Jerimaya 11:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Kidie obo rẹ irere rẹ ovwan bute eriyin edjọ rẹ ovwan ji bute, E Juda, kirobo rẹ irhuvwu wẹn bute etiọye egbada re vwo vi kẹ omaẹvuọ rẹ ovwan ji bute vwi Jerusalẹm, egbada ra da torhẹ insẹns kẹ Baal.

Jerimaya 11:13 ပူးပေါင်းရင်းမြစ်များ

Ivie rẹ Ivẹ 23:13

Ovie na de gbe egbada rẹ hẹ obaro ọnrẹ vwi Jerusalẹm na ẹgua rhiri re te obọhwẹre ọnre rẹ ugbenu rẹ ogbiru, ri Solomọn ovie rẹ Izrẹl bọnre kẹ Ashtarọt ẹgua rẹ ihwo ri Saidọn, rọ bọnre ki Shemosh ẹgua ri Moab, rọ bọnre kẹ Milkọm ẹgua rẹ ihwo rẹ Amọn.

2 Ikun rẹ Ivie 28:25

Vwo korere korere ri Juda ejobi ọ da ma asan ro kpenu phihọ rọ da torhẹ insẹns kẹ ẹdjọ efa, ọ da rhe kpare ophu rẹ Ọrovwohwo na, Ọghẹnẹ rẹ esẹ rọye na.

Aizaya 2:8

Otọ rayen vọnre vẹ ema ayen diguẹ kẹ iruo rẹ obọ rayen, kẹ obo rẹ ayen vwẹ irhiabọ rayen ru.

Jerimaya 11:17

Ọrovwohwo rẹ otuofovwi na, rọ kọn we na, ghwoghwo umiovwo kpahe owẹ, fiki rẹ umwemwu rẹ uwevwi rẹ Izrẹl vẹ uwevwi ri Juda ruru, vwọ nẹrhẹ ovwẹ phihọ ophu rẹ ayen vwo torhẹ incẹns kẹ Baal.

Jerimaya 17:1

Umwemwu ri Juda ubiurhe rẹ utehru e vwo sio, unegbe ri diamọnd a vwo tuọn phihọ imẹjẹ rẹ udu rayen, kugbe ighoro rọ hẹ enu rẹ ẹshẹ rayen.

Jerimaya 18:15

Ẹkẹvuọvo me chọrọ ihwo mẹ ẹro, ayen torhẹ insẹns kẹ eghẹnẹ rẹ efian, ayen yẹghrẹ vwẹ idjerhe rayen, vwẹ idjerhe rẹ awanre na, ri hirhe phihọ obẹnẹ rọ dia idjerhe rọde-e.

Jerimaya 19:4

Fikiridie ihwo na sen vwẹ, ayen torhẹ incẹnse kẹ eghẹnẹ efa vwo miovwo etinẹ na, eghẹnẹ re ayen vẹ esẹ rayen kugbe ivie ri Juda riẹnre-e, fikiridie ayen ghwa ọbara rẹ evwata rhe vwọ vọn etine na.

Jerimaya 19:5

Ayen da ma umukpe ro kpenu kẹ Baal ra da torhẹ emeshare vwẹ evun rẹ erhanre kerẹ izobo rẹ ẹtorhẹ kẹ Baal, ọ ri mi ji kẹ aye-en eyẹ ke me je vuẹ aye-en, ọ je ro iroro mẹ-ẹ.

Jerimaya 2:28

Ẹkẹvuọvo kẹ ẹdjọ rẹ ovwan na rhọ ru wa ma kẹ oma rẹ ovwan na? Gbe jẹn ayen vrẹn se ayen se sivwi ovwan vwẹ ọke rẹ ukpokpogho rẹ ovwan kidie ọtiobo rẹ irere rẹ ovwan bu te na, eriyin edjọ rẹ ovwan ji bu te, E Juda.

Jerimaya 3:24

Nẹ ọke emọ rẹ avwanre rhe, ọye emu rẹ omẹvuọ nana vwọ ghwọrọ obo rẹ esẹ rẹ avwanre wian kẹ igegede vẹ uchuru rayen, emeshare vẹ emetẹ rayen.

Jerimaya 3:25

Jẹn avwanre ji sherhẹ vwẹ evun rẹ omẹvuọ rẹ avwanre, ji jẹ ọghọ emuo rẹ avwanre ji rhurhu avwanre, kidie avwanre vẹ esẹ rẹ avwanre ru umwemwu kpahe Ọrovwohwo Ọghẹnẹ rẹ avwanre nẹ ọke emọ rẹ avwanre rhe rhi te nonẹ na; avwanre ji nyo urhuru rẹ Ọrovwohwo Ọghẹnẹ rẹ avwanre na-a.

Jerimaya 32:35

Ayen bọn asan rọ kpenu kẹ Baal vwẹ iyara rẹ ọmọ ri Hinọm, rẹ ayen da vwẹ emeshare vẹ emetẹ rayen vwọ gọ iye kẹ Mọlẹk, mi ji aye-en, ọ je hẹ iroro mẹ-ẹ, nẹ ayen ru ẹgua nana, vwọ nẹrhe Juda ru umwemwu.

Jerimaya 44:21

Vwọ kẹ insẹns re wa torhẹre vwẹ irere ri Juda vẹ irhuvwu ri Jerusalẹm ye, te owẹ vẹ esẹ rẹ ovwan te ivie rẹ ovwan vẹ isun rẹ ovwan, vẹ ihwo rẹ otọ na ejobi, Ọrovwohwo rha karo phihọ aye-en ọ rha djẹ ro udu rọye-e?

Jerimaya 44:5

Ẹkẹvuọvo ayen kerhọ-ọn, ayen vwẹ erhọn kpotọ-ọ, vwo kurhẹriẹ nẹ umwemwu rayen vwo je ugboduma ẹtorhẹ kẹ edjọ efa-a.

Jerimaya 48:35

Ki mi che fue vwi Moab, ohwo ro ze izobo vwẹ asan ro kpenu na rọ je torhẹ ugboduma kẹ edjọ rọye, eriyin Ọrovwohwo tare.

Jerimaya 7:9

Kẹ we cho uji, dia ozighẹ, we gbe igberadja, duvwu iyori rẹ eku, torhẹ incens ki Baal, we nene eghẹnẹ efa re ovwan riẹnre-e,

Izikiẹl 16:24

wẹ ọvo re bọn asan ro kpenu kẹ oma wẹn vwẹ ọsuere kọsuere;

Hosia 10:1

Izrẹl epha kerẹ vain pọkọpọkọ rọ mọ emamọ rọye. Ọtiobo rẹ emamọ rọye buẹ te ọtiọye ọ je ghwa so egbada buebu te; kerẹ obo rẹ ọrho rọye yovwẹ te ọtiọye ọ je ghwa ma osusu te.

Hosia 12:11

Ọ dianẹ orukuruku herọ vwi Gilead ọ rẹ uyota ayen che fiabọ, ayen vwẹ irhuẹn ze izobo vwi Gilead agbada rayen cha dia kerẹ ẹko rẹ ibieragha ra ghwẹ koko vwẹ udju.

Hosia 9:10

Kerẹ otiẹ vwẹ evun rẹ aghwa, ọtiọye me mrẹ Izrẹl. Kerẹ otumọ rẹ emamọ rẹ owe, re mọre vwẹ ọke ororo rọye, ọtiọye me mrẹ esẹ wẹn. Ẹkẹvuọvo ayen de bru Baal-peor rhe, ayen de rhi phorho oma ki Baal, Obo rẹ ayen guọnọre na de phi ayen phihọ ekuakua rẹ omaetuo.