Jerimaya 12:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọke che te, ọ da dianẹ ayen vwẹ erhiọri yono idjerhe re ihwo mẹ, rẹ ayen da vwẹ odẹ mẹ ve ive tanẹ, Obo rẹ Ọrovwohwo epha na, ọtiobo rẹ ayen yono ihwo mẹ vwọ reyọ odẹ ri Baal vwo duvwu iyori na, ke me bọn ayen phihọ uherevie rẹ ihwo mẹ.

Jerimaya 12:16 ပူးပေါင်းရင်းမြစ်များ

Solomon 1:8

Ọ da dianẹ wọ rha riẹ-ẹn, E ọ ro meyovwi vwẹ ohri rẹ eya, nene ọga rẹ uchuru na, re wo sun ẹmẹvwe wẹn re hẹ akakọ rẹ utughẹ rẹ osuigegede na.

Aizaya 2:3

ihwo buebu ke cha rhe, ayen me ta: Yanrhe, e je kpọ ugbenu rẹ Ọrovwohwo na, kpo uwevwin rẹ Ọghẹnẹ ri Jekọp, rere o yono avwanre idjerhe rọye re avwanre nene ada rọye, kidie evun ri Zayọn ọye urhi che nurhe, ota rẹ Ọghẹnẹ ko nẹ Jerusalẹm rhe.

Aizaya 42:6

Mẹvwẹ Ọrovwohwo, vwẹ evun rẹ ọvwata mẹ mi de se we, Me yọnrọn owẹ obọ mẹ da sẹro wẹ, Me da vwẹ owẹ kerẹ ọphọ vwọ kẹ ihwo na, urhukpẹ vwọ kẹ ẹgborho na,

Aizaya 45:23

Vwẹ oma mẹ ọvo mi vwo duvwu iyori, Unu Me ọye ọvwata na nurhe ota ro che se rhivwi-i: Mẹvwẹ igbo na ejobi che wurhu kẹ, ẹrenvwe ejobi che vwo duvwu iyori.

Aizaya 49:6

ọ da ta, Emu ọphapharhe rere wọ vwọ dia odibo mẹ ra vwọ kpare uvwiẹ ri Jekọp vrẹn kugbe rere a vwọ sẹro rẹ uchekotọ rẹ Izrẹl; Me vwẹ owẹ ru urhukpẹ kẹ ẹgborho na, rere esivwo Mẹ rhi vwo te oba rẹ akpọ na.

Aizaya 65:16

Vwẹ ọtiọye na ohwo rọ nẹ ẹrhovwo kẹ oma rọye vwẹ otọ na kọ nẹ ẹrhovwo kẹ oma rọye vwẹ oma rẹ Ọghẹnẹ rẹ uyota na, ohwo ro duvwu iyori vwẹ otọ na kẹ odẹ rẹ Ọghẹnẹ rẹ uyota na o vwo duvwo, kidie ukpokpogho rẹ awanre na chọẹro re i sioma nu kẹ ibiẹro mẹ re.

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Jerimaya 18:8

ọ da dianẹ orere yena, re me ta ota kpahe na, kurhẹriẹ nẹ umiovwo rọye, ki mi ji kurhẹriẹ jẹ umiovwo ri mi rori nẹ mi ruo jovwo na.

Jerimaya 3:17

Vwẹ ọke yena ke se Jerusalẹm nẹ ekete rẹ uvie rẹ Ọrovwohwo, irere na ejobi ki koko bro rhe, obaro rẹ Ọrovwohwo vwi Jerusalẹm, ayen gbe rha vwẹ udu ọgangan vwo nene umwemwu rẹ udu rayen ọfa-a.

Jerimaya 4:2

Wo de duvwu iyori, kirobo rẹ Ọrovwohwo herọ na, vwẹ evun rẹ uyota, vẹ ọsoso kugbe ọvwata, irere na ejobi ki vwo ebruba vwẹ oma rọyen, vwẹ oma rọye kọye ayen de vwo urinrin.

Jerimaya 5:2

Owenẹ ayen tanẹ, kirobo rẹ Ọrovwohwo herọ na yẹ ayen duvwu iyori rẹ efian.

Jerimaya 5:7

Mavọ mi se vwo ghovwo ovwan? emọ rẹ ovwan sen vwẹ, e re dia eghẹnẹ-ẹ keye ayen vwo duvwu iyori. Me ghẹrẹ ayen evun vọn nu, ayen ki gbe igberadja kẹ ayen tẹrẹ usun kpo uvwevwi rẹ igberadja.

Jerimaya 6:16

Enẹ Ọrovwohwo na tare, Mudia vwẹ oma rẹ idjerhe, wo ni, wọ nọ ekpen re idjerhe rẹ awanre na asan rẹ omamọ rẹ idjerhe epha, ru wa yan phihọ, re wọ mrẹ urovwoma vwọ kẹ ẹnwẹn rẹ ovwan Ẹkevuọvo ayen da ta nẹ, Avwanre cha yan phihọ-ọ.

Zẹfanaya 1:5

Otu ri diguẹ phihọ ọkpọ rẹ uwevwi vwọ kẹ otu rẹ obenu, otu ri diguẹ ayen mie duvwe iyori kẹ Ọrovwohwo ye ayen je vwẹ ode ri Milkọn duvwẹ Iyori.

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.

Zekaraya 2:11

Ẹgborho buebu che kuoma rayen gbe Ọrovwohwo vwẹ ẹdẹ yena, ke cha dia ihwo Mẹ; ke Me dia uherevie wẹn ko wọ riẹn nẹ Ọrovwohwo rẹ otuofovwi na re cha vwe ji uvwe bru uwe rhe.

Ọbe ri Pọl si rhe Ihwo ri Rom 11:17

Ọ da dianẹ a nyavwe eghọn rẹ urhe na evo kufia, ra da vwẹ owẹ, oghọn rẹ urhe ọfa vwọ tamuo, rọ da vwẹ ame rẹ urhe rẹ ọliv na vwọ ghẹrẹ oma rọye,

Ọbe ri Pọl si rhe Ihwo ri Rom 14:11

kidie e siro, Kirobo re me herọ na eriyin Ọrovwohwo tare, mẹvwẹ ohwo kohwo ejobi che diguẹ kẹ, unu kunu ejobi ko che jiri Ọghẹnẹ.

1 Kọrẹnt 3:9

Kidie avwanre otu rẹ iruiruo rẹ Ọghẹnẹ; ovwan hẹ udju rẹ Ọghẹnẹ, uwevwi rẹ Ọghẹnẹ na.

Joshua 23:7

nẹ wa vẹ ẹgborho ri chekọ vwẹ ohri rẹ ovwan na gbe ọguagua kugbe-e, eyẹ we se odẹ rẹ edjọ raye-en, we se ayen duvwe-e, eye wọ ga aye-en, eye we diguẹ kẹ aye-en,

Rutu 3:13

Dia vwẹ ason nana, vwẹ irhiọke o de ru ẹkẹ rẹ omoni kẹ wẹ, ye oyoma; jo ruo; ẹkẹvuọvo ọ rha rhọvwe ru ẹkẹ rẹ omoni kpẹkpẹkpẹ kẹ wẹ-ẹ, etiyin, kirobo rẹ Ọrovwohwo herọ na, ki mi ru ẹkẹ rẹ omoni kpẹkpẹkpẹ kẹ wẹ. Shevwerhẹ vwọ vwerhẹ bẹsiẹ rẹ urhiọke vwo te.