Jerimaya 11:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọrovwohwo da ta kẹ vwẹ nẹ, ghwoghwo eta nana ejobi na phia vwẹ irere ri Juda kugbe irhuvwu ri Jerusalẹm: Nyo eta rẹ ọphọ nana re we ru ayen.

Jerimaya 11:6 ပူးပေါင်းရင်းမြစ်များ

Une rẹ Ejiro 15:5

ro momo igho kẹ ihwo nẹ o suo-o, ọ ria udi vwo brorhiẹ hwe ọ rọ re ase-e. Ohwo ro ru imu nana e gbi se ghwie-e.

Aizaya 58:1

Bunu gangan, wo jovwo-o, van kperi kerẹ ekper-ẹ dje ogbeku re ihwo mẹ kẹ ayen, dje kẹ uwevwi ri Jekọp umwemwu rayen.

Jerimaya 19:2

wọ yan kpọ Iyara rẹ Hinnọm vwẹ asan anurhoro rẹ Igbephẹre na, wo dia etiyin de ghwoghwo eta re me ta kẹ wẹ na.

Jerimaya 2:2

Yanran wo re ghwoghwo kẹ ihwo rẹ Jerusalẹm, Ene Ọrovwohwo tare, Me karohọ ẹga rẹ ọke emọ wẹn, ẹguọnọ wẹn kerẹ ọpha, obo wo nene uvwe te vwẹ evun rẹ aghwa vwẹ otọ ra kọnre-e.

Jerimaya 3:12

Ra, re ghwoghwo eta nana vwẹ obọhwẹre rẹ ọnre, wọ tanẹ, Rhivwi Izrẹl rẹ igberadja na, eriyin Ọrovwohwo tare. Mi gbi vwẹ ophu ni we-e, kidie me vọnre vẹ aruẹdọ, eriyin Ọrovwohwo tare.

Jerimaya 7:2

Mudia vwe anurhoro rẹ uwevwi rẹ Ọrovwohwo, wo ghwoghwo ota nana, hlyo ota rẹ Ọrovwohwo na, ovwan ihwo ri Juda ejobi re ro inurhoro nana cha ga Ọrovwohwo na.

Zekaraya 7:7

Ọke ra vwọ dia Jerusalẹm ro vwo vwo erhuvwu, re irere rọye vwọ gba yariẹ phihọ, re vwo yere obọhwẹre ọnre vẹ igo rọye, enana dia eta rẹ Ọrovwohwo wan oma rẹ emraro rẹsosuọ ta-a?

Iyẹnrẹ Esiri ri Jọn 13:17

Ovwan da riẹn imu nana, ebruba kẹ ovwan rẹ ovwan de ru ayen.

Ọbe ri Pọl si rhe Ihwo ri Rom 2:13

Ọ dia ihwo ri nyo urhi eye hẹ ọvwata vwẹ obaro rẹ Ọghẹnẹ-ẹ, ẹkẹvuọvo e re vwẹ urhi na ru iruo eye re rease.

Urhi Rivẹ 4:1

Asakiephana, E Izrẹl, wa kerhọ rẹ irhi vẹ iji, ri mi yono ovwan, rere we ru ayen; re wa mrasan rhọ, rere wa ra dia otọ rẹ Ọrovwohwo Ọghẹnẹ rẹ esẹ rẹ ovwan vwọ kẹ ovwan na.

Urhi Rivẹ 4:5

Nighe, mi yono ovwan irhi kugbe iji nure, kirobo rẹ Ọrovwohwo Ọghẹnẹ mẹ jiji kẹ vwẹ na, rere wa mrasan ru ayen vwẹ evun rẹ otọ re wa ra dia na.

Jems 1:22

Ẹkẹvuọvo ovwan dia ihwo re sa vwẹ ota na ruẹ emu e dia ihwo ri nyo ọvo-o, re phiẹn omaobọ rẹ ayen.