Jerimaya 11:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ayen rhivwi kpo umiovwo rẹ esẹ rayen ride, ihwo re rhọvwe nyo eta mẹ-ẹ ayen yan nene edjọ efa vwo ga ayen, uwevwi rẹ Izrẹl vẹ uwevwi ri Juda miovwo ọphọ ri mi nene esẹ rayen re na.

Jerimaya 11:10 ပူးပေါင်းရင်းမြစ်များ

Une rẹ Ejiro 78:57

ẹkẹvuọvo ayen kuoma rhẹriẹ ayen de ru ogbigbiru kerẹ esẹ rayen; ayen de mu chahe kerẹ umurhabọ ro gbapre.

Aizaya 24:5

Ihwo rẹ akpọ na gbe akpọ na ku tughu tughu kidie ayen gbe irhi rọye ku, ayen de miovwo irhi na, ayen da ghwọrọ ọphọ ri bẹdẹ na.

Jerimaya 13:10

Ihwo umwemwu nana, re senre nẹ ayen nyo eta mẹ-ẹ na, re vwẹ udu ọgangan nene udu rẹ obọ rayen vwọ yan nene edjọ efa vwọ gan ayen je vwẹ uyovwi te otọ kẹ ayen na, ayen cha dia kerẹ otehun nana, ro fi emuọvo-o na.

Jerimaya 17:23

Dede na ayen kerhọ-ọn ayen je vwẹ erhọn rẹ ayen kpo otọ-ọ, ẹkẹvuọvo ayen de ru udu rayen gan rere ayen vwo mrasan je nyo rere ayen vwo reyọ uyono.

Jerimaya 22:9

Ayen ke kpahe, Fikiridie ayen siẹn ọphọ rẹ Ọrovwohwo rẹ Ọghẹnẹ rayen, ayen da vwẹ uyovwi kpotọ kẹ eghẹnẹ efa, ayen da gọ ayen.

Jerimaya 31:32

Ọ dia oghẹre rẹ ọphọ re me vẹ esẹ rayen rere vwẹ ọke me vwọ vwẹ obọ tẹtẹ ayen nẹ otọ rẹ Ijipt rhe na-a, ọphọ mẹ yena ayen miovwiro, dede na me je dia ọshare kẹ ayen vwẹ ọke yena, eriyin Ọrovwohwo na tare.

Jerimaya 44:16

Vwọ kpahe ota ru wọ ta kẹ avwanre vwẹ odẹ rẹ Ọrovwohwo na, ma sa kerhọn wẹ-ẹ.

Jerimaya 44:5

Ẹkẹvuọvo ayen kerhọ-ọn, ayen vwẹ erhọn kpotọ-ọ, vwo kurhẹriẹ nẹ umwemwu rayen vwo je ugboduma ẹtorhẹ kẹ edjọ efa-a.

Jerimaya 7:28

Wọ me ta kẹ ayen nẹ, Ọnana orere rọ kerhọn rẹ urhuru rẹ Ọrovwohwo Ọghẹnẹ raye-en, ayen reyọ ẹghwọ kuo rọye-e, uyota ghwuru kpimẹ e bruro nẹ ẹbẹrunu rayen.

Jerimaya 9:6

Ghwẹ oshenyẹ rhurhu oshenyẹ, ophiẹnvwe rhurhu ophiẹnvwe, ayen rhọvwe riẹn vwẹ-ẹ, eriyin Ọrovwohwo na tare.

Izikiẹl 16:59

Uyota, enẹ Ọrovwohwo Ọghẹnẹ tare: mi nene uwe ru kirobo wo ruru na, wẹ rọ jẹ ivẹ na kufia wo de miovwi ọphọ na,

Izikiẹl 44:7

re ovwan vwọ reyọ erhorha, ri jẹyavwọ vwẹ udu vẹ oma, nẹ e ro ẹshẹ mẹ na, ri gbe ẹgua, vwẹ ọke ru wọ da vwẹ emuọre mẹ vwo ze izobo kẹ vwẹ, ivwri kugbe ọbara. We miovwo ọphọ mẹ vẹ ẹgua egbe rẹ ovwan.

Izikiẹl 5:6

Ọ da vwẹ uvumwemwu vwọ so irhi me nọ ẹgborho ri chekọ na, ọ da vwọ so iji mẹ nọ irho re yarierẹ phihọ na, ọ da sen irhi mẹ ọ gbe yan nene iji mẹ-ẹ.

Hosia 6:4

Die me vwo wẹ ru, E Ifrem? Die me vwo wẹ ru, E Juda? Ẹguọnọ wẹn ọ họhọ evwru rẹ irhiọke, kerẹ ọphogho rọ fobọ ya.

Hosia 6:7

Ẹkẹvuọvo ayen de miovwi ophọ mẹ kerẹ Adam etiyin ayen de ru vwe chọ.

Hosia 7:16

Ayen rhivwi bru Baal ayen họhọ umurhabọ ro brakpẹn, a cha vwẹ ọlọkọ hwe isun rayen, fiki rẹ arueyivwo rọ vọn unu rayen. Ọna kọ dia ehwẹjẹ kẹ ayen vwẹ otọ rẹ Ijipt.

Livitikọs 26:15

ovwan da jẹ iji mẹ fia, erhi rọ ovwan de mu kpahe irhi mẹ, re ovwan rha yọnrọn irhi mẹ-ẹ, ovwan de miovwo ọphọ mẹ,

Zẹfanaya 1:6

Otu ri chuko ku ri gbi nene Ọrovwohwo-o, re gbe guọnọ Ọrovwohwo-ọ eyẹ ri gbi duotọ rẹ emu vwẹ obọ rọye-e.

Zekaraya 1:4

Wa họhọ esẹ rẹ ovwa-an, e rẹ emraro rẹsosuọ kperi phia kẹ, E nẹ Ọrovwohwo rẹ otuofovwi tare, We rhivwi nẹ idjerhe umwemwu rẹ ovwan vẹ uruemu ebrabra rhe. Ẹkẹvuọvo ayen nyo vwe-e, ayen je kerhọn mẹ-ẹ, Ọrovwohwo tare.

Zekaraya 7:11

Ẹkẹvuọvo ayen kerhọ-ọn ayen de si igabọn te ohọre, rhurhu erhọn rayen re ayen je nyo.

Zekaraya 7:13

Ri mi vwo se, ayen nyori-i na, ọtiọye na re ayen rhe ji vwo se mi rhe ji nyo-o, Ọrovwohwo rẹ otuofovwi rẹ tarọ,

Urhi Rivẹ 31:16

Ọrovwohwo ke vuẹ Mosis, Nighe, wo che ghwu bru ihwo wẹn; ihwo nana ki che bibi ra gọ edjọ rẹ otọ na, asan rẹ ayen vẹ ihwo na de yenri kugbe, ayen ke cha sen vwẹ ayen ki miovwi ọphọ mẹ re Me vẹ ayen rere na.

Urhi Rivẹ 9:7

Karohọ, wo jo chọrọ owẹ ẹro-o, obo wọ nẹrhẹ Ọrovwohwo wẹn mu ophu vwẹ evun rẹ aghwa na, nẹ ẹdẹ ru wo vwo vrẹn nẹ otọ rẹ Ijipt rhe, rhi te etinẹ na, ọye wo vwo mu kpahe Ọrovwohwo na.

Hibru 8:9

ọ dia oghẹre rẹ ọphọ re me vẹ esẹ rẹ ovwan rere-e ọke re me vwọ su ayen nẹ otọ rẹ Ijipt rhe kidie ayen sa yọnrọn ọphọ yena-a, ọtiọye na me gbe davwerhọn rẹ aye-en, eriyin Ọrovwohwo tare.

Iguẹdjọ 2:11

Ihwo rẹ Izrẹl de ru emu umwemwu vwẹ obaro rẹ Ọrovwohwo ayen da ga Baal,

Iguẹdjọ 2:17

Dede na ayen kerhọ ri iguẹdjọ na-a; kidie ayen gbe igberadja nene edjọ efa ayen da vwẹ uyovwi te otọ kẹ ayen; siẹvuọvo na ayen de kudẹriẹ ni idjerhe rẹ esẹ rẹ ayen neneri, ihwo ri mu ọghọ kẹ irhi re Ọrovwohwo na, ayen gbi rhe ru ọtiọye-e.

Iguẹdjọ 2:19

Ẹkẹvuọvo ọke re oguẹdjọ na de ghwu nure, ayen Me rhoma re ru uruemu rọ branọ uruemu rẹ esẹ rayen, edjọ efa keye ayen nene, keye ayen ga vwẹ uyovwi te otọ kẹ, ayen rhọvwe siobọ nẹ uruemu rẹ udu ọgangan rẹ ayen na-a.

1 Samuẹl 15:11

Ọ davwẹ gangan nẹ mi vwi Sọl mu ovie; kidie ọ chuko ku vwe nure o gbi nene uvwe-e, o ru obo ri mi ji urhi rọye kẹ-ẹ. Ivun de miovwi Samuel; ọda viẹ se Ọrovwohwo vwẹ ason yena ejobi.