Jerimaya 11:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Dede na ayen nyori-i eyẹ ayen je kerhọ-ọn; ẹkẹvuọvo dohwo dudu ọgangan rẹ umwemwu rọye je yan phihọ. Ọtiọye re me da ghwa eta rẹ ọphọ nana kpahe ayen, ri mi jiji kẹ ayen nẹ ayen ru, ẹkẹvuọvo ayen ruro-o.

Jerimaya 11:8 ပူးပေါင်းရင်းမြစ်များ

Nehemaya 9:26

Dede na ye ayen ji vwo udu ayen de mukpahe owẹ ayen de mu urhi wẹn phihọ obuko ayen de hwe emraro wẹn, ri bru ayen uche nẹ i rhivwi bru uwe rhe, ayen de gbe ẹgua rode.

Nehemaya 9:29

Wọ da ta kẹ ayen nẹ ayen rhoma yọnrọn urhi na. Dede na ayen mu oma kpenu ayen mu ọghọ kẹ irhi wẹ-ẹn, ẹkẹvuọvo ayen de ru umwemwu kpahe iji wẹn, re ohwo da yọnrọn ọ me rhọ, ayen de si igabọ te ohọre vẹ udu kpohro e gbe rha davwerhọ-ọn,

Jerimaya 13:10

Ihwo umwemwu nana, re senre nẹ ayen nyo eta mẹ-ẹ na, re vwẹ udu ọgangan nene udu rẹ obọ rayen vwọ yan nene edjọ efa vwọ gan ayen je vwẹ uyovwi te otọ kẹ ayen na, ayen cha dia kerẹ otehun nana, ro fi emuọvo-o na.

Jerimaya 3:17

Vwẹ ọke yena ke se Jerusalẹm nẹ ekete rẹ uvie rẹ Ọrovwohwo, irere na ejobi ki koko bro rhe, obaro rẹ Ọrovwohwo vwi Jerusalẹm, ayen gbe rha vwẹ udu ọgangan vwo nene umwemwu rẹ udu rayen ọfa-a.

Jerimaya 31:32

Ọ dia oghẹre rẹ ọphọ re me vẹ esẹ rayen rere vwẹ ọke me vwọ vwẹ obọ tẹtẹ ayen nẹ otọ rẹ Ijipt rhe na-a, ọphọ mẹ yena ayen miovwiro, dede na me je dia ọshare kẹ ayen vwẹ ọke yena, eriyin Ọrovwohwo na tare.

Jerimaya 32:23

Ayen da ruọ ra dia. Ẹkẹvuọvo ayen nyo urhuru wẹ-ẹ, ayen je yan phihọ urhi wẹ-ẹ; ayen ru emu ọvuọvo re wo jiji kẹ ayen nẹ ayen ru na-a, kọye umiovwo nana ejobi vwo bru ayen rhe.

Jerimaya 34:14

Oba rẹ ikpe esan ohwo kohwo mi siobọ nẹ ohwo ri Hibru rọ dẹre rọ garọ ikpe esan nure; sio nẹ iruo wẹn ro ruẹ kẹ wẹ Ẹkẹvuọvo esẹ rẹ ovwan kerhọ-ọn e je davwerhọn mẹ-ẹ.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Jerimaya 35:17

Vwẹ ọtiọye na, enẹ Ọrovwohwo Ọghẹnẹ rẹ otuofovwi, Ọghẹnẹ rẹ Izrẹl na tare: Nighe, me cha ghwa umiovwo rhurhu Juda vẹ ihwo ri Jerusalẹm ejobi, umiovwo re me ta kpahe ayen jovwe na, fikiridie me ta kẹ ayen yẹ ayen kerhọ-ọn mi se ayen yẹ ayen nyori-i.

Jerimaya 38:20

Jerimaya da ta, A cha reyọ owẹ vwọ kẹ aye-en. Mu ọghọ kẹ urhuru rẹ Ọrovwohwo vwẹ obo re me vuẹ wẹ na, kọ yovwi kẹ wẹ, ke ji sivwi urhuarho wẹn.

Jerimaya 44:16

Vwọ kpahe ota ru wọ ta kẹ avwanre vwẹ odẹ rẹ Ọrovwohwo na, ma sa kerhọn wẹ-ẹ.

Jerimaya 44:17

Ẹkẹvuọvo me se ru obo ri me veri ni me ru, ma torhẹ izobo kẹ ovie-aye re enu, me je ku udi kuo, kirobo me ru wanre, te avwanre te esẹ rẹ avwanre, ivie rẹ avwanre vẹ isun rẹ avwanre, vwẹ irere ri Juda vẹ irhuvwu ri Jerusalẹm, kidie ọke yena avwanre da mrẹ emuọre buebu, o de yovwi kẹ avwanre, ma mrẹ umiovwo-o.

Jerimaya 44:5

Ẹkẹvuọvo ayen kerhọ-ọn, ayen vwẹ erhọn kpotọ-ọ, vwo kurhẹriẹ nẹ umwemwu rayen vwo je ugboduma ẹtorhẹ kẹ edjọ efa-a.

Jerimaya 7:13

Fiki rẹ obo rẹ ovwan vwo ru imu nana, vwẹ asakiephana, eriyin Ọrovwohwo na tare, ọke mi vwo dje ovwan ẹtẹta kẹ wa kerhọ-ọn, mi vwo se ovwan we nyori-i,

Jerimaya 7:24

Ẹkẹvuọvo ayen nyori-i, ayen kerhọ-ọn, ẹkẹvuọvo ayen da yan nene iroro rẹ obo rayen vẹ udu ọgangan rẹ udu umwemwu rayen, ayen da ya kpuko o gbe dia obaro-o.

Jerimaya 7:26

dede na ayen kerhọn mẹ-ẹ, ayen je vwẹ erhọn kpotọ-ọ, ẹkẹvuọvo ayen vẹ udu kpohro, ayen ru miovwi nọ esẹ rayen.

Izikiẹl 20:8

Ẹkẹvuọvo ayen de mu kpahe ovwẹ ayen gbe kerhọn mẹ-ẹ, ayen ohwo ọvuọvo gbe rhọvwe ku obo ri tuoma rẹ ẹro rayen mrẹ ghọghọ na kufia-a, eyẹ ayen ji siobọ nu ema re Ijipt na-a. Etiyin mi de roro nẹ mi ku ophu mẹ ku ayen rere mi hirhe ivuemiovwo mẹ ku ayen vwẹ uherevie rẹ otọ rẹ Ijipt na.

Zekaraya 1:4

Wa họhọ esẹ rẹ ovwa-an, e rẹ emraro rẹsosuọ kperi phia kẹ, E nẹ Ọrovwohwo rẹ otuofovwi tare, We rhivwi nẹ idjerhe umwemwu rẹ ovwan vẹ uruemu ebrabra rhe. Ẹkẹvuọvo ayen nyo vwe-e, ayen je kerhọn mẹ-ẹ, Ọrovwohwo tare.

Zekaraya 7:11

Ẹkẹvuọvo ayen kerhọ-ọn ayen de si igabọn te ohọre, rhurhu erhọn rayen re ayen je nyo.