Jerimaya 12:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Me siẹn uwevwi mẹ, me yan jẹn ukuẹriọ mẹ vwo, mi phi ọ ro je vwe phihọ obo rẹ ivwighrẹ rọyẹ.

Jerimaya 12:7 ပူးပေါင်းရင်းမြစ်များ

Ivie rẹ Ivẹ 21:14

Ke me cha kpare umuku rẹ iruiku mẹ na kufia, ki mi phi ayen phihọ obọ rẹ ivwighrẹ rayen, kẹ ayen cha dia eranvwe rẹ uyo kẹ ivwighrẹ rayen ejobi,

Une rẹ Ejiro 106:40

Etiyin ophu rẹ Ọrovwohwo da rhe tua kpahe ihwo rọye, o de tuoma rẹ ireuku rọye,

Une rẹ Ejiro 78:62

O de siobọ nẹ ihwo rọye vwọ kẹ ọlọkọ, ọ da kpa ophu rọye ku ireuku rọye.

Aizaya 2:6

Kidie wo se ihwo wẹn, uwevwi ri Jekọp, kidie ayen vọnre vẹ emraro ri nẹ obọrhe rhe vẹ ẹboepha kerẹ ihwo ri Filistia ayen vẹ erhorha kere gbe mu ugbeyan.

Jerimaya 11:15

Didi ogangan avwebọ mẹ vwori vwẹ uwevwi mẹ, ro vwo ru ogbegbiru nu na? Kẹ ive vẹ izobo rẹ eranvwe sa rhẹriẹ ẹghwọrọ wẹ na? Wo se phuoma?

Jerimaya 14:19

Wọ ghwa siẹn Juda tototo? Ki Zayọn ghwe tu erhi wẹn oma? Die wọ vwọ ghwiẹ avwanre, rẹ esivwo gbe herọ kẹ avwanre-e? Avwanre phiẹro phihọ ufuoma, ye erhuvwu cha-a; vwẹ ọke rẹ esivwo, gbe nighe kẹ uguegue.

Jerimaya 17:4

Wa cha rhan obọ rẹ ovwan nẹ ukuẹriọ re me vwọ kẹ ovwan, ki mi che ru ovwan vwọ ga ivwighrẹ rẹ ovwan vwẹ otọ re wa riẹnre-e, kidie vwẹ evun rẹ ophu mẹ ki mi koko erhanre ro cha la bẹdẹ phiyọ.

Jerimaya 22:5

Ẹkẹvuọvo wa gbe kerhọn rẹ eta nana-a, ye me vwẹ oma mẹ duvwu iyori, eriyin Ọrovwohwo tare, nẹ uwevwi nana cha dia ofefe.

Jerimaya 23:33

Ọke rẹ ọvo vwẹ usun rẹ ihwo nana, eyẹ ọmraro ọvo, eyẹ orherẹn ọvo da nọ wẹ nẹ, Die tobọ hẹ oghwa rẹ Ọrovwohwo vwo? ku wo nyo kẹ ayen nẹ, ovwan oghwa na mi phi ovwan kufia, eriyin Ọrovwohwo tare.

Jerimaya 23:39

ọtiọye na, gbe nighe, uyota me cha kpare owẹ kpenu mi de phi we nẹ obaro mẹ, wẹ vẹ orere re me kẹ wẹ vẹ esẹ wẹn na.

Jerimaya 51:5

Kidie Izrẹl vi Juda a je siẹn aye-en Ọrovwohwo Ọghẹnẹ yẹ otuofovwi rayen; ẹkẹvuọvo otọ ri Kaldia vọnre vẹ abe vwọ kpahe Ọfuanfon Ọvuọvo ri Izrẹl na.

Jerimaya 7:14

vwẹ ọtiọye na ki mi che ru kẹ uwevwi na ra vwẹ ode mẹ se na, re wa vwẹ ẹro so, kugbe asan na re me vwọ kẹ esẹ rẹ ovwan na, kirobo ri mi ru ki Shiloh.

Jerimaya 7:29

Bru ẹto wẹn wo do kufia, kpare ugoroviẹ vwẹ enu rẹ ugbenu phrẹphrẹphrẹ na, kidie Ọrovwohwo siẹn ọchuko kẹ uvwiẹ nana rẹ ophu rọye muọ na.

Izikiẹl 24:21

Ta kẹ uwevwi rẹ Izrẹl, E nẹ Ọrovwohwo Ọghẹnẹ tare: Nighe mi che gbe ẹshẹ mẹ na ẹgua, eheri ọgangan wẹn na, obo ri je ibiẹro wẹn na kugbe obo rẹ ẹnwẹn wẹn guọnọ na; te emeshare wẹn te emetẹ wẹn ru wọ yan jovwo vwẹ obuko na ka vwẹ ọlọkọ nyavwe ayen hwe.

Hosia 11:1

Ọke rẹ Izrẹl vwọ hẹ omotete, me da guọnọ mi de se ọmọ me nẹ Ijipt rhe.

Hosia 9:15

Umwemwu kumwemwu rẹ ayen vwẹ oma phia vwi Gilgal; etiyin oma rẹ ayen wan tu vwe cha na. Fiki rẹ obrabra rẹ uruemu rayen ke me djẹ ayen nẹ uwevwi mẹ. Me gbe guọnọ ayen ọfa-a; isun rayen na ihwo rẹ okpetu.

Joẹl 2:15

Hworo owanre vwi Zayọn, bru ẹdẹ rẹ owẹvwe echiro, se ọghwẹgbe ri ruru;

Joẹl 3:2

ke me ghwẹ ẹgborho na ejobi koko ke me vwẹ ayen rhe iyara ri Jehoshafat, kẹ etiyin me da vwẹ ayen gu ẹdjọ, fiki rẹ ihwo mẹ kugbe ireuku mẹ Izrẹl, fikiridie ayen hra ayen nene ẹgborho na ejobi. Ayen da ghare otọ mẹ reyọ.

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Urhi Rivẹ 33:12

Ọ ta kpahe Bẹnjamin, Avwebọ rẹ Ọrovwohwo na, omafuro rọ vwọ dia kẹrẹ; ọ gba ogba riariẹ phihọ vwẹ ọke ejobi, uherevie rẹ akakọ rọye kọye ọ dia.