Jerimaya 10:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ọye vwẹ ogangan rọye ma akpọ na ohwo rọ vwẹ aghwanrc rọye mu akpọ vi, je vwẹ ọhọ rọye riẹn idjuvwu na phihọ.

Jerimaya 10:12 ပူးပေါင်းရင်းမြစ်များ

Jẹnẹsis 1:1

Nẹ otọ rhe Ọghẹnẹ vwọ ma odjuvwu vẹ akpọ.

Jẹnẹsis 2:5

Vwẹ ọke rẹ okankọn vuọvo je djẹ vwẹ aghwa na eyẹ odi vuọvo je djẹ phiaa– kidie Ọrovwohwo Ọghẹnẹ je rhọ osio phihọ akpọ na-a, yẹ ohwo je dia ro voro otọ na-a;

1 Ikun rẹ Ivie 16:26

Kidie edjọ na ejobi rẹ ihwo vwori na ema diodi ẹkẹvuọvo Ọrovwohwo re ma odjuvwu na.

ỌBE RẸ JOB 26:7

Ọ riẹn obenu na phihọ enu rẹ odiodi, ọ da vwẹ akpọ na ya enu rẹ odiodi.

ỌBE RẸ JOB 37:18

Ku wọ sa vwẹ ẹro kere ru wọ da riẹn irharheghe na vwọ hwa, rọ gan kpohro kerẹ ughegbe ro djeri?

ỌBE RẸ JOB 9:8

Ọ rẹ ọye ọvo riẹn idjuvwu vwọ tan, ro chiyi ọgbogho rẹ urhie na muotọ.

Une rẹ Ejiro 104:2

We rọ vwẹ orẹmrẹ phopho oma kerẹ ewun, we re riẹn odjuvwu na phihọ kerẹ ibọkpọ,

Une rẹ Ejiro 104:24

E Ọrovwohwo, mavọ iruo wẹn bu te! Ẹghwanre wọ vwọ ma ayen ejobi, otọ na vọnre vẹ emama wẹn.

Une rẹ Ejiro 119:90

Esegbuyota wẹn ọ herọ rhiri nẹ uvwiẹ re te uvwiẹ, wọwẹ re tọn akpọ na phihọ, o de mudia kokoroko.

Une rẹ Ejiro 24:2

Kidie ọye muro vi vwẹ enu rẹ abadi, ọ da bọn phihọ enu rẹ oghwe.

Une rẹ Ejiro 33:6

Vwẹ ota rẹ Ọrovwohwo na ọye odjuvwu na vwọ mama, obo re vọnrọ ejobi kẹ ẹnwẹ rẹ unu rọye.

Une rẹ Ejiro 65:7

wọwẹ ri ru edo rẹ abadi fọ, edo rẹ ọgboghọ rayen, kugbe oseghe rẹ ihwo;

Une rẹ Ejiro 78:69

O da bọn ẹshẹ rọye kpenu re te odjuvwu, kerẹ akpọ na, re ọye ọvo mare bẹdẹ.

Une rẹ Ejiro 93:1

Ọrovwohwo na ria uvie; ọ vwẹ ọrho rhuo oma riariẹ, Ọrovwohwo na rhuori, ọ vwe ogangan chobiẹ. E, akpọ na ọ tọnrọ phihọ, o gbi che ghwie ọfa-a,

Isẹ 3:19

Aghwanre ọye Ọrovwohwo vwọ ma akpọ na; erianriẹn rọye ọ rha vwọ tọn irharheghe na phihọ,

Isẹ 30:4

Ono ri yeri kpo obo odjuvwu ro de wotọ rhire? Ono ri mu ọdju phihọ obọ rhurhu? Ono re phare ame phihọ ewun rọye? Ono mu etan re akpọ na vi? Mavọ e se odẹ rọye, didi odẹ rẹ ọmọ rọye? Uyota wọ riẹnrẹ!

Aizaya 37:16

E Ọrovwohwo rẹ otuofovwi na, Ọghẹnẹ rẹ Izrẹl, wẹ ro tidia ekete vwẹ obenu ri chẹrobim, wọwẹ Ọghẹnẹ na; wẹ ọvo sogono, vwẹ usun rẹ ivie rẹ akpọ na; wẹ re ma odjuvwu vẹ akpọ.

Aizaya 40:22

Ọye ri tidia phihọ usikẹ rọ hẹ obenu rẹ akpọ na, ihwo re dia ejobi họhọ ebaka; ohwo rọ vwẹ odjuvwu tan kerẹ amwa, rọ vwe rọ tan kerẹ utughẹ ra dia;

Aizaya 42:5

Enẹ Ọghẹnẹ tare, Ọrovwohwo na, rọ ma idjuvwu rọ da nabọ riẹn phihọ na, rọ riẹn akpọ na phihọ vẹ obo re djẹ no rhe ejobi, rọ vwẹ ẹnwẹn kẹ ihwo re dia evun rọye kugbe erhi kẹ ihwo re yan vwẹ evun rọye.

Aizaya 44:24

Enẹ Ọrovwohwo tare, Ọtan wẹn, rọ mama owẹ nẹ evun rhe: Mẹvwẹ Ọrovwohwo, rọ ma emu ejobi rẹ ọye ọvo vwẹ idjuvwu na tan, rọ riẹn akpọ na phihọ–Kono vẹ ovwẹ gba herọ

Aizaya 45:12

Mẹvwẹ re ma akpọ na, Me da ma ohwo phihọ enu rọye, obọ mẹ me vwọ riẹn idjuvwu na phihọ, Mẹvwẹ re vwẹ urhi kẹ otu rẹ herọ ejobi.

Aizaya 45:18

Kidie enẹ Ọrovwohwo tare, rọ ma idjuvwu na (ọye Ọghẹnẹ) rọ mama otọ na rọ maro (ọye muro vi) ọ vwẹ ozighi ma-a, o marọ ra vwọ dia. Mẹvwẹ Ọrovwohwo na, o gbi vwo ọfa-a.

Aizaya 48:13

Obọ Mẹ Me vwọ tọn uchivwo rẹ otọ na, obọrhe Mẹ re riẹn idjuvwu na phihọ ọke Mi vwọ sa ayen ayen de mudia kugbe.

Aizaya 49:8

Enẹ Ọrovwohwo tare Vwe ọke re aroestri Me da jẹ wẹ reyọ, vwẹ ẹdẹ re esivwo Me da cha wẹ uko, Me sẹro wẹ Me da vwẹ owẹ ru kerẹ ọphọ vwọ kẹ ihwo na, re vwo rherhe otọ na vi, ra vwọ gharọ utetemute ughwẹ ra kua jovwo na,

Jerimaya 10:13

Ọke ro de do ame ro obo odjivwu na ki kpogho, ọye je nẹrhẹ evwru muẹ nẹ abọ ọvo rẹ akpọ re te oba. Ọ ma agbrara fiki rẹ osio, ọye reyọ odju nẹ uwevwi rọye rhe.

Jerimaya 10:16

Ọ ro vwo ẹkẹn vwi Jekọp sa họhọ enana-a fikiridie ọye ma imu ejobi, Izrẹl kẹ orua rẹ Ukuẹriọ rọye, Ọrovwohwo rẹ otuofovwi na ọye odẹ rọyẹ.

Jerimaya 14:22

O vwo ẹdjọ ọvo vwẹ usun rẹ edjọ rẹ efian na rọ sa rhọ osio phihọ otọ na? eyẹ kẹ odjuvwu na sa rhọ eghwẹghwẹ? O dia wọwẹ E Ọrovwohwo Ọghẹnẹ rẹ avwanrẹ na-a? Ma vwẹ ẹro so owẹ, kidie wẹ ri ru imu nana ejobi.

Jerimaya 27:5

Mẹvwẹ ohwo rọ vwẹ ọrho mẹ rode na vẹ ogangan rẹ obọ mẹ ma akpọ na, kugbe ihwo vẹ eranvwe re hẹ enu rẹ akpọ na, me vwọ kẹ ohwo kohwo ro jevwe nẹ me vwọ ke.

Jerimaya 32:17

E Ọrovwohwo Ọghẹnẹ! Wọwẹ vwẹ ogangan wẹn rode na vẹ ẹgba rẹ obọ wẹn ma odjuvwu vẹ akpọ na! Emu ọvuọvo bẹn kẹ wẹ-ẹ.

Zekaraya 12:1

Ota rẹ Ọrovwohwo kpahe Izrẹl: Enẹ Ọrovwohwo tare, ohwo rọ ma enu rọ mama akpọ na ro phi erhi phihọ ohwo oma.

Iyẹnrẹ Esiri ri Jọn 1:3

oma rọye a wan mama imu na ejobi, ọ gbe dia ọye-e emu ọvuọvo ra mare na a gbe mama-a.

Kolose 1:16

Kidie oma rọye a wan ma kemu kemu ejobi, re hẹ obo odjuvwu kugbe re hẹ otọ rẹ akpọ na, emu ra mrẹ kugbe irejẹmrẹ owenẹ o dia obenu rẹ ekete rẹ ivie eyẹ ubrakpọ re suẹn, eyẹ ihwo ride eyẹ ogangan; obọ rọye a wa ma kemu kemu ejobi, ọye a je ma ayen kẹ.