Jerimaya 1:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọye me da ta, E, Ọrovwohwo Ọghẹnẹ! Nighe me riẹn obo ra ta ota-a, kidie omotete mi ruẹ.

Jerimaya 1:6 ပူးပေါင်းရင်းမြစ်များ

Ẹyano 4:1

Etiyin Mosis da kpahe, “Ayen che se vwe gbuyotaa eyẹ ayen cha kerhọ rẹ urhuru mẹẹ, kidie ayen cha ta nẹ, ‘Ọrovwohwo vwẹ oma phia kẹ wẹẹ.”’

Ẹyano 6:12

Ẹkẹvuọvo Mosis da ta kẹ Ọrovwohwo na, “Nighe, ihwo rẹ Izrẹl dede kerhọ mẹẹ; ko mavọ Fẹro sa vwọ kerhọ mẹ, ohwo re jẹn awẹrẹnvwe rọyen ebro na?

Ẹyano 6:30

Ẹkẹvuọvo Mosis da ta kẹ Ọrovwohwo, “Mẹvwẹ ohwo re jẹ awẹrẹnvwe rọyen ebro, kẹ mavọ Fẹro vwọ sa kerhọ mẹ?

Aizaya 6:5

Etiyin me da ta Ekan kẹ vwẹ! Fikiridie mi ghwruru, fikiridie mẹvwẹ ohwo rẹ ẹbẹrunu rọye jẹ ẹfuọn, me ke rha dia ohri rẹ ihwo rẹ ẹbẹrunu rayen jẹ ẹfuọn, fikiridie ẹro mẹ mrẹ Ovie na, Ọrovwohwo rẹ otuofovwi na!

Jerimaya 14:13

Me da ta E, Ọrovwohwo Ọghẹnẹ, nighe, emraro na ta kẹ ayen, Wa cha mrẹ ọlọkọ-ọ, wa cha mrẹ owẹvwe-e, ẹkẹvuọvo me cha kẹ ovwan ufuoma ro muẹro vwẹ etinẹ.

Jerimaya 32:17

E Ọrovwohwo Ọghẹnẹ! Wọwẹ vwẹ ogangan wẹn rode na vẹ ẹgba rẹ obọ wẹn ma odjuvwu vẹ akpọ na! Emu ọvuọvo bẹn kẹ wẹ-ẹ.

Jerimaya 34:6

Jerimaya rẹ ọmraro na da ta eta nana kẹ Zẹdikaya ovie ri Juda, vwi Jerusalẹm,

Jerimaya 4:10

Etiyin me da ta, E Ọrovwohwo Ọghẹnẹ, uyota wọ ghene phiẹn ihwo nana kugbe Jerusalẹm reghe, nẹ, O che yovwẹ kẹ ovwan, yẹ ọlọkọ te urhuarhọ rayen nure.

Izikiẹl 4:14

Etiyin me da ta, E Ọrovwohwo Ọghẹnẹ! nighe, mi ji gbe oma me ẹgua dẹvo-o; nẹ imitete me rhe rhi te nonẹ na. Me je re obo ro mughwu-u eyẹ obo rẹ eranvwe hweri-i, eyẹ eranvwe rharhaphiẹ ji te unu mẹ-ẹ.

Zekaraya 2:4

ọ da ta kẹ, Djẹ, ra vuẹ emeghene yena, A cha dia Jerusalẹm kerẹ ẹko ri jẹ igbẹhẹ evwo, fiki rẹ otu rẹ ihwo vẹ uchuru re herọ.