Jerimaya 11:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ ri mi ji iji kẹ esẹ rẹ ovwan re me vwọ reyọ ayen nẹ otọ rẹ Ijipt cha, nẹ erhanre rẹ utehru, ta nẹ, Kerhọn rẹ urhuru mẹ, re we ru obọ me ta kẹ ovwan, kẹ ovwan dia ihwo mẹ, ke me je dia Ọghẹnẹ rẹ ovwan,

Jerimaya 11:4 ပူးပေါင်းရင်းမြစ်များ

Jẹnẹsis 17:8

Ke Me vwọ kẹ wẹ kugbe uvwiẹ wẹn rọ cha obuko wẹ, otọ nana rẹ ovwan da ọrharha na, otọ ri Kenan ejobi, kọ dia ẹkẹn uku wẹn bẹdẹ, ke Me dia Ọghẹnẹ rayen.

1 Ivie 8:51

fkidie ayen ihwo wẹn, ireuku wẹn, ru wọ reyọ nẹ otọ rẹ Ijipt rhe, nẹ uherevie rẹ ẹkuerhanre rẹ utehru.

Ivie rẹ Ivẹ 18:6

Kidie ọ ghanọ Ọrovwohwo boma, o chuko ku Ọrovwohwo-o, ẹkẹvuọvo ọ nabọ yọnrọn irhi rẹ Ọrovwohwo ji ki Mosis.

Ẹyano 20:6

ẹkẹvuọvo ji nẹ eguọnọ ro jẹrhẹriẹ uri aku uri kẹ ayen otu re guọnọ ovwẹ re yọnrọn irhi me.

Aizaya 30:6

Epha kpahe eranvwe ri Nẹgẹb. vwọ kpahe otọ rẹ ukpokpogho vẹ ivuemiovwo, asan rẹ okpohrokpo rẹ aye vẹ ọshare nẹcha, asan re ọrobiebi vẹ asiweri nẹcha, ayen kru efe rayen kpahe uko rẹ ekẹtẹkẹtẹ, eyere rayen kpahe ekpo rẹ iyesi, vwo rhe ihwo re cha vwẹ erere kẹ aye-en.

Aizaya 48:10

Nighere, Me fa weẹ, ẹkẹvuọvo ọ dianẹ kerẹ idọnọ-ọ. Me davwe owẹ vwe ogidi erhanre rẹ ukpokpogho

Jerimaya 11:7

Kidie me da nabọ kpokpa kẹ esẹ rẹ ovwan re me vwọ reyọ ayen nẹ otọ rẹ Ijipt cha, kọke kọke rhi te nonẹ na, tanẹ, Nyo urhuru mẹ.

Jerimaya 24:7

Me kẹ ayen udu rẹ ayen vwọ riẹn nẹ mẹvwẹ Ọrovwohwo na; ayen cha dia ihwo mẹ ke me dia Ọghẹnẹ rayen, kidie ayen cha vwẹ udu rayen ejobi rhivwi bru uvwe rhe.

Jerimaya 26:13

Ọtiọye na ovwan gba rhẹriẹ idjerhe rẹ ovwan, wa je rhẹriẹ iruo rẹ ovwan asakiephana, re we nyo urhuru rẹ Ọrovwohwo Ọghẹnẹ rẹ ovwan, Ọrovwohwo ko kurhẹriẹ nẹ umiovwo ro ghwoghwori kpahe ovwan na.

Jerimaya 30:22

Ku wa dia ihwo mẹ, ke me dia Ọghẹnẹ rẹ ovwan.

Jerimaya 32:28

Vwẹ ọtiọye na, enẹ Ọrovwohwo tare: Nighe, mi che phi orere nana phihọ abọ rẹ ihwo ri Kaldia ji phihọ obọ ri Nẹbukadreza ovie ri Babilọn, kọ cha reyọ.

Jerimaya 38:20

Jerimaya da ta, A cha reyọ owẹ vwọ kẹ aye-en. Mu ọghọ kẹ urhuru rẹ Ọrovwohwo vwẹ obo re me vuẹ wẹ na, kọ yovwi kẹ wẹ, ke ji sivwi urhuarho wẹn.

Izikiẹl 11:20

rere ayen vwọ yan vwẹ iji mẹ rere ayen sẹro rẹ irhi mẹ rere ayen mu ọghọ kẹ ayen, ayen kẹ dia ihwo mẹ, ke Me dia Ọghẹnẹ rayen.

Izikiẹl 14:11

rere uwevwi rẹ Izrẹl vwo jẹ yan ghwro nẹ oma mẹ, eyẹ ayen vwo je oma rayen ẹgua egbe ọfa fiki rẹ ogbeku rayen, ẹkẹvuọvo rere ayen vwọ sa dia ihwo mẹ rere me je vwọ dia Ọghẹnẹ rayen, eriyin Ọrovwohwo Ọghẹnẹ tare.

Izikiẹl 36:28

Ku wọ cha dia otọ re me vwọ kẹ esẹ wẹn; ku wọ dia ihwo mẹ, ke me dia Ọghẹnẹ wẹn.

Izikiẹl 37:23

Ayen gbe vwẹ ema rayen kugbe obọ ri tuoma na gbe oma rẹ ayen ẹgua ọfa-a, eyẹ ogbeku rayen, ẹkẹvuọvo ki mi sivwi ayen vwo nẹ imwemwu rẹ ayen vwo she kpo uko na, ke me hworhẹ ayen, ke dia ihwo mẹ, ke me dia Ọghẹnẹ rayen.

Izikiẹl 37:27

Ẹdia mẹ kẹ ohri rẹ ayen ọ dia, ke me dia Ọghẹnẹ rayen, ayen ke dia ihwo me.

Daniẹl 3:26

Etiyin Nebukadreza de bi kẹrẹ anurhoro rẹ ogidi erhanre na epha ọ da ta, Shadrak, Meshak, vẹ Abẹdnigo , idibo rẹ Ọghẹnẹ ro me kpenu ejobi, wa yan phia, re wa yanrhe etinẹ. Etiyin Shadrak, Meshak vẹ Abẹdnigo da yan nẹ evun rẹ erhanre na rhe.

Livitikọs 26:12

Ke Me cha yan vwẹ ohri rẹ ovwan, Me Me rha dia Ọghẹnẹ rẹ ovwan, ovwan ke dia ihwo mẹ.

Livitikọs 26:3

Ovwan da yan vwe evun re irhi Me re ovwan da yọnrọn iji Me we de ru ayen,

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Zekaraya 6:15

Otu re he ogboko jovwo na ke cha rhe rhi nene ayen bọn uwevwi rẹ Ọrovwohwo na; ku wọ cha riẹn nẹ Ọrovwohwo rẹ otuofovwi na ri ji vwe bru we rhe. Ọnana che ru, o da dianẹ wọ vwẹ oma kpotọ nyo urhuru rẹ Ọrovwohwo Ọghẹnẹ wẹn na .

Zekaraya 8:8

ke Me reyọ ayen rhe vwọ dia uherevie ri Jerusalẹm ayen ke dia ihwo Mẹ ke Me je dia Ọghẹnẹ rayen, vwẹ uyota vẹ ọsoso.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

Urhi Rivẹ 11:27

ebruba, ọ da dianẹ wa kerhọ rẹ irhi rẹ Ọrovwohwo Ọghẹnẹ rẹ ovwan, ri mi ji kẹ ovwan vwẹ ẹdẹ ri nonẹ na;

Urhi Rivẹ 4:20

Ẹkẹvuọvo Ọrovwohwo reyọ ovwan, o de si ovwan nẹ erhanre rẹ utehru rhe, nẹ Ijipt rhe, rere wa dia ihwo rẹ obọ rọye, kirobo rọ epha nonẹ na.

Urhi Rivẹ 5:6

Mẹvwẹ Ọrovwohwo Ọghẹnẹ wẹn, rọ reyọ owẹ nẹ otọ rẹ Ijipt rhe, nẹ uwevwi rẹ ọviẹn rhe.

Hibru 5:9

re vwo ruo gba nu kọ rhe dia esiri rẹ esivwo ri bẹdẹ na vwọ kẹ ayen ejobi ri mu ọghọ kẹ.

1 Samuẹl 15:22

Samuẹl da ta, Wo rori nẹ Ọrovwohwo vwo omavwerhe vwẹ izobo rẹ ẹtorhẹ kugbe izobo re zeri, kirobo rẹ oma vwerhe Ọrovwohwo siẹ re de mu ọghọ kẹ urhuru rọye– Nighe, Ọghọ emuo o yovwi nọ izobo, ra vwọ kerhọ nọ lvwri rẹ egbo.