Jerimaya 10:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Ku ophu wẹn ku ẹgborho ri ju we ẹriẹn kugbe ihwo ri se ode wẹ-en, kidie ayen mu Jekọp rọn, ayen murọ rọn ayen guọgherọ te otọ ayen ru ẹdia rọye phihọ ofefe.

Jerimaya 10:25 ပူးပေါင်းရင်းမြစ်များ

ỌBE RẸ JOB 18:21

Uyota ọtiọye ẹdia rẹ ihwumwemwu epha, ọtiọye asan rẹ ohwo rọ riẹn Ọghẹnẹ-ẹ epha.

Une rẹ Ejiro 14:4

Ayen vwo ọhọ-ọ, ayen ejobi ri ruẹ umwemwu re ria ihwo mẹ kere ẹsiẹ ra re ikara, yẹ ayen gbi se Ọrovwohwo-o?

Une rẹ Ejiro 147:20

O nene ẹgborho ọfa yeri ọtiọna dẹvo-o; ayen riẹn urhi rọye-e. Jiri Ọrovwohwo na.

Une rẹ Ejiro 27:2

Ọke rẹ ihwo umwemwu da vwọ so vwẹ, ri de mu ofian bara ovwẹ, otu rẹ ukọn mẹ kugbe ivwighrẹ mẹ ayen cha yẹghrẹ ayen mi she.

Une rẹ Ejiro 69:24

Ku ivuemiovwo wẹn ku ayen, gbe jẹn ọtotorhẹ rẹ ophu wẹn na ghworo ku ayen.

Aizaya 43:22

Dede na yi wo gbi se vwe-e, E Jekọp, ẹkẹvuọvo uvwerhi mẹ ko ro we, E Izrẹl.

Aizaya 64:7

O gbi vwo ohwo ọvuọvo ro se odẹ wẹ-ẹn, ro kpogho oma nẹ ọye gbanọ owẹ ba oma-a, kidie wo si opharo wẹn nu kẹ avwanre, wo de si avwanre ra ro obọ rẹ orukuruku rẹ avwanre.

Aizaya 9:12

Otu ri Siria vwẹ obaro ọnre kugbe Filistia vwẹ obuko ọnre mi rhie unu vwo mu Izrẹl rọ. Kidie vwẹ enana ejobi na ophu rọye feuri-i yẹn obọ rọye je riẹn phia.

Jerimaya 11:1

Ota ro nẹ obọ rẹ Ọrovwohwo bru Jerimaya rhe:

Jerimaya 30:16

Ọtiọye na ihwo ri mu ovwan rọ ejobi ke ji mu ayen rọ ivwighrẹ rẹ ovwan ejobi, ọvuọvo rayen, ki kpo imu, otu re ghwa ovwan reyọ ejobi ka je ghwa ayen reyọ, iri shenyẹ ovwan ejobi ke ji shenyẹ ayen rhe.

Jerimaya 50:17

Izrẹl kerẹ ogegede ra rhẹrẹ rẹ ikpohrokpo vwọ tua. Ẹsosuọ ovie rẹ Asiria re rerọ, vwẹ asakiephana kẹ Nebukadreza ovie ri Babilọn kẹ ọye rha gbẹrhiẹn ibeku rọye.

Jerimaya 50:7

Otu re mrẹ ayen ejobi da guọghọ ayen, ivwighrẹ rayen da tanẹ, Ma re abe-e, kidie ayen ru umwemwu kpahe Ọrovwohwo, ẹdia rẹ esẹ rayen na.

Jerimaya 8:16

Ọ dia Dan e de nyo inwe ẹ fiọn rẹ iyesi rayen; kugbe ẹguangon rẹ azanọ rẹ rayen, otọ na soso de kpogho. Ayen rhere ayen da ghwọrọ otọ na kugbe obọ re vọnrọn, ọrere na ve ọtu re dia ejobi.

Uvwerhe 2:22

Wọwẹ ri se avwanre kpo ẹdorẹ re bruru uguegue vwi kabọ kabọ; vwẹ ẹdẹ rẹ ophu rẹ Ọrovwohwo ohwo ọvuọvo sa vabọ-ọ eyẹ ke sa rhọ-ọ, Ayen otu re me fẹnre re me ghẹre ivwighrẹ mẹ mie vwe ghwọrọ.

Zẹfanaya 1:6

Otu ri chuko ku ri gbi nene Ọrovwohwo-o, re gbe guọnọ Ọrovwohwo-ọ eyẹ ri gbi duotọ rẹ emu vwẹ obọ rọye-e.

Zẹfanaya 3:8

Fiki rẹ ọtiọye na gba hẹrhẹ ovwẹ, eriyin Ọrovwohwo na tare, vwẹ ẹdẹ ri mi de che vrẹn rhe kerẹ oseri. Kidie orhiẹbro mẹ na mi se ẹgborho na koko, me me ghwẹ uvie na koko, ki mi che ku ivuemiovwo mẹ ku ayen, ọrhorho rẹ ophu mẹ na, kidie vwẹ evun rẹ erhanre rẹ omeriọ rẹ ophu mẹ na akpọ na ejobi kọ cha tọrhe re.

Zekaraya 1:15

Ẹgborho re hẹ ofuvwegbe na ivun rayen miovwo uvwe gangan, kidie ọke re ivun de ghwe miovwo uvwe emerha ẹgborho efa ki di hwe ayen.

Iyẹnrẹ Esiri ri Jọn 17:25

E Ọsẹ rẹ ọvwata, akpọ na je riẹn wẹ-ẹn, ẹkẹvuọvo me riẹn wẹn; yẹ enana riẹnre nẹ wẹ ri ju vwe rhe.

Iruo rẹ Iyinkọn na 17:23

Kidie re me vwọ wanvrẹn na, rẹ ẹro mẹ vwo kpo ekuakua rẹ ovwan gọ, me da mrẹ vwẹ enu rẹ agbada ọvo vẹ obo re si phihọ, Vwọ kẹ Ọghẹnẹ re jẹriẹn. Obo rẹ ovwan gọ ru we jẹriẹn na koye mi ghwoghwo kẹ ovwan na.

1 Kọrẹnt 15:34

Nabọ vwẹ udu kpotọ, wo gbi ruẹ imwemwu ọfa-a. Kidie ẹvo vwọ erianriẹn rẹ Ọghẹnẹ na-a. Me ta ọnana rere oma vwọ vo ovwan.

1 Tẹsalonaika 4:5

Ọ dia ọ rẹ urhuru sivwe rẹ ugboma kerẹ ihwo ri Keferi re riẹn Ọghẹnẹ-ẹ.

2 Tẹsalonaika 1:8

kọ cha vwẹ ayen otu re riẹn Ọghẹnẹ-ẹ reihri kugbe ayen otu ti jẹ ọghọ emuo kẹ iyẹnrẹ esiri rẹ Ọrovwavwanre Jesu.

Ẹvwọphia 16:1

Etiyin mi de nyo urhuru rode ọvo vwẹ uwevwi rẹ ẹga na rọ ta kẹ emakashe ighwrẹ na, Yanran re ku idjokpo ighwrẹ rẹ ophu rẹ Ọghẹnẹ na phihọ akpọ na.