Jerimaya 10:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ E Ọrovwohwo, mẹ riẹnre nẹ idjerhe rẹ ohwo rẹ akpọ ọ hẹ oma rọye-e, nẹ ohwo sa vwẹ ogangan rẹ omobọ roye kpọ oma rọye vi-i.

Jerimaya 10:23 ပူးပေါင်းရင်းမြစ်များ

Une rẹ Ejiro 17:5

Ichiyi mẹ nabọ tamu idjerhe wẹn kokoroko, awọ mẹ je ghworiẹ-ẹ.

Une rẹ Ejiro 37:23

Ichiyi rẹ ohwo obọ rẹ Ọrovwohwo o nẹ cha ohwo rẹ idjerhe rọye jere ọye o ruẹ gan;

Isẹ 16:1

Ohwo ro vwo iroro ọye iroro jẹ, ẹkẹvuọvo ota rẹ ẹrẹnvwe kpahe re obọ rẹ Ọrovwohwo o nẹ cha.

Isẹ 16:9

Iroro rẹ ohwo ọye ọ vwọ gbẹn idjerhe rọye, ekẹvuọvọ Ọrovwohwo kọye rhe suẹn ichiyi rọye kẹ.

Isẹ 20:24

Ọrovwohwo re vwanvwan ichiyi rẹ ohwo kẹ, komavọ ohwo sa vwọ riẹn idjerhe rọye?

Isẹ 3:6

Vwẹ idjerhe wẹn ejobi rhọvwọ; kọ cha kpọ idjerhe wẹn ejobi vi.

Aizaya 26:7

Idjerhe rẹ ọvwata nabọ ghọriẹ, wẹ yi ru idjerhe rẹ ọvwata riẹriẹriẹ.

Daniẹl 5:23

ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.