Jerimaya 11:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ọrovwohwo rẹ otuofovwi na, rọ kọn we na, ghwoghwo umiovwo kpahe owẹ, fiki rẹ umwemwu rẹ uwevwi rẹ Izrẹl vẹ uwevwi ri Juda ruru, vwọ nẹrhẹ ovwẹ phihọ ophu rẹ ayen vwo torhẹ incẹns kẹ Baal.

Jerimaya 11:17 ပူးပေါင်းရင်းမြစ်များ

2 Samuẹl 7:10

Ke vwẹ ẹdia kẹ ihwo mẹ Izrẹl, ke Me vwẹ owọ rayen muotọ, kẹ ayen dia asan rayen, e gbi rhe kpokpo aye-en, ihwo okpetu gbi ru ayen oja ọfa-a, kirobo re ru ayen dẹvure.

2 Ikun rẹ Ivie 28:25

Vwo korere korere ri Juda ejobi ọ da ma asan ro kpenu phihọ rọ da torhẹ insẹns kẹ ẹdjọ efa, ọ da rhe kpare ophu rẹ Ọrovwohwo na, Ọghẹnẹ rẹ esẹ rọye na.

Une rẹ Ejiro 44:2

Wọ da vwe obọ wẹn ọvo djẹ ẹgborho na kufia, ẹkẹvuọvo ayen kọye wọ kọn phihọ, wọ da vwẹ osọnọ vwọ re ihwo na, ẹkẹvuọvo ayen kọye wo siobọ nu,

Une rẹ Ejiro 80:15

uchuku rẹ obọ wẹn ọvo kọnre.

Une rẹ Ejiro 80:8

Wọwẹ re reyọ vain ọvo nẹ otọ re Ijipt rhe, wọwẹ re dje egborhọ na no wọ da kọn phihọ.

Aizaya 5:2

O de brotọ kẹ ọ da sanọ ibiekpẹn nẹ o da vwẹ omamọ rẹ grep vwọ kọn, ọ da bọn uwevwi rẹ ohẹrhẹ phihọ uherevie rọye, ọ da kare okọ re de miẹn vain phihọ, ko rhẹro ne ọ cha mọ otieẹ ẹkẹvuọvo otiẹ rẹ erivwi kọye ọ mọre.

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Jerimaya 1:14

Ọrovwohwo da rha ta kẹ vwẹ, obọhwẹre ọnre na okpetu che nẹ brẹ ihwo rẹ otọ na cha.

Jerimaya 11:11

Vwẹ ọtiọye na, enẹ Ọrovwohwo tare, Nighe, me cha vwẹ umiovwo rhe ayen rẹ ayen je se no, owenẹ ayen viẹ se vwe dede, me cha kerhọn raye-en.

Jerimaya 11:13

Kidie obo rẹ irere rẹ ovwan bute eriyin edjọ rẹ ovwan ji bute, E Juda, kirobo rẹ irhuvwu wẹn bute etiọye egbada re vwo vi kẹ omaẹvuọ rẹ ovwan ji bute vwi Jerusalẹm, egbada ra da torhẹ insẹns kẹ Baal.

Jerimaya 12:2

Wọwẹ re kọn ayen, ayen de mu; ayen rhoro ayen da mọ ibi, wo sikẹrẹ ayen vwẹ unu rayen wo de sheri kẹ udu rayen.

Jerimaya 18:15

Ẹkẹvuọvo me chọrọ ihwo mẹ ẹro, ayen torhẹ insẹns kẹ eghẹnẹ rẹ efian, ayen yẹghrẹ vwẹ idjerhe rayen, vwẹ idjerhe rẹ awanre na, ri hirhe phihọ obẹnẹ rọ dia idjerhe rọde-e.

Jerimaya 18:8

ọ da dianẹ orere yena, re me ta ota kpahe na, kurhẹriẹ nẹ umiovwo rọye, ki mi ji kurhẹriẹ jẹ umiovwo ri mi rori nẹ mi ruo jovwo na.

Jerimaya 19:15

Enẹ Ọrovwohwo rẹ otuofovwi, Ọghẹnẹ rẹ Izrẹl, tare, Nighe, me herọ ghwa umiovwo cha orere nana kugbe irere rọye ejobi umiovwo ri mi ghwoghwo kpahọ ejobi, fikiridie ayen gan udu phihọ, ayen rhọvwe nyo eta mẹ-ẹ.

Jerimaya 2:21

Omamọ rẹ urhe ri vain me vwọ kọn wẹ, omamọ rẹ ubi ọsoso. Die sorọ wo vwo jẹ ubi ẹmọ ru wo vwo hirhe phihọ vain rẹ ochibẹ.

Jerimaya 24:6

Me vwẹ ẹro mẹ ni ayen fiki rẹ erhuvwu, me cha reyọ ayen rhe otọ nana, mi che mu ayen vi, me gbe ghwọrọ aye-en, me kọn ayen, mi gbi che ghwie aye-en.

Jerimaya 26:13

Ọtiọye na ovwan gba rhẹriẹ idjerhe rẹ ovwan, wa je rhẹriẹ iruo rẹ ovwan asakiephana, re we nyo urhuru rẹ Ọrovwohwo Ọghẹnẹ rẹ ovwan, Ọrovwohwo ko kurhẹriẹ nẹ umiovwo ro ghwoghwori kpahe ovwan na.

Jerimaya 26:19

Ke Hezikaya ovie ri Juda vi Juda ejobi hwere? Oshọ rẹ Ọrovwohwo gbi muo ro da nọ ekpẹn rẹ erhuvwu vwẹ obọ rẹ Ọrovwohwo? Ẹkẹvuọvo obo rẹ Ọrovwohwo tare nẹ ọye ru ayen jovwo na, o de jovwo? Avwanre ke guọnọ suọ okpetu rode vwọ kẹ omobọ rẹ avwanre na.

Jerimaya 32:29

Ihwo ri Kaldia re họnra orere nana na cha rhe rhi phi erhanre phihọ orere na, rọ da torhẹ, kugbe uwevwi ra diẹ enu rayen de torhẹ ugboduma kẹ Baal ra da je udi ku edjọ na, rẹ ophu vwo mu vwe na.

Jerimaya 32:30

Kidie emọ rẹ Izrẹl vẹ emọ ri Juda rhe ji ru emuọvo-o jokpa rẹ umiovwo ọvo vwẹ obaro mẹ nẹ ọke emọ rhe, rẹ Izrẹl ji ru emu ọvo-o jokpa rẹ ophu mẹ rẹ ayen kpare ọvo, eriyin Orovwohwo tare.

Jerimaya 35:17

Vwẹ ọtiọye na, enẹ Ọrovwohwo Ọghẹnẹ rẹ otuofovwi, Ọghẹnẹ rẹ Izrẹl na tare: Nighe, me cha ghwa umiovwo rhurhu Juda vẹ ihwo ri Jerusalẹm ejobi, umiovwo re me ta kpahe ayen jovwe na, fikiridie me ta kẹ ayen yẹ ayen kerhọ-ọn mi se ayen yẹ ayen nyori-i.

Jerimaya 36:7

Siẹvo ye orẹ rayen che kpo obaro rẹ Ọrovwohwo, nẹ dohwo didjerhe umwemwu rọye cha rhẹriẹ nu, kidie ophu vẹ ivuemiovwo rẹ Ọrovwohwo ro roro kpahe ihwo nana rhoro gangan.

Jerimaya 40:2

Onotu rẹ ohẹrhẹ na da reyọ Jerimaya ọ da ta kẹ nẹ, Ọrovwohwo rẹ Ọghẹnẹ wẹn na ghwoghwo umiovwo nana kpahe etinẹ,

Jerimaya 40:3

Ọrovwohwo ruro, o ru obo rọ tare. Fikiridie we ru umwemwu kpahe Ọrovwohwo, we mu ọghọ kẹ urhuru rọye-e, kọye nẹrhẹ emu nana bru ovwan rhire na.

Jerimaya 42:10

Ọ da dianẹ we ghinẹ dia otọ nana, etiyin ke me bọn ovwan me gbe guọghọ ovwa-an, ke me kọn ovwan, me gbe kọrọ ovwa-an, kidie me rhẹriẹ nẹ umiovwo ri mi ru ovwan na re.

Jerimaya 44:5

Ẹkẹvuọvo ayen kerhọ-ọn, ayen vwẹ erhọn kpotọ-ọ, vwo kurhẹriẹ nẹ umwemwu rayen vwo je ugboduma ẹtorhẹ kẹ edjọ efa-a.

Jerimaya 44:8

Die sorọ re wọ vwọ reyọ iruo rẹ abọ rẹ ovwan vwọ nẹrhẹ ovwe phihọ ophu, rọ vwọ torhẹ ugboduma kẹ edjọ efa vwẹ otọ ri Ijipt re wa rhere rhe dia na, rere e vwo bru ovwan kufia re we rhi hirhe phihọ ekan vẹ ehwẹje kẹ uvwiẹ rẹ akpọ na?

Jerimaya 45:4

Enẹ wọ cha ta kẹ, Enẹ Ọrovwohwo tare: Nighe, obo re me bọnre me guọghọ te otọ, obo re me kọnre me kọnrọ kọye hẹ otọ na soso.

Jerimaya 7:18

Emọ na re du irhe koko, esemọ na de rhe koko erhanre na phihọ, eya na de gbe eka na, re ayen kake ikara kẹ ovie rẹ aye rẹ enu, ayen de ku udi ku edjọ efa, rẹ ayen vwọ kpare ophu mẹ.

Jerimaya 7:9

Kẹ we cho uji, dia ozighẹ, we gbe igberadja, duvwu iyori rẹ eku, torhẹ incens ki Baal, we nene eghẹnẹ efa re ovwan riẹnre-e,

Izikiẹl 17:5

Etiyin ọ da reyọ omamọ rẹ otọ na ọ da kọn phihọ otọ esiri, ọ da kọn kẹrẹ asan ame obuebu. Ọ da vwọ gbane kerẹ urihi.

Hosia 10:1

Izrẹl epha kerẹ vain pọkọpọkọ rọ mọ emamọ rọye. Ọtiobo rẹ emamọ rọye buẹ te ọtiọye ọ je ghwa so egbada buebu te; kerẹ obo rẹ ọrho rọye yovwẹ te ọtiọye ọ je ghwa ma osusu te.