Jerimaya 11:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Kidie me da nabọ kpokpa kẹ esẹ rẹ ovwan re me vwọ reyọ ayen nẹ otọ rẹ Ijipt cha, kọke kọke rhi te nonẹ na, tanẹ, Nyo urhuru mẹ.

Jerimaya 11:7 ပူးပေါင်းရင်းမြစ်များ

Ivie rẹ Ivẹ 17:13

Dede na yẹn Ọrovwohwo ji ọmraro kọmraro kugbe ọmrẹ kọmrẹ ra nẹ Izrẹl vi Juda iroro, nẹ, Kurhẹriẹ nẹ idjerhe umwemwu rẹ ovwan na rere ovwan sẹro rẹ irhi mẹ kugbe iji mẹ, ovwan yọnrọn ayen kirobo ri mi ji urhi vwọ kẹ esẹ rẹ ovwan, kirobo ri mi ji idibo mẹ emraro na rhi yono ovwan.

2 Ikun rẹ Ivie 36:15

Ọrovwohwo na, Ọghẹnẹ rẹ esẹ rayen, de ji ikọn ejobi bru ayen, fikiridie ọ re ehrọre rẹ ihwo rọye kugbe asan rọ dia.

Ẹyano 15:26

tanẹ, Wọ da vwẹ oma kpotọ nyo ota rẹ Ọrovwohwo Ọghẹnẹ wẹn, wo de ru obo ri shephihọ vwẹ ẹro rọye, wọ da kerhọ rẹ iji rọye wọ da yọnrọn ayen, emiavwe ri mi vwo mu ihwo rẹ Ijipt na gbi che mu we-e, kidie Mẹvwẹ Ọrovwohwo, osivwi wẹn.

Jerimaya 11:4

ri mi ji iji kẹ esẹ rẹ ovwan re me vwọ reyọ ayen nẹ otọ rẹ Ijipt cha, nẹ erhanre rẹ utehru, ta nẹ, Kerhọn rẹ urhuru mẹ, re we ru obọ me ta kẹ ovwan, kẹ ovwan dia ihwo mẹ, ke me je dia Ọghẹnẹ rẹ ovwan,

Jerimaya 25:3

Etiyin ikpe uje gbẹ erha re, nẹ ẹgbukpe ihwe gbẹ erha ri Josaya ọmọ rẹ Amọn ovie ri Juda na, rhi te nonẹ na, ota rẹ Ọrovwohwo na bru vwe rhe, me je ta kẹ ovwan ẹtẹta kẹ, dede na wa kerhọ-ọn.

Jerimaya 25:4

Wa kerhọ-ọn wa je vwẹ erhọn kpotọ re we nyo-o, owene Ọrovwohwo na jẹ idibo na emraro na ejobi bru ovwan rhe vwẹ ọke ejobi,

Jerimaya 31:32

Ọ dia oghẹre rẹ ọphọ re me vẹ esẹ rayen rere vwẹ ọke me vwọ vwẹ obọ tẹtẹ ayen nẹ otọ rẹ Ijipt rhe na-a, ọphọ mẹ yena ayen miovwiro, dede na me je dia ọshare kẹ ayen vwẹ ọke yena, eriyin Ọrovwohwo na tare.

Jerimaya 32:23

Ayen da ruọ ra dia. Ẹkẹvuọvo ayen nyo urhuru wẹ-ẹ, ayen je yan phihọ urhi wẹ-ẹ; ayen ru emu ọvuọvo re wo jiji kẹ ayen nẹ ayen ru na-a, kọye umiovwo nana ejobi vwo bru ayen rhe.

Jerimaya 34:14

Oba rẹ ikpe esan ohwo kohwo mi siobọ nẹ ohwo ri Hibru rọ dẹre rọ garọ ikpe esan nure; sio nẹ iruo wẹn ro ruẹ kẹ wẹ Ẹkẹvuọvo esẹ rẹ ovwan kerhọ-ọn e je davwerhọn mẹ-ẹ.

Jerimaya 35:14

Urhi ri Jonadab ọmọ ri Rekab vwọ kẹ emọ rọye, nẹ ayen da waini-i, ayen yonrọn; ayen dare rhi te none na-a, kidie ayen yọnron urhi rẹ ọsẹ rayen, mi dje ovwan ẹtẹta kẹ, ẹkẹvuọvo wa kerhọn mẹ-ẹ.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Jerimaya 7:13

Fiki rẹ obo rẹ ovwan vwo ru imu nana, vwẹ asakiephana, eriyin Ọrovwohwo na tare, ọke mi vwo dje ovwan ẹtẹta kẹ wa kerhọ-ọn, mi vwo se ovwan we nyori-i,

Hosia 4:1

Nyo ota rẹ Ọrovwohwo E ihwo rẹ Izrẹl, kidie Ọrovwohwo vẹ ihwo rẹ otọ na vwo aphro. O gbi vwo ọvwata yẹrẹ aruẹdọ-ọn, ọ rhe vwo erianriẹn rẹ Ọghẹnẹ vwẹ otọ na-a;

Hosia 5:1

Nyo ọnana, E irherẹn! wa kerhọn, E uwevwi rẹ Izrẹl! Wa kerhọn, E uwevwi rẹ ivie na! Kidie ẹdjeguo na bru uwe rhe; kidie wọ vwẹ oma ru ufi vwi Mizpa, vẹ ariri ra riẹn phihọ enu ri Tabọ.

Zekaraya 1:4

Wa họhọ esẹ rẹ ovwa-an, e rẹ emraro rẹsosuọ kperi phia kẹ, E nẹ Ọrovwohwo rẹ otuofovwi tare, We rhivwi nẹ idjerhe umwemwu rẹ ovwan vẹ uruemu ebrabra rhe. Ẹkẹvuọvo ayen nyo vwe-e, ayen je kerhọn mẹ-ẹ, Ọrovwohwo tare.

Ẹfesọs 4:17

Asakiephana me rhọvwe ọnana me ke rha je dia oseri vwẹ evun rẹ Ọrovwohwo nẹ, ovwan rhe yerẹ kirobo rẹ ihwo ri Keferi ruẹ-ẹ, fiki rẹ ugheghẹ rẹ udu rayen.

Urhi Rivẹ 12:32

Kemu kemu mi ji iji kẹ wẹ wọ Me karohọ ru; wo phiẹ ba-a, wo ji siẹ no-o.

Urhi Rivẹ 30:20

vwọ guọnọ Ọrovwohwo Ọghẹnẹ, kerhọ rẹ urhuru rọye wọ je gba oma wẹn muo kidie, ọye vwẹ arhọ kugbe ẹdẹ ogrogro kẹ ovwan, re wọ sa dia otọ rẹ Ọrovwohwo veri kẹ esẹ rẹ ovwan, kẹ Ebraham kẹ Aizik, kugbe Jekọp, nẹ ọye vwọ kẹ ayen.

Urhi Rivẹ 4:6

Wa yọnrọn ayen re we ru ayen; kidie ẹyọnrọn rayen ẹriẹn vẹ aghwanre kẹ ovwan vwẹ obaro rẹ ihwo na, ihwo ri nyo irhi nana ejobi ke cha ta nẹ, Ọ muẹro ẹgborho rode nana ihwo ghwanghwanre re riẹnre.

Urhi Rivẹ 5:29

E manẹ oghẹre rẹ udu ọtiọye na kọye he evun rayen, re ayen vwọ djẹ oshọ Mẹ, vwọ yọnrọn irhi mẹ vwẹ ọke ejobi, ro vwo yovwi kẹ ayen, ro ji vwo yovwi kẹ emọ rayen, bẹdẹ!

Urhi Rivẹ 6:2

re wa sa vwọ djẹ oshọ rẹ Ọrovwohwo Ọghẹnẹ rẹ ovwan, vwọ yọnrọn irhi rọye, ri mi jiji kẹ ovwan na, wẹ vẹ ọmọ wẹn, vẹ ọmọ rẹ ọmọ wẹn vwẹ ẹdẹ rẹ akpọ wẹn ejobi; rere wọ vwọ tọn.

Urhi Rivẹ 8:6

Ọtiọye wọ yọnrọn irhi rẹ Ọrovwohwo Ọghẹnẹ wẹn na, vwọ yan phihọ idjerhe rọye re wọ je dje oshọ rọye.

2 Tẹsalonaika 3:12

Asakiephana me ji urhi kẹ oghẹre rẹ ihwo tiọye na, me de rhe bru ayen uche vwẹ evun rẹ Ọrovwohwo Jesu Kristi nẹ ayen ru iruo rayen dẹndẹn rere ayen mrẹ emu rẹ obo rẹ ayen re.

1 Samuẹl 8:9

Asakiephana, kerhọ rẹ ayen; takpe, jomaotọ vwẹ ayen; ru wo dje kẹ ayen idjerhe rọ ovie ro che sun ayen na.