Jerimaya 13:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Kidie obo rẹ otehun ta muẹ ehun rẹ ohwo ye, ọtiọye mi ru uwevwi rẹ Izrẹl ejobi kugbe uwevwi ri Juda ejobi ne tamu uvwe, eriyin Ọrovwohwo tare, rere ayen vwọ dia ihwo mẹ vwẹ odẹ, ejiro, kugbe urinrin, ẹkẹvuọvo ayen kerhọ-ọn.

Jerimaya 13:11 ပူးပေါင်းရင်းမြစ်များ

Une rẹ Ejiro 135:4

Kidie Ọrovwohwo jẹ Jekọp reyọ ke oma rọye, Izrẹl kerẹ emuobọ rọye.

Une rẹ Ejiro 147:20

O nene ẹgborho ọfa yeri ọtiọna dẹvo-o; ayen riẹn urhi rọye-e. Jiri Ọrovwohwo na.

Une rẹ Ejiro 81:11

Ẹkẹvuọvo ihwo mẹ rha kerhọn rẹ urhuru mẹ-ẹ; Izrẹl rha davwerhọ mẹ-ẹ.

Aizaya 43:21

ihwo re Me mare kẹ oma mẹ rere ayen vwo ghwoghwo ejiro mẹ phia

Aizaya 62:12

Ke se ayen ihwo efuanfon na, re Ọrovwohwo tan hirhe, ke se we nẹ Aguọnọ phia, orere re jẹ siọ.

Jerimaya 13:1

Enẹ Ọrovwohwo ta kẹ vwẹ, Yanra ra dẹ otehun rẹ ukpoyibo vwo rhuo ehun wẹn, wo dje phihọ ame-e.

Jerimaya 13:10

Ihwo umwemwu nana, re senre nẹ ayen nyo eta mẹ-ẹ na, re vwẹ udu ọgangan nene udu rẹ obọ rayen vwọ yan nene edjọ efa vwọ gan ayen je vwẹ uyovwi te otọ kẹ ayen na, ayen cha dia kerẹ otehun nana, ro fi emuọvo-o na.

Jerimaya 13:12

Ku wọ ta ota nana kẹ ayen, Enẹ Ọrovwohwo Ọghẹnẹ rẹ Izrẹl tare, e chẹ ku wain vọn ochẹ kochẹ. Ayen ke ta kẹ, Avwanre gbe riẹn nẹ e che ku wain vọn ochẹ kochẹ?

Jerimaya 19:15

Enẹ Ọrovwohwo rẹ otuofovwi, Ọghẹnẹ rẹ Izrẹl, tare, Nighe, me herọ ghwa umiovwo cha orere nana kugbe irere rọye ejobi umiovwo ri mi ghwoghwo kpahọ ejobi, fikiridie ayen gan udu phihọ, ayen rhọvwe nyo eta mẹ-ẹ.

Jerimaya 32:20

ohwo rọ vwẹ eka vẹ imu rẹ igbunu vwọ phia vwẹ otọ rẹ Ijipt, ọ je vwọ nẹ Izrẹl kugbe ihwo rẹ akpọ na ejobi rhi te none na, wọ da re odẹ kẹ oma wẹn kirobo rẹ ọ epha nonẹ na.

Jerimaya 33:9

O nana kọ dia odẹ rẹ aghọghọ kẹ vwẹ, kugbe ejiro vẹ urinrin vwẹ obaro rẹ irere rẹ akpo na ri che nyo erhuvwu ri mi che ru kẹ ayen, oshọ ko mu ayen rẹ ayen de kpogho vwi fiki rẹ erhuvwu vẹ oyovwe ejobi re me rhuẹrẹ hẹrhẹ na.

Jerimaya 6:17

Me da vwẹ erhẹrotọ mu kẹ ovwan, ta nẹ, Kerhọn rẹ edo rẹ ọgban na! Ẹkẹvuọvo ayen tare nẹ, Ma cha kerhọ-ọn.

Jerimaya 7:13

Fiki rẹ obo rẹ ovwan vwo ru imu nana, vwẹ asakiephana, eriyin Ọrovwohwo na tare, ọke mi vwo dje ovwan ẹtẹta kẹ wa kerhọ-ọn, mi vwo se ovwan we nyori-i,

Jerimaya 7:23

Ẹkẹvuọvo urhi nana me vwọ kẹ ayen, Nyo urhuru mẹ, ke me dia Ọghẹnẹ kẹ ovwan, ovwan ke dia ihwo mẹ, rere wa yan vwẹ idjerhe ejobi ri mi dje kẹ ovwan rere o vwo yovwi kẹ ovwan.

Jerimaya 7:24

Ẹkẹvuọvo ayen nyori-i, ayen kerhọ-ọn, ẹkẹvuọvo ayen da yan nene iroro rẹ obo rayen vẹ udu ọgangan rẹ udu umwemwu rayen, ayen da ya kpuko o gbe dia obaro-o.

Jerimaya 7:26

dede na ayen kerhọn mẹ-ẹ, ayen je vwẹ erhọn kpotọ-ọ, ẹkẹvuọvo ayen vẹ udu kpohro, ayen ru miovwi nọ esẹ rayen.

Emọs 3:1

Nyo ota nana rẹ Ọrovwohwo ta kpahe owẹ na, E ihwo rẹ Izrẹl, vwọ kpahe orua na ejobi re Me reyọ nẹ otọ rẹ Ijipt rhe na;

Iyẹnrẹ Esiri ri Luk 10:11

Vwevwe rẹ iwurhie re tamu awọ rẹ avwanre, me phorho ayen kẹ ovwan; ọtiọye na ovwan gba riẹn ọnana nẹ, uvie rẹ Ọghẹnẹ te ovwan oma nure.

Urhi Rivẹ 26:18

Ọrovwohwo ji ghwoghwo phia kpahe owẹ nonẹ na nẹ wọwẹ kẹ ihwo rẹ obọ rọye, kirobo ro ve phihọ otọ kẹ wẹ, rere wọ yọnrọn irhi rọye ejobi,

Urhi Rivẹ 26:19

re ọ vwọ kparo wẹ kpenu nọ ẹgborho rọ mare na ejobi, vwẹ evun rẹ ejiro vwẹ evun rẹ usi kugbe evun rẹ ọghọ, rere wọ vwọ dia ihwo efuanfon kẹ Ọrovwohwo rẹ Ọghẹnẹ wẹn na, kirobo ro tare na.

Urhi Rivẹ 4:7

Ki didi ẹgborho rode ọfa herọ ri vwo ọghẹnẹ ro bi gba ayen, kirobo rẹ Ọrovwohwo Ọghẹnẹ rẹ avwanre epha na ro de nyo ọke ejobi rẹ avwanre vwo se?

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.