Jerimaya 10:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Aghwọrọ utughẹ mẹ ifi mẹ ejobi sanvwere, emọ mẹ yan juvwe vwo ayen gbe herọ-ọ, ohwo ro si utughẹ mẹ phihọ rọ da vwẹ amwan tan gbe herọ-ọ.

Jerimaya 10:20 ပူးပေါင်းရင်းမြစ်များ

ỌBE RẸ JOB 7:8

Ubiẹro rẹ ohwo rọ mrẹ vwẹ nu gbi se ni vwe ọfa-a; rẹ ẹro wẹn vwo ni vwe na, ke me ghwa yanran.

Isẹ 12:7

Iruimwemwu de she nu kẹ ayen ghwe re kakare, ẹkẹvuọvo uwevwi rẹ ohwo esiri che mudia bẹdẹ.

Aizaya 51:16

Mi de phi ota mẹ phihọ unu wẹn, mi de si we nu vwẹ uhoho rẹ obọ mẹ, Me da riẹn idjuvwu na phihọ ma da ton uchivwo rẹ akpọ na phihọ, ta ke Zayọn nẹ, Ovwan ihwo Mẹ.

Aizaya 51:18

Ovwo ohwo ọvuọvo ro suo-o vwẹ usun rẹ emọ rọ vwiẹri na, o vwo ohwo ọvuọvo rọ yọnrọn obọ-ọ vwẹ usun rẹ emọ rọ yọnre ghwẹro na.

Aizaya 54:2

Nabọ hẹre ẹgbẹ rẹ utughẹ wẹn, gba hẹre amwa rẹ evun wẹn rọ she rhurhu, wo sio kpuko-o, riẹn ufi wẹn wọ vwẹ ogangan kẹ uchivwo wẹn.

Jerimaya 30:17

Kidie me cha vwẹ omakpokpọ rhivwi rhe ovwan, mi ji sivwi era rẹ ovwan, eriyin Ọrovwohwo tare, fikiridie ayen se ovwan erasere, ọye Zayọn rẹ ohwo ọvuọvo vwẹ ẹro te-e!

Jerimaya 31:15

Enẹ Ọrovwohwo tare: E nyo urhuru vwi Rama, unuebo vẹ oviẹ ọgangan, Rechẹl herọ viẹ kẹ emọ rọye; ọ siẹn uchebrọ fiki rẹ emọ rọye na, fikiridie ayen gbe herọ-ọ.

Jerimaya 4:20

Ẹguọghọ nene ẹguọghọ, otọ na ejobi kọ cha dia ofefe kpregede a teyọ itughẹ mẹ she, ibọkpọ mẹ vwẹ ẹro ẹbrẹ na.

Uvwerhe 1:5

Ivwighrẹ rọye keye rha ka enu kẹ o re yovwẹ kẹ ivwighrẹ rọye, fikiridie Ọrovwohwo nẹrhẹ ọ re oja fiki rẹ orukuruku obuebu rọye. E mu emọ rọye kpo ighuvwu vwe aro rẹ ivwighrẹ na.

Maika 2:9

Eya rẹ ihwo mẹ wọ djẹ ayen kufia nẹ iwevwi iyoyovwi rayen; wo de mu ayen jẹ emọboba rayen vwo nẹ urinrin mẹ bẹdẹ.