikiẹl 16:23

Ọke wo de ru ogbeku na ejobi nu (ekan, ekan kẹ wẹ! eriyin Ọrovwohwo Ọghẹnẹ tare),

Izikiẹl 2:10

o da bẹre sa vwẹ, e de si isiesi phihọ obaro vẹ obuko rọye, e de si eta rẹ uvwerhe omaemuoho kugbe ekan phihọ.

Izikiẹl 20:28

Kidie ọke re me vwọ reyọ ayen rhe otọ ri mi ve kẹ ayen nẹ me vwọ kẹ ayen nu, etiyin kasan kasan rẹ ayen da mrẹ ugbenu ro kpenu eyẹ urhe rọ vẹ ẹbe gbidi, etiyin kọye ayen de ze izobo rayen, ayen me vwẹ izobo rọ kpare ophu mẹ vwọ rhe, etiyin ọnrhẹ ororo rayen mi bru kpenu, ke etiyin ayen da jẹ udi kuotọ.

Izikiẹl 24:12

Ke me de lagha oma mẹ diodi; ọkpan rẹ ekagba rọye na erhanre sa torhẹ no-o.

Izikiẹl 24:13

Ekagha rọye na ọye ọfanrhiẹn vẹ igberadja wẹn. Me hworhẹ owẹ yu wọ rhọvwe fon nẹ inuhu wẹ-ẹn, wọ gbe cha fon ọfa-a bẹsiẹ me cha vwọ kpa ophu mẹ ku we nu.

Izikiẹl 24:6

Fiki rẹ ọtiọye na e nẹ Ọrovwohwo Ọghẹnẹ tare: Ekan kẹ orere rẹ ọbara na, kẹ ẹvwẹrẹ rẹ ekagba hẹ evun rọye, rẹ ekagba ji nẹ evun rọye-e! Reyọ ibro na ọvuọvo no, wọ sanọ-ọ.

Izikiẹl 36:25

Ke me fẹrẹ ame ọfuanfọn ku we, ku wọ fon nẹ ijẹfuọn wẹn, ke me hworhẹ edjọ wẹn ejobi nẹ uwe oma.

Izikiẹl 36:37

“E nẹ Ọrovwohwo Ọghẹne tare: Ọnana me je cha uphẹ kẹ uwevwi rẹ Izrẹl nẹ ayen nọ vwẹ rere mi ru kẹ ayen, re mi ru ihwo rọye bu kerẹ igọde.

Izikiẹl 6:13

Kẹ ovwan riẹn nẹ mẹvwẹ Ọrovwohwo na, vwẹ ọke rẹ irivwi rayen da riẹn riariẹ ema rayen phihọ vwẹ asan egbada rayen, vwẹ enu rẹ ugbenu otete kugbenu otete, vwẹ enu rẹ ugbenu rode, vwẹ enu rẹ kurhe okpokpọ kurhe okpokpọ, kugbe enu rẹ ohahe vẹ ẹbe djigbri, asan ejobi re ayen de ze izobo ro gbo ọnrhe kẹ ema rayen ejobi.

Hosia 1:2

Ọke rẹ Ọrovwohwo vwo ka wa oma ri Hosia ta ota, Ọrovwohwo da ta kẹ Hosia, Yanran wọ ra rọvwọ igberadja wo vwiẹ emọ rẹ igberadja, fikiridie ihwo na gbe ọfarhiẹ rode rẹ ayen vwọ sen Ọrovwohwo.

Hosia 4:2

Iyori eduvwo, efian, ozighẹ, uji vẹ ọfarhiẹ egbe, ayen miovwo urhi ejobi, ozighẹ vwọ kpahe ozighẹ.

Hosia 8:5

Me vwẹ upene rẹ erhuẹn wẹn jehwẹ, E Sameria. Ophu mẹ ra tua kpahe ayen. Mavọ okrite rẹ ayen ke fon

Zẹfanaya 3:1

Ekan kẹ ọ ro muẹkpahe ihwo ro gbe ihwo kuẹ orere rẹ oshenyẹ na!

Matiu 11:21

Iraghwo korazini Iraghwo Betsaida kidie e ru iruo ride nana vwi Taya vi Sidọn, re ruru vwẹ evun rẹ ovwan na, mane ayen kurhẹriẹ rhabae, rẹ ayen de bru oma vwọ iwurhie.

2 Kọrẹnt 12:21

Oshọ mu uvwe nẹ ọke me da rhoma rhe Ọghẹnẹ mẹ gbe ru uvwe vwọ vwẹ oma kpotọ vwẹ obaro rẹ ovwan, ki mi rhe che muoma phihọ kẹ ayen otu buebu ri ru umwemwu jovwo yẹ ayen ji kurhẹriẹ nẹ ijẹfuọn, ọfaurhiẹ, kugbe ozighi rẹ ayen gbe.

2 Kọrẹnt 7:1

Imoni re ghare, rẹ avwanre vwo vwo ivẹ nana nure na, e gbe jẹn avwanre họ oma rẹ avwanre nẹ ẹgua rẹ ugboma vẹ erhi, re ru ẹfuọn gba vwẹ oshọẹdjẹ rẹ Ọghẹnẹ.

Jems 4:4

Ovwan igberadja rẹ eya na, ovwan rha riẹn nẹ ugbeyan rẹ vwo mu ekuakua rẹ akpọ na, ọvweghrẹ vwẹ obaro rẹ Ọghẹnẹ? Fiki rẹ eriyin na, kohwo kohwo ro mu ugbeyan rẹ akpọ na, yọ vwẹ oma ru ọvweghrẹ rẹ Ọghẹnẹ.

Ẹvwọphia 8:13

Mi vwo ni, mi de nyo umri rẹ ugo ro kperẹ gangan, rọ vwọ rhan vwẹ obenu, Eghwo, eghwo, eghwo kẹ ovwan otu re dia enu rẹ akpọ na, vwẹ umri rẹ ewanre efa rẹ emakashe erha na che hworo.