Jerimaya 11:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Ẹkẹvuọvo, E Ọrovwohwo rẹ otuofovwi, ro brorhiẹ rẹ esiri, rọ davwẹ udu vẹ iroro nẹ, jẹn uvwe mrẹ ihri wẹn vwẹ enu rayen, kidie wọwẹ mi gu ẹdjọ mẹ kẹ.

Jerimaya 11:20 ပူးပေါင်းရင်းမြစ်များ

Jẹnẹsis 18:25

A gha e se ru emu ọtiọye-e, rẹ e vwo hwe evwata kugbe iruimwemwu, re evwata vwọ họhọ iruimwemwu, A sa mrẹ-ẹ; Obrorhiẹ rẹ akpọ na rhe se ru obo re gbare?

Ivie rẹ Ivẹ 19:14

Hẹzikaya da reyọ ọbe na mie ikọn na, o de se; Hẹzikaya da yan kpo uwevwi rẹ Ọrovwohwo na, o de rhie ọbe na phihọ obaro rẹ Ọrovwohwo na,

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

1 Ikun rẹ Ivie 29:17

Me riẹnre Ọghẹnẹ mẹ, nẹ wẹwẹ re davwẹ udu nẹ, Wo vwo omavwerhe kpahe ọsoso; vwẹ ọsoso rẹ udu mẹ mi vwo siobọ nẹ ekuakua nana ejobi kẹ wẹ, vwẹ asakiephana me mrẹ ihwo wẹn, re gba vwẹ etine na, ri siobọ nu vẹ aghọghọ kẹ wẹ.

ỌBE RẸ JOB 5:8

Vwọ kẹ vwẹ, Ọghẹnẹ me guọnọ, Ọghẹnẹ mi phi idjerhe mẹ phihọ obọ,

Une rẹ Ejiro 139:23

Riẹn vwẹ, E Ọghẹnẹ, re wọ riẹn udu mẹ! Daovwẹ ni re wọ riẹn iroro mẹ!

Une rẹ Ejiro 35:2

Reyọ ekpọfia vẹ okurukpẹ ru wo vrẹn rhe cha vwẹ uko!

Une rẹ Ejiro 43:1

Brorhiẹ mẹ, E Ọghẹnẹ, rere wọ chochọ mẹ kpahe ihwo umwemwu; biko sivwi uvwe nẹ obọ re ihwo re phiẹn vwe kugbe ihwo ebrabra.

Une rẹ Ejiro 57:1

Ni arodọvwẹ Me, E Ọghẹnẹ, ni arodọvwẹ mẹ, kidie evun wẹn ẹnwẹ mẹ de si oma nu; vwẹ ophie rẹ ibekpe wẹn me da djahe, bẹsiẹ rẹ ogiribo rẹ ẹguọghọ na vwọ wanvrẹn.

Une rẹ Ejiro 58:10

Ọvwata na cha ghọghọ vwẹ ọke rọ da mrẹ ihri ẹriọ; kọ cha hworhẹ awọ rọye vwẹ ọbara rẹ oruimwemwu na

Une rẹ Ejiro 7:10

Ekpọfia mẹ rhe Ọghẹnẹ, ro sivwẹ ohwo re udu rọye dia ọsoso.

Une rẹ Ejiro 7:8

Ọrovwohwo guẹdjọ rẹ ihwo na, brorhiẹ mẹ, E Ọrovwohwo, kirobo rẹ evun ọfuanfon mẹ epha kirobo rẹ ọsoso rọ hẹ evun mẹ epha.

Une rẹ Ejiro 7:9

E jẹn umwemwu rẹ ohwo umwemwu rhi vwo oba, ẹkẹvuọvo vwẹ owọ rẹ ọvwata muotọ, wẹ rọ davwa udu vẹ iroro na, wẹ Ọghẹnẹ rẹ ọvwata.

Une rẹ Ejiro 98:9

vwe obaro rẹ Ọrovwohwo kidie ọ cha che sun akpọ na. O che brorhiẹn rẹ akpọ na vwẹ ọvwata, ihwo na ke rha abavo.

Jerimaya 12:1

Wọwe ọvwata, E Ọrovwohwo, vwẹ ọke mi de guẹ kẹ wẹ; dede na mi ji gu ẹdjọ mẹ kẹ wẹ. Die sorọ o vwo yovwẹ kẹ oruimwemwu? Die nẹrhẹ ihwo ri gbẹ ozighi vwo yovwẹ?

Jerimaya 12:3

Ẹkẹvuọvo wẹ re riẹn vwẹ, E Ọrovwohwo, wẹ re mrẹ vwẹ, wọ da davwẹ iroro mẹ ni vwọ kpahe owẹ. Si ayen phia kerẹ igegede re che hwe, wọ da vwẹ ayen kpahe ọrhon vwọ hẹrhẹ ẹdẹ rẹ ehwe.

Jerimaya 15:15

E Ọrovwohwo wọ riẹnreọ; karohọ ovwẹ wo bru vwe rhe, re wọ reihri kẹ vwẹ vwẹ obọ rẹ otu ri kpokpo uvwe. Vwẹ akoechiro wẹn na wọ reyọ ovwẹ yanra-an; riẹn nẹ fiki wẹ me vwọ ghwẹ ekan na.

Jerimaya 17:10

Mẹvwẹ Ọrovwohwo na re hiẹ iroro, me je davwẹ udu nẹ, rọ kẹ ohwo kohwo kirobo rẹ uruemu rọye epha, kirobo rẹ emamọ rọye epha.

Jerimaya 17:18

Otu ri kpokpo uvwe na jẹn oma vo ayen, ẹkẹvuọvo wo jẹ oma vo vwẹ-ẹ, jẹn ofu dje ayen, ẹkẹvuọvo wo jẹn ofu dje vwe-e vwẹ ẹdẹ umwemwu rhe ayen, Guọghọ ayen akuava.

Jerimaya 20:12

E Ọrovwohwo rẹ otuofovwi, wẹ rọ davwẹ evwata nẹ, rọ mrẹ udu vẹ iroro, ju vwe mrẹ orukeri wẹn vwẹ enu rayen, kidie mi phi ẹdjọr mẹ phihọ obọ wẹn.

Uvwerhe 3:58

Wọ da chọ ochọ mẹ, E Ọrovwohwo, wọ da tan arhọ mẹ hirhe.

Uvwerhe 3:59

Wọ mrẹ obo re ruvwe chọ te, E Ọrovwohwo, gbe bru orhiẹn na kẹ vwẹ

Uvwerhe 3:64

Hwa osa ke ayen, E Ọrovwohwo, kirobo rẹ iruo rẹ abọ rayen epha.

Izikiẹl 11:5

Erhi rẹ Ọrovwohwo na de she teye ovwẹ, ọ da ta kẹ vwẹ, Ta, Enẹ Ọrovwohwo tare. Ọtiọye wo rori, E uwevwi rẹ Izrẹl; kidie me riẹn obo re rhiẹ udu wẹn.

Iruo rẹ Iyinkọn na 17:31

fikiridie o bru ẹdẹ ọvo ro che vwo guẹdjọ rẹ akpo na vwẹ evun rẹ ọvwata vwẹ obọ rẹ ohwo ro vwo mu, rere ọnana vwo mu ihwo ejobi ẹro kọye ọ vwọ kparọ vrẹn nẹ ughwu rhe.

Filipae 4:6

Wa ro ẹnwan rẹ emuọvo-o, ẹkẹvuọvo vwi kemu kemu orẹ kugbe oyare kugbe ẹkpẹvwẹ ta ọdavwẹ wẹn kẹ Ọghẹnẹ.

2 Timoti 4:14

Alẹkzanda rẹ odjogu na ru vwe emu ọbrabra gangan; Ọrovwohwo ọvo re sa hwa osa rẹ uruemu rọye kẹ.

1 Pita 2:23

Ọke ra vwọ harhọ, ọ rhoma harhe ohwo-o; ẹkẹvuọvo ọ vwẹ ẹro so ohwo ro brorhiẹ ọsosọ.

Ẹvwọphia 18:20

Ghọghọ vwẹ enu rọye, E odjuvwu, E ihwo efuanfon kugbe iyinkọn kugbe emraro, kidie Ọghẹnẹ brorhiẹ hwe kẹ wẹ!

Ẹvwọphia 2:23

Emọ rẹ ayen vwẹ ọfanrhiẹ vwiẹ na ki ghwu re. Ishọshi na ejobi ke riẹn nẹ mẹvwẹ re hiẹ iroro kugbe udu, ke me hwa osa kẹ ovwan ọvuọvo kirobo rẹ iruo rẹ ovwan teri.

1 Samuẹl 16:7

Ẹkẹvuọvo Ọrovwohwo da ta kẹ Samuel, wo nẹ ekroma rọye-e eyẹ obo rọ rhuoma te eyẹ ugrogro-o, fikiridie Me senrọ nure; kidie Ọrovwohwo nẹ kirobo rẹ ohwo rẹ akpọ nẹ-ẹ; ohwo rẹ akpọ nẹ ekroma, ẹkẹvuọvo Ọrovwohwo nẹ evun rẹ udu.

1 Samuẹl 24:15

Gbe jẹn Ọrovwohwo dia oguẹdjọ, ro brorhiẹ mẹ vẹ owẹ, rọ mrẹ, ro mie vwe unu vwo gu, rere o sivwi uvwe nẹ obọ wẹn.