Jerimaya 13:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Vwẹ urinrin kẹ Ọrovwohwo Ọghẹnẹ wẹn tavwe rọ ke vwẹ ebri rhe, tavwe rẹ awọ wẹn ke yẹghrẹn vwẹ igbenu rẹ urhukpẹ rẹ ovwọvwọn. Ri we ji vwo rhẹro rẹ uvo ọ me rhẹriẹ phihọ ebri o mi hirhe phihọ ebri rode.

Jerimaya 13:16 ပူးပေါင်းရင်းမြစ်များ

ỌBE RẸ JOB 3:5

Jẹn okuku vẹ ebri rode reyọ. Jẹn egho mu vwe enu rọye, jẹn ebri rẹ ẹdẹ na djẹ oshọ muo.

Une rẹ Ejiro 107:10

Ẹvo tidia vwẹ ebri vẹ uvweri, ighuvwu rẹ ọdjarhe vẹ igoni,

Une rẹ Ejiro 107:14

ọ da reyọ ayen nẹ evun rẹ ebri vẹ uvweri, o de vwirhi igọni rayen kufia.

Une rẹ Ejiro 29:2

A vwọ kẹ Ọrovwohwo urinrin rẹ odẹ rọye; ga Ọrovwohwo na vwe usun ọfuanfon.

Une rẹ Ejiro 44:19

ku wọ guọghọ avwanre vwẹ asan rẹ ẹrhan ẹpha vwọnẹ, wọ da vwẹ ebri hwi vwo rhurhu avwanre.

Ẹyano 10:21

Etiyin Ọrovwohwo da ta kẹ Mosis, Riẹn obọ wẹn kpenu, rere ebri rhi mu vwẹ otọ rẹ Ijipt na, ebri re nyo vwẹ oma.

Isẹ 4:19

Idjerhe rẹ oruimwemwu na ọ họhọ ebri rode; ayen vughe obo rayen she teye-e.

Aghwoghwo 11:8

Kidie ohwo da dia akpọ ikpe buebu, gbe jẹ ọ ghọghọ vwẹ evun rẹ ayen ejobi; ẹkẹvuọvo gbe jẹ ọ karohọ nẹ ẹdẹ rẹ ebri na cha dia buebu. E re rhere ejobi na idiodi i ruẹ.

Aizaya 5:30

Ayen guan vwi fiki rọye vwẹ ẹdẹ yena, kerẹ urhie ro do. Ohwo da kparo ni otọ na, nighere, ebri kugbe ivuemiovwo, orẹmrẹ na ko che mu ebri vwi fiki rẹ ikoro na.

Aizaya 59:10

Avwanre vwẹ abọ gbe igbẹhẹ kerẹ orhuẹro, avwanre vwẹ abọ gbe kerẹ ohwo ro vwo ẹro-o, avwanre ghorie she vwẹ oghẹruvo kerẹ ason, vwe uherevie rẹ ihwo gbrọgbrọ avwanre ke họhọ ihwo ri ghwuru.

Aizaya 59:9

Fiki rẹ ọtiọye na ọsoso vwo sheri kẹ avwanre, ọvwata rha sa djẹ mu avwanre-e, avwanre rhẹro rẹ urhukpẹ, nighere, kẹ ebri a mrẹre, elo, ẹkẹvuọvo kẹ egho avwanre da yan.

Aizaya 60:2

Kidie nighere, ebri che rhurhu akpọ na, egho prirhẹ che rhurhu ihwo na; ẹkẹvuọvo Ọrovwohwo che vrẹn vwọ kpahe owẹ, ka cha mrẹ urinrm rọye vwẹ oma wẹ.

Aizaya 8:22

ayen ki ni otọ na, ẹkẹvuọvo nighe, odjadja kugbe ebri hwi, omaemuohọ rẹ ivuemiovwo, ke keke ayen phihọ ebri hwi.

Jerimaya 14:19

Wọ ghwa siẹn Juda tototo? Ki Zayọn ghwe tu erhi wẹn oma? Die wọ vwọ ghwiẹ avwanre, rẹ esivwo gbe herọ kẹ avwanre-e? Avwanre phiẹro phihọ ufuoma, ye erhuvwu cha-a; vwẹ ọke rẹ esivwo, gbe nighe kẹ uguegue.

Jerimaya 2:6

Ayen sa ta nẹ, Tivọ Ọrovwohwo epha rọ reyọ avwanre nẹ otọ rẹ Ijipt rhe na, Ohwo ro sun avwanre vwẹ evun rẹ aghwa na, vwẹ evun rẹ otọ rẹ aton kugbe ikpotọ na, otọ ọyaya vẹ ebri rode na, asan rẹ ohwo dia-a na?

Jerimaya 23:12

Ọtiọye na idjerhe rayen kọ dia kẹ ayen kerẹ idjerhe rọ ghworiẹ vwẹ ebri, ra cha djẹ ayen rua rẹ ayen de she; kidie me cha ghwẹ umiovwo rhe ayen vwẹ ukpe rẹ ehwe rayen, eriyin Ọrovwohwo tare.

Jerimaya 4:23

Mi de ni akpọ na, me vwọ mrẹ, kẹ ẹghwọrọ kugbe odiodi mi vwo ni obenu, ayen gbi vwo urhukpẹ-ẹ.

Jerimaya 50:6

Ihwo mẹ rhe dia kerẹ igegede ri ghwruru, isuigegede rayen sun ayen ghwru, ayen ku ayen rhẹriẹ vwẹ enu rẹ igbenu, nẹ ugbenu ride kpo ugbenu otete ayen yan ra, ogba rayen chọrọ ayen ero.

Jerimaya 6:21

Ọtiọye na enẹ Ọrovwohwo na tare; Nighe, mi che mu uchukurhe umwemwu phihọ idjerhe rọ kprọ ihwo nana awọ she; te ese te emọ ejobi te oko te ugbeyan cha ghwọrọ

Jerimaya 8:15

Ma hẹrhẹ ufuoma, yẹ erhuvwu cha-a, ma hẹrhẹ esivwo, ẹkẹvuọvo, gbe no, oshọ kọye a mrẹre.

Uvwerhe 4:17

Rẹ avwanre vwọ djẹ ẹhẹhẹrhẹ na, ẹro rẹ avwanre de rhu. Ọchuko rẹ avwanre kẹ odiodi, rẹ avwanre vwọ rhẹrẹ na ẹgborho re je se sivwo kọye avwanre rhẹrẹ na.

Izikiẹl 21:15

rere udu rayen vwọ wran, ri buebu she teye inurhoro rayen. Me kẹrẹ ọlọkọ ro lo wrowro na, e! ruro kerẹ enu rọ nyavwarọ, a riere vwọ kẹ ehwe.

Izikiẹl 34:12

Kirobo rẹ osuigegede guọnọ igegede evo re hrabọ phia na, ọtiọye me cha guọnọ igegede mẹ phia, ki mi sivwi ayen nẹ asan ejobi rẹ ayen hrabọ ra rhe vwẹ ẹdẹ rẹ enu de bi hwi kugbe ẹdẹ rẹ egho de mu kpoi.

Izikiẹl 36:15

mi gbi ji che ju we nyo ehwẹjẹ rẹ ẹgborho na ọfa-a, wọ gbe cha mrẹ omavovwẹ rẹ ihwo na ọfa-a, ayen gbi che ru ẹgborho wẹn she ọfa-a, eriyin Ọrovwohwo Ọghẹnẹ tare.

Joẹl 2:2

ẹdẹ rẹ ebri ghwi, ẹdẹ rẹ egho vẹ ebri ghwi! Biebi ghwi o de rhurhu enu rẹ igbenu na ihwo ride vẹ egba gangan, a je mrẹ ọkpọ rayen nẹ awanre rhe-e, eyẹ a je cha mrẹ ọkpọ rayen bẹdẹ-ẹ vwẹ ikpe rẹ uvwiẹ na ejobi.

Emọs 4:13

Gbe nighere, ohwo rọ ma igbenu na, rọ da rha ma odju, ro dje iroro rẹ ohwo rẹ akpọ kẹ, Rọ nẹrhẹ ebri muẹ vwẹ irhiọke, ro chiyi asan ro kpenu vwẹ akpọ na Ọrovwohwo na, Ọghẹnẹ rẹ ofovwi na, ọye odẹ rọye.

Emọs 5:18

Ekan kẹ wẹ rọ guọnọ ẹdẹ rẹ Ọrovwohwo na! Die wọ vwọ guọnọ ẹdẹ rẹ Ọrovwohwo na? Ẹdẹ na ebri hwi, o vwo orẹmrẹ-ẹ,

Malakae 2:2

Wa gbe rha kerhọ-ọn, wa gbe vwẹ udu roro-o re wa da vwẹ urinrin kẹ odẹ mẹ-ẹ, eriyin Ọrovwohwo rẹ otuofovwi na tare, ke me cha harhe ovwan ekan ki mi che duvwu iyori phihọ ebruphihọ rẹ ovwan, uyota me tobọ harhe ovwan nure, kidie wa vwẹ udu rẹ ovwan roro-o.

Iyẹnrẹ Esiri ri Jọn 12:35

Jesu da ta kẹ ayen, Urhukpẹ na vẹ ovwan je dia kri emerha. Ovwan yan vwẹ ọke na rẹ urhukpẹ vwọ herọ na; ọ dia ọtiọye-e ebri na che muẹ ghene ovwan; ohwo rọ yan vwẹ evun rẹ ebri riẹn asan rọ ra-a.

Joshua 7:19

Etiyin Joshua da ta kẹ Ekan, Ọmọ mẹ, vwẹ urinrin kẹ Ọrovwohwo Ọghẹnẹ rẹ Izrẹl, rere wo jiro; gba ta kẹ vwẹ asakiephana obo wo ruru; wo sionẹ kẹ vwẹ-ẹ.

1 Pita 2:8

kugbe, Oragha rọ cha kprọ ihwo awọ, oragha rọ cha nẹrhẹ ayen she; ọ cha kprọ ayen awọ fikiridie ayen mu ọghọ kẹ ota na-a, kirobo re rhiẹ ayen phihọ nẹ ayen ru.

1 Samuẹl 6:5

Ku wọ ma oma rẹ irubẹ wẹn kugbe oma re ighresi wẹn ri kpokpo otọ na, re wa vwẹ urinrin kẹ Ọghẹnẹ rẹ Izrẹl; ọkeọvo ko siobọ nu ovwan vẹ edjọ rẹ ovwan kugbe otọ rẹ ovwan.