Jerimaya 10:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Kidie enẹ Ọrovwohwo na tare: Nighe, mi che fru ihwo rẹ otọ na kufia vwẹ ọke nana me je ghwẹ okpetu rhurhu ayen, rere ọ da ayen.

Jerimaya 10:18 ပူးပေါင်းရင်းမြစ်များ

Aizaya 22:17

Nighe, Ọrovwohwo na che kpono uwe gidi gidi, E wẹ rẹ ọgba na. O shabọ phihọ we, ghwaghwa.

Jerimaya 16:13

ọtiọye na mi che phi ovwan nẹ otọ nana kpo otọ rẹ esẹ rẹ ovwan rẹ ovwan riẹnre-e, kẹ etiyin wa da ga edjọ efa re te ason te uvo, kidie mi che ni ovwan ẹro-o.

Jerimaya 22:26

Mi do we vẹ oni ro vwiẹ wẹ kpo orere ọfa, asan re de vwiẹ wẹ-ẹ, oboyi wo de ghwu.

Jerimaya 23:20

Ophu rẹ Ọrovwohwo se rhivwi-i bẹsiẹ ro vwo brorhiẹ rẹ imu re hẹ udu rọye re nu. Vwẹ ẹdẹ rẹ okuko na wa cha riẹn phephe.

Izikiẹl 6:10

Kẹ ayen riẹn nẹ mẹvwẹ Ọrovwohwo na, ọ dianẹ mi di muo ta ni mi che ruẹ umiovwo nana kẹ aye-en.

Zẹfanaya 1:17

Me cha vwẹ omaẹghwọrọ vwọ ihwo na, ọtiọye na ayen ke yan divwi divwi kerẹ irhuẹro, fikiridie ayen ru imwemwu kpahe Ọrovwohwo; ka mwavwe ọbara rayen kuotọ kerẹ iwurhie, uvwo rayen kerẹ isọn.

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.

Urhi Rivẹ 28:52

Ayen cha yariẹ irere rẹ ovwan ejobi phihọ bẹsiẹ rẹ igbẹhẹn rẹ ovwan rẹ gangan ri gro kpenu, rẹ ovwan vwẹ ẹro so na rhi vwo she te otọ vwẹ asan na ejobi; ayen cha gba yariẹ irho re hẹ otọ rẹ ovwan na ejobi họ, rẹ Ọrovwohwo rẹ Ọghẹnẹ rẹ ovwan kẹ ovwan na.

1 Samuẹl 25:29

Ọ da dianẹ ihwo vrẹn vwọ so wẹ re da guọnọ owẹ hwe, arhọ rẹ ọrovwovwe na ke kron phihọ ekrun rẹ ihwo re sivwe ka vwọ k, Ọrovwohwo Ọghẹnẹ wẹn rọ vwẹ ẹro te; arhọ rẹ ivwighrẹ wẹn ke fa kufia kerẹ ohwo rọ fa udoroku.