Jerimaya 13:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Kidie wo ta, siẹ ra da vwẹ ayen mu vwẹ enu wẹn ihwo ru wo rori nẹ igbeyan wẹn? wọ gbe rhovwo ako fia kerẹ aye rọ chuẹ uvwiẹ?

Jerimaya 13:21 ပူးပေါင်းရင်းမြစ်များ

Ivie rẹ Ivẹ 16:7

Etiyin Ehaz de ji ikọn bru Tigiatpileza ovie rẹ Asiria, tanẹ, Mẹvwẹ odibo wẹn vẹ ọmọshare wẹn. Yan rhe wo ri sivwi uvwe nẹ abọ rẹ ovie ri Siria vẹ ọ rẹ ovie rẹ Izrẹl re họnrẹ ovwẹ na.

Aizaya 10:3

Kidie we ru vwẹ ẹdẹ rẹ ẹlaghọ na, vwẹ evun rẹ ogiribo ro che dju ne ogboko rhe na? Kono wa djẹ bru rọ cha ovwan uko, ki tivọ we de si efe re ovwan nu?

Aizaya 13:8

ofu ko dje ayen. Obi vẹ odjadja ko fru ayen, ke mrẹ odjadja kerẹ aye rọ chuẹ uvwiẹ. Kẹ ayen rhienu phihọ ni ohwohwo, opharo rayen ki mu la.

Aizaya 21:3

Ọtiọye ehun mẹ vọnre vẹ uvwerhe; ọdjarhe mu vwe gba, kerẹ odjadja rẹ aye rọ chuẹ uvwiẹ, Mi si wurhu o gbi ju vwe nyo ẹme-e, ofu dje vwe hwe me gbe mrorẹ-ẹ.

Jerimaya 2:25

Wo rhie awọ phihọ ya-an si upho wẹn nẹ urhuru rẹ ame. Ẹkẹvuọvo wọ tare o fiemu-u, kidie me guọnọ erhorha, me yan nene ayen.

Jerimaya 22:23

E ohwo rọ dia Lebanọn, rọ bọn ẹho phihọ ohri ri igedu. Mavọ wọ guan te re odjadja de bru we rhe, ọtie odjadja rẹ aye rọ chuẹ uvwiẹ!

Jerimaya 30:6

Gba nọ asakiephana, re wọ mrẹ, Die sorọ me vwọ mrẹ ọshare kọshare rọ vwẹ abọ rọye cha ehun rọye kere aye rọ chuẹ uvwiẹ die sorọ rẹ opharo kopharo vwo wene?

Jerimaya 38:22

Nighe, eya na ejobi ri chekọ vwẹ uwevwi rẹ ovie ri Juda re sun yanra bru isun rẹ ovie ri Babilọn herọ tanẹ, Igbeyan wẹn ru wọ vwẹ ẹro so phiẹn wẹ ayen phi we kparobọ; asakiephana rẹ awọ wẹn vwo she ro ibrehre na, ayen de chuko ku we.

Jerimaya 4:30

E wọwẹ, ra kua jovwo na, Die wo rori ru wọ vwọ vwẹ isene rhuẹrẹ oma re wọ vwọ reyọ iro vwọ sẹ fia, ru wọ vwọ vwẹ itiro si ẹro wẹn? Wọ de rhuẹrẹ oma wẹn ghevweghe. Esen wẹn jẹ wẹ fia, ayen guọnọ owẹ hwe.

Jerimaya 4:31

Mi nyo oviẹ kerẹ oviẹ rẹ aye rọ chuẹ uvwiẹ, vẹ odjadja kerẹ odjadja rẹ aye vwẹ o tu vwiẹ. Ọnana oviẹ rẹ ọmọtẹ ri Zayọn rẹ ofu dje, ọ riẹn abọ rọye gbagbaragba. Eghwo! mi ro sherua vwẹ obọ rẹ izighẹ ri hwe vwe.

Jerimaya 48:41

a cha reyọ irere na ogba ọgangan na ke che gborho. Udu rẹ ihwo rẹ ofovwi rẹ Moab cha dia vwẹ ẹdẹ yena kerẹ udu rẹ aye rọ chuẹ uvwiẹ,

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Jerimaya 6:24

Avwanre nyo ikun rọye, abọ re avwanre ke ghwrọghọ odjadja te avwanre unu, odjadja kerẹ aye rọ chuẹ uvwiẹ.

Izikiẹl 28:9

Ku wo je tanẹ, mẹvwẹ Ọghẹnẹ, vwẹ irharo rẹ otu ri hwe we na, ye wewe ohwo ghevweghe, wọ dia ọghẹnẹ-ẹ, vwẹ obọ rẹ ihwo re wan we oma na?

Matiu 24:8

Ẹkẹvuọvo enana ejobi ke cha dia ẹtuọhọ rẹ oja.

1 Tẹsalonaika 5:3

Ọke rẹ ihwo vwọ ta nẹ, Ufuoma kugbe ofuvwegbe he rọ, siẹvuọvo na ughwu mi rhi she teye ayen kpregede kerẹ aye rọ chuẹ uvwiẹ, o gbi rhe vwo ohwo rọ cha djẹ vabọ-ọ.