Jerimaya 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ẹkẹvuọvo Ọrovwohwo ke ta kẹ vwẹ nẹ, Wọ ta nẹ, mẹvwẹ omotete-e; fikiridie ihwo ri mi ju we bru ra ejobi wo che brẹ ra, Kemu kemu me ta kẹ wẹ ọye wọ ta.

Jerimaya 1:7 ပူးပေါင်းရင်းမြစ်များ

1 Ivie 22:14

Ẹkẹvuọvo Maikaya da ta, Kirobo rẹ Ọrovwohwo vwọ herọ na, obo rẹ Ọrovwohwo ta kẹ vwẹ, ọye Me ta.

1 Ivie 3:7

Asakiephana, E Ọrovwohwo Ọghẹnẹ mẹ, wọ vwẹ odibo wẹ mu ovie vwẹ asan ri Devid ọsẹ mẹ nuru, yi dede na mẹvwẹ omotete; me riẹn obo ra rọ otafe eyẹ obo ra ro uwevwi-i.

2 Ikun rẹ Ivie 18:13

Ẹkẹvuọvo Maikaiya da ta, kirobo rẹ Ọrovwohwo herọ na, obo rẹ Ọghẹnẹ mẹ tare, ẹye me cha ta.

Ẹyano 6:29

Ọ da ta kẹ nẹ, “Mẹvwẹ Ọrovwohwo na; vuẹ Fẹro ovie rẹ Ijipiti obo re me ta kẹ wẹ ejobi.

Jerimaya 26:2

Enẹ Ọrovwohwo tare. Mudia vwẹ ọguan rẹ uwevwi rẹ Ọrovwohwo na, re wọ ta kẹ irere ri Juda ejobi re cha ẹga vwẹ uwevwi rẹ Ọrovwohwo na eta ejobi ri mi jiji kẹ wẹ nẹ wọ ta kẹ ayen na, wo si ota ọvuọvo no-o.

Jerimaya 43:1

Ọke ri Jerimaya vwọ ta eta nana ejobi rẹ Ọrovwohwo rẹ Ọghẹnẹ rayen jiro bru ayen ra na nu,

Jerimaya 7:27

Eriyin na gba ta eta nana kẹ ayen, yẹ ayen cha kerhọn wẹ-ẹ. Wo che se ayen, ye ayen cha kpahe kẹ wẹ-ẹ.

Izikiẹl 2:7

Ku wọ ta ota mẹ kẹ ayen, owenẹ ayen nyo owenẹ ayen je nyo, kidie uwevwi rẹ okpetu ayen ruẹ.

Izikiẹl 3:27

Ẹkẹvuọvo ọke me da ta ota kẹ wẹ, ki mi rhie unu wẹn, ku wọ ta kẹ ayen, Enẹ Ọrovwohwo Ọghẹnẹ tare, ọ ro nyo, e jo nyo; ọ rọ senre nẹ ọye nyo-o, jo sen; kidie ayen uwevwi rẹ okpetu.

Emọs 7:15

Ọrovwohwo dẹ fru vwẹ reyọ nẹ mi gbi nene igegede-e, Ọrovwohwo da ta kẹ vwẹ, yanran ra mraro kẹ ihwo mẹ Izrẹl.

Jona 3:2

Vrẹn ru wọ kpo Ninivẹ, orere rode yena, rere wo re ghwoghwo aghwoghwo re me cha ta kẹ wẹ na.

Ukeri 22:20

Ọghẹnẹ de bru Balaam rhe vwẹ ason ọ da ta kẹ, ọ da dianẹ ihwo na rhi se we, vrẹn, wo nene ayen ra; ẹkẹvuọvo obo re me vuẹ wẹ ọye wo ji ru.

Ukeri 22:38

Balaam da ta kẹ Balak, Nighe, mi bru we rhire! Asakiephana me tobọ ji vwo ogangan me vwọ ta ota? Ọta rẹ Ọghẹnẹ phihọ unu mẹ ọye me ta.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Iruo rẹ Iyinkọn na 20:27

Kidie mi sioma reyọ vwo jẹ iroro rẹ Ọghẹnẹ e dje kẹ ovwa-an.