Jerimaya 13:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Irere ri Nẹgẹb na, a karẹ ẹchẹ gbe ayen o gbi vwo ohwo ro rhiẹ aye-en; E mu Juda ejobi kpo ighuvwu, ayen ejobi tototo kpo ighuvwu.

Jerimaya 13:19 ပူးပေါင်းရင်းမြစ်များ

Ivie rẹ Ivẹ 25:21

Ovie ri Babilọn na da teyọ ayen hwe, o de hwe ayen ghwu vwi Ribla rọ evun rẹ otọ ri Hamat. Ke mu Juda nẹ otọ rọye kpo ighuvwu.

1 Ikun rẹ Ivie 9:1

Ọtiọye e si Izrẹl ejobi phihọ ọbe rẹ uvwiẹ, e de si enana phihọ evun rẹ Ẹbe rẹ Ivie rẹ Izrẹl. E de mu Juda imu kpo Babilọn fiki rẹ umwemwu rayen.

ỌBE RẸ JOB 12:14

O de kporo te otọ nu, ohwo ọvuọvo sa bọ-ọn, ọ de huhu eche gbe ohwo nu, ohwo ọvuọvo se rhie-e.

Jerimaya 17:26

Ihwo che nẹ irere ri Juda vẹ asan re yariẹ Jerusalẹm phihọ, nẹ otọ ri Bẹnjamin, nẹ Shefela, nẹ orere rẹ ugbenu, ji nẹ Nẹgẹb rhe, re ghwa izobo rẹ ẹtorhẹ kugbe izobo cha, izobo rẹ ọka kugbe adjija, ke vwẹ ẹkpẹvwẹ rhe uwevwi rẹ Ọrovwohwo na.

Jerimaya 20:4

Kidie enẹ Ọrovwohwo tare, Nighe, mi che ru we vwọ dia imuọshọ kẹ omobọ wẹn ji kugbe igbeyan wẹn ejobi. Ọlọkọ rẹ ivwighrẹ rayen che gere ayen she yi wo di ni ughe. Ki mi phi Juda ejobi phihọ obọ rẹ ọvie ri Babilọn, ọ cha ghwa ayen kpọ imu kpo Babilọn, ọ da vwe ọlọkọ hwe ayen.

Jerimaya 24:1

Ri Nẹbukadreza ovie ri Babilọn vwo mu Jekonaya ọmọ re Jehọiakim, ovie ri Juda, kugbe isun ri Juda, te ewena, te idjogun, nẹ Jerusalẹm rhe, ro vwo mu ayen imu vwo kpo Babilọn, Ọrovwohwo da vwẹ emramrẹ nana vwọ nẹ vwẹ. Nighe, ibere ri fig ivẹ da hẹ obaro rẹ uwevwi rẹ Ọrovwohwo na.

Jerimaya 28:4

Me je reyọ Jekonaya ọmọ ri Jehoiakim, ovie ri Juda kpo vẹ ihwo ejobi re mu nẹ Juda kpo Babilọn rhivwi rhe etinẹ, eriyin Ọrovwohwo na tare, kidie me cha guọghọ urhekpe rẹ ovie ri Babilọn.

Jerimaya 32:44

A cha vwẹ igho de idju vwọ vwobọ ọbe rẹ eshashẹ ka ghwẹ obọ phihọ ji se oseri kpahọ vwẹ otọ ri Benjamin, vwẹ asan re yariẹ Jerusalẹm phihọ kugbe irere ri Juda, vwẹ irere rẹ obọ igbenu na, vwẹ irere re obi Shefela, kugbe evun rẹ irere rẹ obi Nẹgẹb na; kidie me cha vwẹ oyovwe rayen rhivwi rhe ayen, eriyin Ọrovwohwo tare.

Jerimaya 33:13

Vwẹ irere rẹ obenu rẹ ugbenu na, vwẹ irere ri Shefela na, vẹ evun rẹ irere ri Nẹgẹb na, vwẹ otọ ri Benjamin na, vwẹ asan rẹ yariẹ Jerusalẹm, kugbe evun rẹ irere ri Juda, igegede je cha rhoma yan nẹ obọ rẹ ohwo ro kere ayen, eriyin Ọrovwohwo tare.

Jerimaya 39:9

Etiyin Nebuzaradan, onotu rẹ ohẹrhẹ na, de mu ihwo ri chekọ vwẹ orere na ighuvwu kpo Babilọn, tẹ ihwo re djẹ bro, vẹ ihwo ri chekọ.

Jerimaya 52:27

Ovie ri Babilọn de hwe ayen, o de hwe ayen ghwu vwẹ Ribla vwẹ evun rẹ otọ ri Hamat, eriyin na e de mu Juda ighuvwu nẹ otọ rẹ obọ rọye na.

Jerimaya 52:28

Ọnana hẹ unu rẹ ihwo ri Nebukadreza mu ighuvwu kpo vwẹ ẹgbukpe righwrẹ, uriori erha gbẹ uje gbẹ erha rẹ ihwo ri Ju.

Jerimaya 52:30

vwẹ ukpe ruje gbẹ erha ri Nebukadreza, Nebuzaradan olotu rẹ ohẹrhẹ na da ghwẹ ihwo ri Ju ujori ighwrẹ gbẹ ujuvẹ gbẹ iyori ighuvwu kpo; ihwo na ejobi da dia uriori ẹne gbẹ ujori esan.

Uvwerhe 1:3

Juda kpo imu fiki re oma ẹlaghọ vẹ owian ọgangan, ohri rẹ ẹgborho na kọye ọ dia, ẹkẹvuọvo ọ sa mrẹ ẹdia rẹ omaerovwo-o, otu re vwọ tua djẹrẹ mu vwẹ evun rẹ uvwerhe rọye.

Zekaraya 7:7

Ọke ra vwọ dia Jerusalẹm ro vwo vwo erhuvwu, re irere rọye vwọ gba yariẹ phihọ, re vwo yere obọhwẹre ọnre vẹ igo rọye, enana dia eta rẹ Ọrovwohwo wan oma rẹ emraro rẹsosuọ ta-a?

Urhi Rivẹ 28:15

Ẹkẹvuọvo ọ da dianẹ ovwan rhe nyo urhuru rẹ Ọrovwohwo rẹ Ọghẹnẹ rẹ ovwan na eyẹ vwẹ oma kpotọ vwọ yọnrọn irhi rọye ejobi vẹ ẹgha rọye ri mi ji urhi rọye kẹ ovwan nonẹ na-a, ekan nana ejobi ki bru ovwan rhe ke je vwa ovwan.

Urhi Rivẹ 28:52

Ayen cha yariẹ irere rẹ ovwan ejobi phihọ bẹsiẹ rẹ igbẹhẹn rẹ ovwan rẹ gangan ri gro kpenu, rẹ ovwan vwẹ ẹro so na rhi vwo she te otọ vwẹ asan na ejobi; ayen cha gba yariẹ irho re hẹ otọ rẹ ovwan na ejobi họ, rẹ Ọrovwohwo rẹ Ọghẹnẹ rẹ ovwan kẹ ovwan na.

Joshua 18:5

Ayen gharẹ akueghwrẹ, Juda kọ je dia ubrotọ ro obọrhe ọnre na, uwevwi ri Josẹf kọ je dia otọ rọye rọ obọhwẹre ọnre na.