Jerimaya 1:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ayen cha họnre owẹ; ẹkevuọvọ ayen se phi we kua-a, kidie me vẹ owẹ herọ, mi sivwi uwe, eriyin Ọrovwohwo tare.

Jerimaya 1:19 ပူးပေါင်းရင်းမြစ်များ

Une rẹ Ejiro 129:2

Ayen kpokpo uvwe gangan nẹ ọke emọ mẹ rhe, dede na ayen se phi vwe kparobọ-ọ.

Jerimaya 1:18

Nighe, Ekpuyovwi mẹ, Mi ru we nonẹ na vwọ dia orere ra gba ogba riariẹ phihọ, osusu rẹ utehru, kugbe igbẹhẹ rẹ ẹrovwo vwọ kpahe otọ na ejobi, kpahe ivie ri Juda, isun rọye, irherẹn rọye, kugbe ihwo rẹ otọ na ejobi.

Jerimaya 1:8

Wo brudu rẹ aye-en, kidie me vẹ owẹ herọ mi sivwi uwe, eriyin Ọrovwohwo tare.

Jerimaya 11:19

Ẹkẹvuọvo ke me epha dẹndẹn kerẹ ọmọ rẹ ogegede re suẹn kpo ehwe. Me rha riẹn ta nẹ mẹvwẹ ayen jẹ iroro kpaha-a, tanẹ e ja ghwọrọ urhe na vẹ ibi rọye, rere ma nyavwọ nẹ otọ rẹ ihwo ekpokpọ, rere e jẹn odẹ rọye ekarophihọ.

Jerimaya 11:21

Ọtiọye na enẹ Ọrovwohwo tare, kpahe ihwo rẹ Anatọt, re guọnọ arhọ wẹn na, re ta, Wọ vwẹ odẹ rẹ Ọrovwohwo mraro-o, avwanre da vwẹ obọ rẹ avwanre hwe we–

Jerimaya 18:18

Etiyin ayen da ta, wa yanrhe, ra jẹn iroro rhurhu Jerimaya, kidie urhi se miovwi nẹ obọ rẹ orherẹn rhe-e, eyẹ iroro ẹjẹ sa phiẹn ọvweghwanre-e, ota ji se nẹ obọ rẹ ọmraro na rhe-e. Wa rhe, re a vwẹ ẹrẹnvwe hwe, e ja kerhọn rẹ eta rọye ọvuọvo-o.

Jerimaya 2:1

Ota rẹ Ọrovwohwo de bru vwe rhe, tanẹ,

Jerimaya 20:10

Kidie mi nyo ophiọrọ buebu. Imuọshọ ọ hẹ asan ejobi! phọphọ! Jẹn avwanre phọphọ! emamọ rẹ igbeyan mẹ ejobi tarọ rẹ ayen vwọ rhẹrẹ eshe mẹ. Ọkeọvo ya cha phiẹ, avwanre ki che phiọ kparobọ rẹ avwanre de ruo keri.

Jerimaya 20:11

Ẹkẹvuọvo Ọrovwohwo vo vwẹ herọ kerẹ isodje rọ muoshọ, vwẹ ọtiọye na iri mu kpahe ovwẹ cha yẹghrẹ, ayen se phi vwe kparobọ-ọ. Oma cha vọ ayen gangan, kidie ayen cha kparobọ-ọ. Ijọghọevwo kọ dia erayen bẹdẹ, ọ cha sa chọrọ ẹro bẹdẹ-ẹ.

Jerimaya 26:8

Ri Jerimaya vwo ta obo rẹ Orovwohwo jiji kẹ ejobi nẹ ọ ta kẹ ihwo na ejobi nu, irherẹn na vẹ emraro kugbe ihwo na ejobi de muo, ta nẹ, Wo che ghwu.

Jerimaya 30:11

Kidie mi nene uwe dia vwo sivwi uwe, eriyin Ọrovwohwo tare, mi che guẹ irere na ejobi ẹdjọ ohri rẹ ihwo re me hra ovwan ra na, ẹkẹvuọvo mi che ghwọrọ ovwa-an re-e. Me cha ghwọ umuchẹghwọ ku ovwan O vwo obo re sorọ ri mi vwo je ovwan ehwe-e.

Jerimaya 39:17

Ẹkẹvuọvo mi che sivwi we vwẹ ẹdẹ yena, Ọrovwohwo re tarọ, e se phi we phihọ obọ rẹ ihwo re wọ djẹ oshọ rayen na-a.

Jerimaya 42:11

Wa djẹ oshọ rẹ ovie ri Babilọn na-a, ohwo rẹ oshọ rọye mu ovwan na, wa djẹ oshọ rọye-e, eriyin Ọrovwohwo tare, kidie me vẹ ovwan herọ, ki mi sivwi ovwan mi ji si ovwan nẹ obọ rọye rhe.

Jerimaya 46:28

Wọ djẹ oshọ-ọ, E Jekọp odibo mẹ, eriyin Ọrovwohwo tare, kidie me vẹ owẹ herọ. Mi che furhie ẹgborho na ejobi re me cha djẹ ovwan ra na, ẹkẹvuọvo mi che furhie ovwa-an, ẹfa me cha fa wẹ mi che je ovwan vwo riẹrieriẹ-ẹ.

Daniẹl 3:25

Ọ da kpahe, Ẹkẹvuọvo me mrẹ eshare ẹne ra rhan ufi nu re yan vwẹ evun rẹ erhanre na, erhanre na torhẹ aye-en, oma rẹ ohwo rẹ ẹne na da họhọ ọmọ rẹ eghẹnẹ.

Ukeri 14:9

Emuọvo na, wa vwọ suọ Ọrovwohwo-o; wa je djẹ oshọ rẹ ihwo rẹ evun rẹ otọ na-a, fikiridie ayen ikara vwọ kẹ avwanre ukẹcha vuọvo rhe ayeen; yẹ Ọrovwohwo vẹ avwanre herọ, we jẹ oshọ rayen mu ovwa-an.

Iruo rẹ Iyinkọn na 26:17

ro che si uwe nẹ obọ rẹ ihwo na kugbe obọ rẹ ihwo ri Keferi ihwo ri mi che ji uwe bru ra.

Joshua 1:9

Ọ dia omẹvwẹ ri ji urhi na kẹ wẹ-ẹ? Goma wo yivwaro gangan, wọ phariẹ-ẹ, wo jẹ ofu dje we-e, kidie Ọrovwohwo Ọghẹnẹ wẹn vẹ owẹ herọ vwi kasan kasan wọ ra ejobi.