Jerimaya 13:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ẹkẹvuọvo wa gbe kerhọ-ọn, ẹnwẹn mẹ kọ bẹbẹ viẹ fiki rẹ eheri wẹn, ibiẹro mẹ ke gangan ame oviẹ mẹ ko hwẹ rhe patapata fikiridie emu igegede rẹ Ọrovwohwo imu.

Jerimaya 13:17 ပူးပေါင်းရင်းမြစ်များ

Une rẹ Ejiro 119:136

Ẹro mẹ ra djẹ ọkẹre rẹ oviẹ fikiridie ihwo sa yọnrọn urhi wẹ-ẹn.

Une rẹ Ejiro 80:1

Kerhọn, E Osuigegede rẹ Izrẹl, wọwẹ rọ sun Josẹf kerẹ ekru rẹ igodẹ! Wọwẹ rọ tidia ekete vwẹ enu ri chẹrobim, gbe lo phia.

Aizaya 63:11

Etiyin ọ da karophihọ ọke re awanre, ọke ri Mosis odibo rọye. Tivọ ọ re mu nẹ ame rhe na epha osuigodẹ re ihwo rọye na? Tivọ ọ re phihọ uherevie rayen na epha Erhi ọfuanfon rọye na,

Jerimaya 14:17

Ku wọ ta ota nana kẹ ayen, Jẹn ẹro mẹ djẹ ame ason vẹ uvo, wo jẹ ayen ka-a, kidie e bru ora rode na phihọ ọmọtobẹ rẹ ihwo mẹ, a teye rọ miomiovwi.

Jerimaya 15:17

Mi tidia vwẹ ukoko re otu re ghọghọ-ọ, me je ghọghọ-ọ; mẹvwẹ ọvo ri tidia, kidie obọ wẹn ọ he enu mẹ, kidie wẹ ghwa ophu vọn vwẹ evun.

Jerimaya 17:16

Me gba wẹ nẹ wọ vwẹ umiovwo rhe-e, eyẹ me je guọnọ ẹdẹ rẹ ẹghwọrọ-ọ, wẹ re riẹnre obo ri nẹ ẹbẹre-unu mẹ rhe e hẹ obaro wẹn.

Jerimaya 22:5

Ẹkẹvuọvo wa gbe kerhọn rẹ eta nana-a, ye me vwẹ oma mẹ duvwu iyori, eriyin Ọrovwohwo tare, nẹ uwevwi nana cha dia ofefe.

Jerimaya 23:1

Ekan kẹ isuigegede re ghwọrọ re je hra igegede re me ghẹrẹ na! eriyin Ọrovwohwo tare.

Jerimaya 23:2

Ọtioye na enẹ Ọrovwohwo, Ọghẹnẹ rẹ Izrẹl tare, kpahe isuigegede ri nẹ ihwo mẹ: wa hra ukoko rẹ igegede mẹ, wa djẹ ayen ghwru, wa vwẹ ẹro te aye-en. Nighe, Me cha mrẹ ovwan fiki rẹ iruo omiomiovwi rẹ ovwan, eriyin Ọrovwohwo tare.

Jerimaya 9:1

E manẹ uyovwi mẹ kẹ ame, rẹ ibiẹrọ mẹ da dia ogbugbu rẹ oviẹ? rere me a vie te ason te uvo fiki rẹ irivwi rẹ ọmọtẹ rẹ ihwo mẹ na!

Uvwerhe 1:16

Kidie fiki rẹ imu nana me vwọ viẹ, ẹro mẹ kọ djẹ ọkẹre rẹ oviẹ, kidie obruche tephe kẹ vwẹ O ro phiudu phihọ ovwẹ awọ, emọ mẹ gbi vwo ọchuko-o kidie ọvweghrẹ mẹ kparobọ nure.

Uvwerhe 1:2

O beroma rẹ oviẹ vwẹ ason, ameoviẹ hẹ egban rọye, vwẹ usun rẹ esen rọye na ejobi o vwo ọvuọvo rọ vwẹ uchebro kẹ-ẹ; Igbeyan rọye ejobi hirhe phihọ ivwighrẹ rọye.

Uvwerhe 1:9

Ijẹfuọn rọye hẹ eshamwa rọye; O se roro ughwu rọye-e, vwẹ ọtiọye na eshe rọye che muoshọ, O gbi vwọ ọbruche-e. E Ọrovwohwo gbe ni oma ẹlaghọ mẹ, kidie ivwighrẹ na phi kparobọ re!

Uvwerhe 2:18

Va kperi se Ọrovwohwo! E ọmọte ri Zayọn! Jẹn ameoviẹ dje wotọ kerẹ ọkẹre te ason te uvo. Wo rovwo oma-a, wo jẹ ẹro wẹn rovwo oma rhe-e.

Uvwerhe 3:48

ẹro mẹ ke djẹ ọkẹre kerẹ ame rẹ urhie fiki rẹ ẹghwọrọ rẹ ọmọtẹ rẹ ihwo mẹ.

Izikiẹl 24:16

Ọmọ rẹ ohwo, nighe, mi re muegbe re me cha vwọ reyọ ojevwe rẹ ẹro wẹn nẹ uwe oma kpregede; yu wo che muomahọ-ọ eyẹ viẹ eyẹ amẹoviẹ wẹn che sun te otọ-ọ.

Izikiẹl 34:31

Ovwan kẹ igegede mẹ, igodẹ rẹ egbri mẹ, mẹvwẹ kẹ Ọghẹnẹ wẹn, eriyin Ọrovwohwo Ọghẹnẹ tare.

Izikiẹl 36:38

Kerẹ igodẹ re vwo ze izobo, kerẹ igodẹ vwi Jerusalẹm vwẹ ẹdorẹ, etiọye irere ifefe na vwọ vọn vẹ igodẹ rẹ ihwo. Kẹ ayen riẹn nẹ mẹvwẹ Ọrovwohwo,”

Izikiẹl 9:4

Ọrovwohwo da ta kẹ, Yan wan uherevie rẹ orere na, wan uherevie ri Jerusalẹm, re wọ ka oka phihọ arhare rẹ ihwo re fiọn unu kugbe ihwo ri dirhivwẹ vwi fiki rẹ ẹgua re gberi vwẹ evun rọye.

Malakae 2:2

Wa gbe rha kerhọ-ọn, wa gbe vwẹ udu roro-o re wa da vwẹ urinrin kẹ odẹ mẹ-ẹ, eriyin Ọrovwohwo rẹ otuofovwi na tare, ke me cha harhe ovwan ekan ki mi che duvwu iyori phihọ ebruphihọ rẹ ovwan, uyota me tobọ harhe ovwan nure, kidie wa vwẹ udu rẹ ovwan roro-o.

1 Samuẹl 15:11

Ọ davwẹ gangan nẹ mi vwi Sọl mu ovie; kidie ọ chuko ku vwe nure o gbi nene uvwe-e, o ru obo ri mi ji urhi rọye kẹ-ẹ. Ivun de miovwi Samuel; ọda viẹ se Ọrovwohwo vwẹ ason yena ejobi.

1 Samuẹl 15:35

Samuẹl gbe mrẹ Sọl ọfa-a rhiri re te ẹdẹ ughwu rọye, ẹkẹvuọvo ivun de miovwo Samuẹl fiki ri Sọl. ọ da da Ọrovwohwo nẹ ọye vwi Sọl mu ovie vwẹ enu rẹ Izrẹl.