Jerimaya 1:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Nighe, Ekpuyovwi mẹ, Mi ru we nonẹ na vwọ dia orere ra gba ogba riariẹ phihọ, osusu rẹ utehru, kugbe igbẹhẹ rẹ ẹrovwo vwọ kpahe otọ na ejobi, kpahe ivie ri Juda, isun rọye, irherẹn rọye, kugbe ihwo rẹ otọ na ejobi.

Jerimaya 1:18 ပူးပေါင်းရင်းမြစ်များ

Aizaya 50:7

Kidie Ọrovwohwo Ọghẹnẹ cha vwẹ uko, fiki rẹ ọtiọye na oma gbe vo vwẹ-ẹ, fiki rẹ ọtiọye na ke Me tọn opharo Mẹ vi kerẹ umomo, Me riẹnre nẹ a gbe cha sa phọphọ ovwẹ-ẹ,

Jerimaya 1:17

Ẹkẹvuọvo wẹ, chobiẹ amwa wẹn vrẹn, re wọ ta emu kemu ri mi ji iji rọye kẹ wẹ. Wo jẹ ofu rẹ ayen dje we-e, me da rha vwẹ ofu dje we vwẹ obaro rayen.

Jerimaya 1:19

Ayen cha họnre owẹ; ẹkevuọvọ ayen se phi we kua-a, kidie me vẹ owẹ herọ, mi sivwi uwe, eriyin Ọrovwohwo tare.

Jerimaya 15:10

Ekan kẹ vwẹ, oni mẹ, ru wo vwo vwiẹ vwẹ, ohwo re ẹghwọ vẹ ohọnre vwọ kẹ otọ na ejobi! Mi momo kẹ ohwo-o, mi ji momo mie ohwo-o, dede na yẹ ayen ejobi harha ovwẹ.

Jerimaya 15:20

Ki mi ru we vwo kẹ ihwo nana kerẹ ogba rẹ ẹrovwo ayen che nene uwe họnre, ẹkẹvuọvo ayen che se phi we kparobọ-ọ kidie me vọ owẹ herọ. Re mi vwo sivwi uwe je chọ wẹ, eriyin Ọrovwohwo tare.

Jerimaya 20:11

Ẹkẹvuọvo Ọrovwohwo vo vwẹ herọ kerẹ isodje rọ muoshọ, vwẹ ọtiọye na iri mu kpahe ovwẹ cha yẹghrẹ, ayen se phi vwe kparobọ-ọ. Oma cha vọ ayen gangan, kidie ayen cha kparobọ-ọ. Ijọghọevwo kọ dia erayen bẹdẹ, ọ cha sa chọrọ ẹro bẹdẹ-ẹ.

Jerimaya 21:4

Enẹ wa cha ta kẹ Zedikaya, Enẹ Ọrovwohwo, Ọghẹnẹ rẹ Izrẹl tare, Nighe, me cha rheriẹ ekuakua rẹ ofovwi re abọ re ovwan na kpuko e re wa vwọ họnre ovie ri Babilọn kugbe ihwo ri Kaldia e re yariẹ ovwan phihọ vwẹ obotafe rẹ igbẹhẹ na, Ke me cha ghwa ayen koko rhe uherevie rẹ orere na.

Jerimaya 26:24

Ẹkẹvuọvo Ahaikam ọmọ ri Shafan da nabọ vwẹ obọ rhurhu Jerimaya gangan ọtiọye na ọ gbe rhọvwe vwọ kẹ ayen hwe-e.

Jerimaya 34:3

Wọ sa djẹ nẹ obọ rọye-e, ẹkẹvuọvo vwẹ ọruyota e che mu we re de phi we phihọ obọ rọye; ku wọ vẹ ovie ri Babilọn cha vwẹ ẹro mrẹ ohwohwo ji hirhe aro ku ohwohwo ta ota, ku wo kpo Babilọn.

Jerimaya 37:7

Enẹ Ọrovwohwo tare, Ọghẹnẹ rẹ Izrẹl: Enẹ wọ ta kẹ Ovie ri Juda ro ju we rhe nọ vwẹ obọ me na, Nighe, otu rẹ ofovwi ri Fero re rhe chọ we uko muegbe ri vwo rhivwi kpo Ijipt re, kpo otọ raye.

Jerimaya 38:18

Ẹkẹvuọvo wọ rha vwẹ oma wẹn kẹ isun rẹ ovie ri Babilọn na-a, ke che phi orere nana phihọ obọ rẹ ihwo ri Kaldia, ka cha vwẹ erhanre torhẹ, wọ gbe sa djẹ nẹ obọ raye-en.

Jerimaya 38:2

nẹ, Enẹ Orovwonwo tare, Ohwo ro chekọ ọrho nana ọlọkọ vẹ owẹvwe kugbe emiavwe che hwe; ẹkẹvuọvo ohwo rọ yan bru ihwo ri Kaldia cha rhọ, arhọ rọye cha dia kerẹ osa rẹ ofovwi, ọ me rhọ.

Jerimaya 42:22

Asakiephana we jo mu ovwan ẹro nẹ obo rẹ ovwan ra ra dia na, ọlọkọ vẹ owẹvwe kugbe ọtiekọ che hwe ovwan vwẹ oboyi.

Jerimaya 6:27

Me vwẹ owẹ mu kerẹ ovwanvwọ vwẹ ohri rẹ ihwo mẹ rere wọ riẹn vwo vughe idjerhe rayen,

Iyẹnrẹ Esiri ri Jọn 1:42

Ọ da reyọ vwo rhe Jesu. Jesu de no, ọ da ta, Wẹ hẹ Saimọn na ọmọ ri Jọn? E che se we Kifas (otọ rọye oragha).

Ẹvwọphia 3:12

Ohwo ro phi kparobọ, ki mi che vwo ru uchivwo vwẹ evun rẹ uwevwi rẹ Ọghẹnẹ mẹ; e rhe se ghwie no bẹdẹ-ẹ, ki mi si odẹ rẹ Ọghẹnẹ mẹ vwọ tamuo, kugbe odẹ rẹ orere rẹ Ọghẹnẹ mẹ na, Jerusalẹm Ọkpokpọ na ro nẹ obọ rẹ Ọghẹnẹ rọ hẹ obo odjuvwu rhe otọ na, kugbe odẹ mẹ ọkpokpọ na.