Jerimaya 10:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ẹkẹvuọvo Ọrovwohwo ọye uvi rẹ Ọghẹnẹ, ọye Ọghẹnẹ rẹ urhuarhọ kugbe Ovie ri bẹdẹ bẹdẹ. Akpọ na kpogho vwẹ ophu rọye ẹgborho na se chiri ivuemiovwo rọye-e.

Jerimaya 10:10 ပူးပေါင်းရင်းမြစ်များ

Jẹnẹsis 21:33

Ebraham da kọn oghriki phihọ Bẹẹrsheba, o de se odẹ rẹ Ọrovwohwo vwẹ Etiyin, Ọghẹnẹ ri bẹvwẹdẹ na.

1 Ivie 18:39

Ọke rẹ ihwo na ejobi vwọ mrẹ, ayen de she bọvwọ epharo rayen rhuotọ; ayen da ta, Ọrovwohwo na, ọye Ọghẹnẹ Ọrovwohwo na, ọye Ọghẹnẹ.

1 Ivie 8:60

rere ihwo rẹ akpọ na ejobi vwọ riẹn nẹ Ọrovwohwo ọye Ọghẹnẹ; Ọfa gbe herọ-ọ.

1 Ikun rẹ Ivie 29:11

Wẹ, E Ọrovwohwo, vwo ọrho, kugbe ogangan, vẹ urinrin vẹ ephiokparobọ vẹ ẹgba; fikiridie emu rẹ obo odjuvwu vẹ akpọ ejobi ewẹn; Ọwẹn ọye uvie na E Ọrovwohwo, wẹ a kpare kpenu vwẹ enu ri kemu kemu ejobi.

2 Ikun rẹ Ivie 15:3

Kidie vwẹ ọke krekri Izrẹl vwo Ọghẹnẹ rẹ uyota-a, ayen ji vwo omamọ rẹ orherẹn ro yono aye-en, ayen ji vwo urhi-i.

ỌBE RẸ JOB 9:6

ọ ro kpogho otọ na nẹ uchivwo rọye, re uchivwo rọye de kpọghọ;

Une rẹ Ejiro 10:16

Ọrovwohwo ovie rhiri bẹdẹ bẹdẹ; ẹgborho na cha ghwọrọ nẹ otọ rọye.

Une rẹ Ejiro 100:3

Riẹn nẹ Ọrovwohwo ọye Ọghẹnẹ! Ọye re ma avwanre, avwanre erọye; avwanre ihwo rọye, kugbe igegede rẹ egbri rọye.

Une rẹ Ejiro 100:5

Kidie Ọrovwohwo na yoma; ẹguọnọ rọye ro jẹ rhẹriẹ dia rhiri bẹdẹ, esegbuyota rọye re te uvwiẹ na ejobi.

Une rẹ Ejiro 104:32

ro nẹ otọ na o mi kpogho, rọ vwẹ obọ te igbenu na ke ayen bru ivwirhi!

Une rẹ Ejiro 114:7

Phariẹ, E otọ, vwẹ obaro rẹ Ọrovwohwo na, vwẹ obaro rẹ Ọghẹnẹ ri Jekọp,

Une rẹ Ejiro 145:13

Uvie wẹn ọye uvie ri rhiri bẹdẹ, kugbe isuesun wẹn kọ tọn nẹ uvwiẹ re te uvwiẹ ejobi. Ọrovwohwo ohwo rẹ uyota vwẹ eta rọye ejobi, kugbe ehrọre vwẹ uruemu rọye ejobi.

Une rẹ Ejiro 146:6

rọ ma odjuvwu vẹ akpọ, abadi na, kugbe obo re dia evun rẹ ayen ejobi, rọ yọnrọn esegbuyota rọye bẹdẹ;

Une rẹ Ejiro 18:7

Etiyin akpọ na de yeghe o de kpogho, ichivwo rẹ igbenu na de zie i de zie zighi zighi, kidie ophu muro.

Une rẹ Ejiro 29:10

Ọrovwohwo tidia phihọ ekete vwe enu re oghwe, Ọrovwohwo tidia kerẹ ovie vwẹ enu rẹ ekete bẹdẹ.

Une rẹ Ejiro 31:5

Obọ wẹn mi phi erhi mẹ phihọ; we re tan vwẹ, E Ọrovwohwo, Ọghẹnẹ rẹ uyota.

Une rẹ Ejiro 42:2

Urhuru rẹ Ọghẹnẹ si ẹnwẹ mẹ, kidie wẹ Ọghẹnẹ ro jeghwo Ọkevọ me cha vwọ mrẹ opharo re Ọghẹnẹ?

Une rẹ Ejiro 68:11

Ọrovwohwo ri ji urhi na, otu re ghwẹ iyẹnrẹ esiri na kẹ ibuebu,

Une rẹ Ejiro 68:8

otọ na ko kpogho, odjuvwu da rhọ osio phihọ otọ, vwe obaro rẹ Ọghẹnẹ; abọ oboyi ri Sinae de kpogho vwẹ obaro rẹ Ọghẹnẹ, Ọghẹnẹ rẹ Izrẹl na.

Une rẹ Ejiro 74:12

Dede Ọghẹnẹ Ovie mẹ nẹ awanre rhe, o vwo ru iruo re esivwo vwẹ uherevie rẹ akpọ na

Une rẹ Ejiro 76:7

Ẹkẹvuọvo wẹ, wo mu oshọ gangan! Ono se mudia vwẹ obaro wẹn siẹ rẹ ophu wẹn da kpare rhe?

Une rẹ Ejiro 76:8

Nẹ obo odjuvwu rhe wo de brorhiẹ, akpọ na djẹ oshọ ọ da fọ ghiei,

Une rẹ Ejiro 77:18

Ovan rẹ aghrara wẹn na da hẹ evun rẹ ogiribo; enu ẹnyavwọ na da vwẹ orẹmrẹ kẹ akpọ ejobi, akpọ na phariẹre o de kpogho.

Une rẹ Ejiro 84:2

E Urhuru siẹ ẹnwẹ mẹ, nighe, oma ro fiki rẹ ẹguan rẹ Ọrovwohwo na, udu mẹ vẹ uvwo mẹ so ine rẹ aghọghọ kẹ Ọghẹnẹ ro je ghwo.

Une rẹ Ejiro 9:8

ọvwata kọye o vwo brorhiẹ rẹ akpọ na, o guẹdjọ rẹ ihwo na erhẹnrhẹnre.

Une rẹ Ejiro 90:11

Kono ri se roro ogangan rẹ ophu wẹn, ivuemiovwo wẹn kirobo rẹ oshọẹdjẹ wẹn epha?

Une rẹ Ejiro 90:2

Tavwe rẹ igbenu na ke rhe tan phia, eyẹ tavwe wọ ke rhe mama otọ na vẹ akpọ na, nẹ irhiri re duvwu irhiri wọwẹ ọye Ọghẹnẹ

Une rẹ Ejiro 93:2

ekete wẹn a tọnrọ phihọ ne awanre rhe, wọ herọ rhiri bẹdẹ.

Une rẹ Ejiro 97:4

Enuẹnyavwọ rọye vwe urhukpẹ muẹ vwẹ akpọ na; akpọ na mrẹ kọ phariẹ.

Aizaya 37:17

Rhie erhọn wẹn, E Ọrovwohwo, re wo nyo; rhie ẹro wẹn, E Ọrovwohwo, re wọ mrẹ, re wo nyo eta ri Senakerib, rọ vuẹ rhe rhe vwọ jẹ Ọghẹnẹ ri bẹdẹ ehwẹ.

Aizaya 37:4

Okeọvo ọ me dianẹ Ọrovwohwo rẹ Ọghẹnẹ wẹn nyo eta ri Rabshekeh, re onini rọye ovie rẹ Asiria ji rhe rhe vwẹ Ọghẹnẹ ri bẹdẹ na jehwẹ, rọ da ghwọ fiki rẹ eta na rẹ Ọrovwohwo rẹ Ọghẹnẹ wẹn nyori na; fiki rẹ ọtiọye na gbe jẹn ẹrhovwo ovwan guvwie kpenu vwọ kẹ umuche ihwo ri chekọ.

Aizaya 40:15

Nighere, irere na họhọ umuku rẹ ame ro suẹn nẹ usiobọ cha e de kere kerẹ iwurhie rọ hẹ enu rẹ uwan, nighere, o di mu ibrotọ na kerẹ iwurhie vworo vworo.

Aizaya 40:28

Wọ je riẹ-en? Wọ ji nyo-ọ? Ne Ọrovwohwo na ọye Ọghẹnẹ ri bẹdẹ na, ọye Ọmema rẹ oba rẹ akpọ na. Oma rhọ-ọ eyẹ oma ghwọrọ-ọ, ẹruọ rọye ọ bẹn evughe.

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Aizaya 65:16

Vwẹ ọtiọye na ohwo rọ nẹ ẹrhovwo kẹ oma rọye vwẹ otọ na kọ nẹ ẹrhovwo kẹ oma rọye vwẹ oma rẹ Ọghẹnẹ rẹ uyota na, ohwo ro duvwu iyori vwẹ otọ na kẹ odẹ rẹ Ọghẹnẹ rẹ uyota na o vwo duvwo, kidie ukpokpogho rẹ awanre na chọẹro re i sioma nu kẹ ibiẹro mẹ re.

Jerimaya 23:36

Ẹkẹvuọvo wo gbi se odẹ rẹ oghwa rẹ Ọrovwohwo na ọfa-a, kidie oghwa na ọye ota rẹ ohwo ọvuọvo, wa rhẹriẹ eta rẹ Ọghẹnẹ ri bẹdẹ na, Ọrovwohwo rẹ otuofovwi na, Ọghẹne rẹ avwanre na.

Jerimaya 4:2

Wo de duvwu iyori, kirobo rẹ Ọrovwohwo herọ na, vwẹ evun rẹ uyota, vẹ ọsoso kugbe ọvwata, irere na ejobi ki vwo ebruba vwẹ oma rọyen, vwẹ oma rọye kọye ayen de vwo urinrin.

Jerimaya 4:24

Mi vwo ni igbenu na, me vwọ mrẹ ayen ki kpogho, igbenu itete na herọ kpo uko kpo aro.

Jerimaya 50:46

Akpọ na che kpogho vwẹ edo rẹ emuo ri Babilọn, e che nyo oviẹ rọye vwẹ uherevie rẹ irere na.

Jerimaya 51:29

Otọ na kpogho chahoma vwẹ odjadja, kidie iroro rẹ Ọrovwohwo jẹn kpahe Babilọn ji mudia, ro vwo ru otọ ri Babilọn ofefe, ohwo cha dia-a.

Daniẹl 4:3

Mavọ oka rọye rho te, mavọ igbunu rọye vwo ẹgba te! Uvie rọye uvie ri bẹdẹ, isuesun rọye herọ nẹ uvwiẹ re te uvwiẹ.

Daniẹl 4:34

Re oba rẹ ẹdẹ na rhi vwo tẹ, Mẹvwẹ, Nebukadneza da kpare epharo nẹ obo odjuvwu, etiyin iroro mẹ de rhivwi bru vwẹ rhe, etiyin mi de jiri ọ ro Me Kpenu ejobi, mi de jiro me da vwẹ ọghọ kẹ ohwo rọ herọ bẹdẹ; kidie isuesun rọye isuesun ri bẹdẹ, uvie rọye herọ nẹ uvwiẹ re te uvwiẹ.

Daniẹl 6:26

Mi ji urhi, nẹ asan rẹ uvie mẹ na teri ejobi, e jẹn ihwo phariẹ re ayen rha djẹ oshọ vwẹ obaro rẹ Ọghẹnẹ ri Daniẹl, kidie ọye Ọghẹnẹ ro jeghwo, Ọ rọ herọ bẹdẹ; uvie rọye a sa guọghọ-ọ, isuesun rọye dia re te oba.

Daniẹl 6:27

Ọ sẹro o ji sivwẹ, O ruẹ eka vẹ igbunu vwẹ odjuvwu vẹ akpọ na, Ohwo ro sivwi Daniẹl nẹ ogangan rẹ ikpohrokpo na.

Daniẹl 7:14

Kọye vwẹ isuesun kẹ, kugbe urinrin vẹ uvie, rere ihwo ejobi, vẹ ẹgborho ejobi vẹ ephẹrẹ ejobi vwọ sa ga; isuesun rọye ọye isuesun ri bẹdẹ, ro che jẹ ẹwanvrẹn, kẹ uvie re jẹ sa ghwọrọ.

Joẹl 2:11

Ọrovwohwo na da kpare urhuru rọye kẹ unuofovwi na, kidie otu rọye pha buebu gbidi; ọ rọ ta ota na pha gangan. Kidie ẹdẹ rẹ Ọrovwohwo na pha rhuarho o mu oshọ gangan; kono ri se dede?

Maika 1:4

Igbenu na ke cha wran vwẹ obotọ rọye iyara na ki vwo egbogho, kerẹ erhan vwẹ oma rẹ erhanre, kerẹ ame re ku phihọ ọghwrọrọ.

Nahum 1:5

Igbenu na ki kpogho vwẹ obaro rọye, igbenu rẹ itete de mu wran; otọ na ejobi kẹ ofefe vwẹ obaro rọye, akpọ na kugbe obo re dia evun rọye ejobi.

Nahum 1:6

Ono ri se mudia hẹrhẹ ophu rọye? Ono se chirako rẹ ọrhorho rẹ ivuemiovwo rọye? Ọ kpare ophu rọye ku kerẹ erhanre, o de hwe eragha na ibribro.

Habakọk 3:10

Igbenu na mrẹ wẹ, ki muẹ oma chahe, ame rọ họnra na ra djẹ phihọ obaro, asan ikokodo na de kperi urhuru phia, ọ kpare obọ rọye kpenu.

Habakọk 3:6

O mudia ọ da vwanvwẹ akpọ na; o niro o de mu ẹgborho na kpogho; etiyin igbenu ri bẹdẹ na da hra, igbenu itete re rhabae na de she divwi. Idjerhe rọye je herọ kirobo rọ epha nẹ awanre rhe.

Malakae 3:2

Ẹkẹvuọvo kono che se yivwi hẹrhẹ ẹcha rọye na, ono ri se mudia vwẹ ọke rọ da rhe? Kidie ọ họhẹ erhanre rẹ ogu kugbe odja rẹ a vwọ fọnrhọ emwa;

Matiu 16:16

Saimọn Pita da kpahe ọ da ta nẹ, Wẹ hẹ Kristi na, Ọmọ rẹ Ọghẹnẹ ri bẹdẹ na.

Matiu 26:63

Ẹkẹvuọvo Jesu de fotovwi. Ọrherẹn rode na da ta kẹ nẹ, Vwẹ ode rẹ Ọghẹnẹ ri bẹdẹ na, ta kẹ vwẹ, wẹ ghine Kristi na, Ọmọ rẹ Ọghẹnẹ na.

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Iruo rẹ Iyinkọn na 14:15

Ihwo na, die ovwan vwo ruẹ ọnana? Avwanre je hẹ ihwo rhe kerẹ ovwan, re ghwẹ iyẹnre esiri rhe ovwan rere ovwan yan jẹ emu diodi nana vwo bru Ọghẹnẹ ọkpokpọ na rhe, ohwo rọ ma odjuvwu kugbe akpọ kugbe abadi kugbe obo re hẹro ejobi.

Urhi Rivẹ 32:4

Oragha na, iruo rọye gbare; kidie idjerhe rọye ejobi ọsoso. Ọghẹnẹ rẹ uyota ro vwo umwemwu-u, ọvwata vẹ ohwo ọsoso o ruẹ.

Urhi Rivẹ 5:26

Kidie didi ohwo vwẹ ihwo na ejobi ri nyo urhuru rẹ Ọghẹnẹ rọ ta ota, nẹ evun rẹ erhanre rhe, kirobo rẹ avwanre nyoro na, rọ da rhọ?

1 Tẹsalonaika 1:9

Kidie ekpuyovwi rẹ ayen nẹ iyẹnrẹ kẹ avwanre oghẹre rẹ edede rẹ avwanre vwori vwẹ ohri rẹ ovwan, kugbe obo rẹ ovwan siobọ nẹ ẹdjọ bru Ọghẹnẹ rhe, rhe ga Ọghẹnẹ rẹ uyota ro jeghwo,

1 Timoti 1:17

Asakiephana vwọ kẹ ovie ri bẹdẹ, ro jeghwo, re jẹmrẹ, Ọghẹnẹ ọvuọvo kpoi, ọye a vwẹ ọghọ vẹ urinrin kẹ rhiri bẹdẹ. Isẹ.

1 Timoti 6:17

Nabo yono ayen otu ri feri vwẹ akpọ na nẹ, ayen bru ọrho-o, eyẹ ayen vwẹ ẹro so efe rọ muẹro-o ẹkẹvnọvo ayen vwẹ ẹro so Ọghẹnẹ rọ kẹ avwanre efe ro muẹ avwanre geie na.

Hibru 10:31

Emu ro mu oshọ gangan re vwo she phihọ obọ rẹ Ọghẹnẹ ri bẹdẹ na.

Joshua 3:10

Joshua da ta, Vwẹ oma rẹ ọna wa vwọ riẹn nẹ Ọghẹnẹ ro jeghwo na ọ hẹ uherevie rẹ ovwan, nẹ o che jẹ ihwo ri Kenan, ihwo ri Hẹt, ihwo ri Hiv, ihwo ri Periz, ihwo ri Girgash, ihwo rẹ Amọr, kugbe ihwo ri Jebu ẹ djẹ nẹ obaro wẹ-ẹn.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

Ẹvwọphia 20:11

Etiyin me da mrẹ ekete ọfuanfon rode ọvo kugbe ohwo ro tidia enu rọye; opharo rẹ ohwo ro tidia na da nẹrhẹ akpọ vẹ odjuvwu va djẹ, a gbe mrẹ asan vwọ kẹ aye-en.

Iguẹdjọ 5:4

Ọrovwohwo, ọke wọ vwọ yan phia nẹ Seir, ọke wo vwo mu oyan nẹ ubrakpọ rẹ Edọm, otọ na de kpogho, odjuvwu na ejobi de sunrhe, uyota, ame de sun nẹ idedeghe rhe,

1 Samuẹl 17:26

Devid da ta kẹ ihwo ri mudia kẹrẹ, kidie e ru kẹ ohwo ro hwe ohwo re Filistia nana, ro de si ehwẹjẹ nẹ Izrẹl oma? Kono upheruphe nana ohwo ri Filistia nana, ro gbobọ se unuofovwi rẹ Ọghẹnẹ ri bẹdẹ na?

1 Samuẹl 17:36

Odibo wẹn hwe ikpohrokpo kugbe ikorhi; upheruphe nana ohwo ri Filistia kọ họhọ ọvo vwẹ usun rẹ ayen, kidie o gbobo se unuofovwi rẹ Ọghẹnẹ ri bẹdẹ na.