Jerimaya 13:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ki mi che geri ayen ohwohwo teye ohwo, esemọ vẹ emọ kugbe, eriyin Ọrovwohwo tare, mi che nẹ aruẹdọ-ọ eye me re ehrọre-e, ri mi di ji ayen eghwọrọ-ọ,

Jerimaya 13:14 ပူးပေါင်းရင်းမြစ်များ

2 Ikun rẹ Ivie 20:23

Kidie ihwo rẹ Ammọn vi Moab vrẹnri ayen da họrhọ ro ihwo rẹ Ugbenu ri Seir, ayen da ghwọrọ ayen tototo, ọke rẹ ayen rha vwọ ghwọrọ ihwo ri Seir tototo nu, ayen ohwohwo kẹ rhẹriẹ oma ghwọrọ ohwohwo.

ỌBE RẸ JOB 27:22

O siaro phio rhe, onẹ ọtuatua ọ vwọ djẹ nẹ ẹgba rọye.

Une rẹ Ejiro 2:9

Wọ vwẹ ọkpọ rẹ utehru vwo vwirhi ayen, ku wọ ghwọrọ ayen vworo vworo kerẹ ema rọ mẹma na.

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Jerimaya 15:5

Kono ri ni arodọvwẹ wẹ, E Jerusalẹm, eyẹ kono viẹ kẹ wẹ? Ono ri bioma phihọ akakọ rọ nọ wẹ obo ru wọ epha?

Jerimaya 15:6

Wọ sen vwẹ, eriyin Ọrovwohwo tare, obobuko wọ cha ra; kọye me vwọ riẹn obọ mẹ kpahe owẹ re me vwọ ghwọrọ owẹ; oma rẹ ufuefu rhọ vwẹ rẹ.

Jerimaya 16:5

Kidie enẹ Ọrovwohwo tare: Wọ ruẹ uwevwi rẹ uvweri-i, eyẹ wọ yanran ra viẹ-ẹ, wo muomahọ kẹ aye-en, kidie mi si ufuoma mẹ nẹ obọ rẹ ihwo nana rẹ, eriyin Ọrovwohwo tare, te ẹguọnọ ro jẹrhẹrie vẹ arodọvwẹ mẹ mi mie ayen.

Jerimaya 21:7

Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

Jerimaya 25:16

Ayen cha da ayen ki yeghrẹ ayen ke mua orhuẹ vwi fiki rẹ ọlọkọ ri mi che ji phihọ ọhri rayen na.

Jerimaya 47:3

Vwẹ edo rẹ ichiyotọ rẹ isi eshare rọye, vwẹ ẹdjẹ rẹ ekpẹrẹ rọye, vwẹ eghorie rẹ idjuge rayen, esẹmọ na rhe ni uko nẹ emọ raye-en, eriyin abọ rayen ghwrọghọ te,

Jerimaya 48:12

Vwẹ ọtiọye na, gbe nighe, ẹdẹ cha, eriyin Ọrovwohwo tare, ri mi che vwo ji ogele rhe ro che gele, o ku obo re hẹ echẹ na fia, ghwọrọ ichago rọye ibribro.

Jerimaya 6:21

Ọtiọye na enẹ Ọrovwohwo na tare; Nighe, mi che mu uchukurhe umwemwu phihọ idjerhe rọ kprọ ihwo nana awọ she; te ese te emọ ejobi te oko te ugbeyan cha ghwọrọ

Uvwerhe 2:21

Vwẹ evun rẹ iwurhie rẹ irhuvwu na ighene vẹ emare de gbule; emetẹ mẹ kugbe emeshare mẹ de ghwu ughwu rẹ ọlọkọ, wo hwe ayen vwẹ ẹdẹ rẹ ophu wẹn, ihwehwe ro vwo arodọvwẹ-ẹ.

Izikiẹl 24:14

Mẹvwẹ rẹ Ọrovwohwo ta nure; ọke de rhi te, ki mi ruo; mi gbi rhivwi kpo uko-o, mi che ju we vwo-o, mi che kurhẹriẹ-ẹ; ki mi gu ẹdjọ wẹ, kirobo rẹ idjerhe wẹn vẹ uruemu wẹn epha, eriyin Ọrovwohwo Ọghẹnẹ tare.

Izikiẹl 7:3

Asakiephana oba na bru we rhire, ki mi che siobọ nẹ ophu mẹ bru we rhe, ki mi hwe we fiki rẹ ẹgua wẹn.

Izikiẹl 7:4

Ẹro me se ju we vwo-o, eyẹ me re ehrọre wẹ-ẹ, ẹkẹvuọvo ki mi hwe we fiki rẹ idjerhe wẹn, vwe ọke rẹ ẹgua wẹn vwọ hẹ uherevie wẹn na. Etiyin ku wọ riẹn nẹ mẹvwẹ Ọrovwohwo na.

Izikiẹl 7:9

Ẹro mẹ se ju we vwọ-ọ, eyẹ me re ehrọre wẹ-ẹ, ki mi gbe oja kẹ wẹ re kirobo rẹ idjerhe wẹn epha, yẹ ẹgua wẹn ji hẹ uherevie wẹn. Etiyin ku wọ riẹn nẹ mẹvwẹ Ọrovwohwo na, re ghwiẹ wẹ.

Izikiẹl 8:18

Fiki rẹ ọtiọye na ayen kpare o vwẹ ophu; ẹro mẹ gbi jẹn ayen vwo-o, eyẹ me gbe re ehrọre-e, owenẹ ayen kperi phihọ ovwẹ erhọn vẹ urhuru ọgangan dede, me cha kerhọn rẹ aye-en.

Izikiẹl 9:10

Vwọ kẹ vwẹ, o gbi sisi uvwe ẹro-o, eyẹ Me gbe re ehrore-e, ki mi kere uruemu rayen phihọ uyovwi rayen.

Izikiẹl 9:5

Vwọ kẹ efa ọ da rha ta kẹ vwẹ nyo nẹ, Vwọ kpahọ wan orere na vrẹn, re wọ ghwiẹ, wo jo sisi we ẹro-o, wọ je re ehrọre-e,

Hosia 2:4

Me rha re ehrọre rẹ emọ rọye-e, kidie ayen emọ rẹ ọfarhiẹ.

Zekaraya 11:6

Kidie mi gbi che nẹ aruẹdọn ke ihwo rẹ otọ nana ọfa-a, Ọrovwohwo re tarọ. Nighe, mi ru ihwo rẹ ọvuọvo de she tehe obọ rẹ osuigodẹ rọye, re ọvuọvo de she tehe obọ rẹ ovie rọye, ayen ke guọghọ akpọ na, mi che sivwi ọvuọvo nẹ obọ raye-en.

Matiu 10:21

Oniọvo che hwe oniọvo, ọsẹ che hwe ọmọ, emọ che hwe i ri vwiẹ ayen, ri de ghwu.

Iyẹnrẹ Esiri ri Mak 13:12

Oniọvo cha vwẹ oniọvo re odọvwe ra vwọ mrasan hwe ghwu, ọsẹ cha vwẹ ọmọ re ọdọvwe; emọ che vrẹn vwọ so i ri vwiẹ ayen, rere evwo hwe ayen ghwu.

Urhi Rivẹ 29:20

Ọrovwohwo rhe se vwo ghovwo-o, ukpe rẹ evworhovwo ophu vẹ omẹriọ rẹ Ọrovwohwo ko guvwie nene ohwo yena, ekan re siri phihọ ọbe nana na ki bro ra, Ọrovwohwo ko phoro odẹ rọye nẹ otọ rẹ odjuvwu na.

1 Samuẹl 14:16

Erhẹrotọ ri Sọl vwi Gibeah ri Bẹnjamin ki no; nighe urogho na ke ghwiẹ kpo enẹ ghwiẹ kpo enẹ.