Jerimaya 12:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ayen kọn eka ayen de vu inwe, ayen lagha oma ye ayen mrẹ erere ọvuọvo-o Oma re ọrho rayen cha vo ayen vwẹ obọ fiki rẹ ophu otuatua rẹ Ọrovwohwo.

Jerimaya 12:13 ပူးပေါင်းရင်းမြစ်များ

Une rẹ Ejiro 78:62

O de siobọ nẹ ihwo rọye vwọ kẹ ọlọkọ, ọ da kpa ophu rọye ku ireuku rọye.

Aizaya 55:2

Die wọ vwọ rhaphiẹ igho wẹn phihọ emu rọ dia emuọre-e, wọ vwọ wian phihọ obọ re vọn evu-un? Nabọ kerhọn Mẹ, re wọ re obo ri yovwiri, rere oma rẹ ivwir vwerhe owẹ.

Jerimaya 17:10

Mẹvwẹ Ọrovwohwo na re hiẹ iroro, me je davwẹ udu nẹ, rọ kẹ ohwo kohwo kirobo rẹ uruemu rọye epha, kirobo rẹ emamọ rọye epha.

Jerimaya 4:26

Mi vwo ni, me da mrẹ nẹ, otọ ro yovwe emu na kẹ aton, irere rọye ejobi hirhe phihọ erhurhu vwẹ obaro rẹ Ọrovwohwo vẹ obaro rẹ ophu ọtuatua rọyẹ.

Jerimaya 9:5

Dohwo dọrivẹ rọye phiẹnre ọ rọ ta uyota herọ-ọ; ayen yono ẹrẹnvwe rayen obo ra vwọrọn ofian, ayen ruẹ umwemwu yẹ uvwerhi jẹn ayen kurhẹriẹ-ẹ.

Hosia 8:7

Kidie ayen kọn odju, ayen ki che vun ogiribo. Eka ri mudia na mu emọ phihọ uko-o, ayen gbe cha mọ-ọ e da tobọ mọ erhorha ke riọ nu.

Livitikọs 26:16

ke enẹ mi che ru ovwan ke Me vwẹ oshọ ri kpregede mu ovwan, te emiavwe rẹ udu, vẹ ekpae ro rhuẹ ẹro ri ruẹ ohwo muẹ dọn. Ovwan da kọn ekankọn kọ kọn kufia, kidie ivwighrẹn rẹ ovwan ke cha re ayen,

Livitikọs 26:20

ovwan ke vwẹ ogangan rẹ ovwan wian owian kufia, kidie otọ rẹ ovwan gbi che yovwi emu-u, irhe re otọ na gbe rha mọ-ọ.

Maika 6:15

Wọ cha kọn, ẹkẹvuọvo wọ che vu-un, wo che chiyi oliv ẹkẹvuọvo wọ cha vwẹ evwri rọye ghworo oma-a; wo che chiyi grep, ẹkẹvuọvo wọ cha da udi rọye-e.

Habakọk 2:13

Nighere, ọ dia obọ rẹ Ọrovwohwo rẹ otuofovwi na o nurhe nẹ ihwo de wian kẹ erhanre torhẹ, nẹ ẹgborho de laghe oma ghevweghe?

Hegae 1:6

Wọ kọnre buebu, emerha tutunọ kọye wo vunru; wo ria, ẹkẹvuọvo yu wọ mrẹ obọ ri te we ria-a, wọ da, ẹkẹvuọvo yẹ evun vọn wẹ-ẹ, wo rhuo oma wẹn, ẹkẹvuọvo yẹ oma rẹ ohwo ọvuọvo tuabọ-ọ; ohwo rọ reyọ osa ọ ghwa reyọ nẹ yo phiophihọ ekpo vẹ iphrophro.

Hegae 1:9

Wọ guọnọ emu buebu, gbe nọ, emerha tutuno wọ mrẹre, ọke wọ rha vwọ ghwa te uwevwi nu, mi de djuọ kufia. Die sorọ? eriyin Ọrovwohwo rẹ otuofovwi na tare. Fiki rẹ uwevwi mẹ ro hirhe phihọ erhurhu na, yẹ ovwan dohwo duvwevwi rọye ra bọn.

Ọbe ri Pọl si rhe Ihwo ri Rom 6:21

Ki didi erere ri te ovwan vwẹ uruemu rẹ omaẹvuọ yena? Ughwu ọye hẹ oba rẹ oghẹre rẹ emu ọtiọye na.

Urhi Rivẹ 28:38

Wọ cha vwẹ ekankọn ibuebu voro udju wẹn, emerha wọ cha mrẹ vun; kidie ebaka cha ghwọro.