Jerimaya 1:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Mi brorhiẹ mẹ hwe ayen, fiki rẹ orukuruku rayen rẹ ayen vwo sen vwẹ na; ayen torhẹ izobo kẹ edjọ efa, ayen da gọ iruo rẹ abọ rayen.

Jerimaya 1:16 ပူးပေါင်းရင်းမြစ်များ

Ivie rẹ Ivẹ 22:17

Fikiridie ayen sen vwẹ ayen da torhẹ insẹns kẹ edjọ, rere ayen vwọ kpare ovwẹ ophu vẹ iruo rẹ abọ rayen, fiki rẹ ọtiọye na ophu mẹ kọ cha tua kpahe etinẹ na, e gbi se fuo-o.

2 Ikun rẹ Ivie 15:2

Ọ da yanran ra vwa Asa, ọ da ta kẹ, kerhọn mẹ, Asa, kugbe Juda vi Bẹnjamin ejobi; Ọrovwohwo na vẹ owẹ herọ, vwẹ ọke ro wọ vẹ ọye da herọ. Wọ da guọnọ, ku wọ mrẹ, ẹkẹvuọvo wọ da siọn, kọ sen wẹ.

2 Ikun rẹ Ivie 28:2

Ẹkẹvuọvo ọ da vwẹ ẹro kere ivie rẹ Izrẹl. Ọ tọbo duvwu ukẹdjọ ra wraure kẹ Baal;

2 Ikun rẹ Ivie 34:25

Fikiridie ayen sen vwẹ ayen torhẹ insẹns kẹ ẹdjọ rere ayen vwọ kpare ovwẹ ophu fiki rẹ iruo rẹ obọ rayen, fiki rẹ ọtiọye na ki mi che ku ophu mẹ phihọ etinẹ na yẹ a gbe mrẹ ohwo ro fue-e

2 Ikun rẹ Ivie 7:19

Ẹkẹvuọvo wọ da rhẹriẹ oma re wọ da sen iji kugbe irhi mẹ ri mi ji kẹ wẹ, wọ da yanran ra gọ ẹdjọ efa,

Aizaya 2:8

Otọ rayen vọnre vẹ ema ayen diguẹ kẹ iruo rẹ obọ rayen, kẹ obo rẹ ayen vwẹ irhiabọ rayen ru.

Aizaya 37:19

ayen da kpare ẹdjọ rayen phihọ erhanre; kidie ayen dia edjọ-ọ, ẹkẹvuọvo iruo rẹ obọ re ohwo, urhe vẹ oragha, kọye ọ vwọ ghwọrọ ayen.

Aizaya 44:15

Etiyin o de rhi hirhe phihọ urhe re vwo mu erhanre ọ reyọ abọvo rọye ọ de vwo koko erhanre kẹ oma rọye rere ọ dia, ọ vwi ro koko erhanre ọ da kaka ikara vwọ, o vrẹn ọ da vwẹ abọ ro chekọ kare oma ọ da gọ, ọ da vwọ kare oma re bru ona phihọ o de she diguẹ kẹ.

Aizaya 65:3

Ihwo re kpare ophu mẹ te vwe unu sa kọke kọke ejobi, ri ze izobo vwẹ evun rẹ udju re torhẹ egẹn vwe enu rẹ ikerekpẹn;

Jerimaya 10:15

Ayen fiemu-u iruo rẹ ophiẹvwe, ọke re ehwe rayen kẹ ayen cha ghwọrọ.

Jerimaya 10:3

Kidie uruemu rẹ ihwo na uruemu rẹ ofian. Urhe ro nẹ evun rẹ ẹgbo na rhe e shere teye otọ ọwena da reyọ ushurhe rọye vwọ karọ.

Jerimaya 11:12

Kẹsiẹye irere ri Juda vẹ ihwo re dia Jerusalẹm ejobi ke yanran re kperi se edjọ rẹ ayen torhẹ insẹns kẹ na, yẹ ayen se sivwi ayen vwẹ ọke rẹ ukpokpogho raye-en.

Jerimaya 11:17

Ọrovwohwo rẹ otuofovwi na, rọ kọn we na, ghwoghwo umiovwo kpahe owẹ, fiki rẹ umwemwu rẹ uwevwi rẹ Izrẹl vẹ uwevwi ri Juda ruru, vwọ nẹrhẹ ovwẹ phihọ ophu rẹ ayen vwo torhẹ incẹns kẹ Baal.

Jerimaya 15:6

Wọ sen vwẹ, eriyin Ọrovwohwo tare, obobuko wọ cha ra; kọye me vwọ riẹn obọ mẹ kpahe owẹ re me vwọ ghwọrọ owẹ; oma rẹ ufuefu rhọ vwẹ rẹ.

Jerimaya 16:11

Etiyin wọ ke vuẹ ayen nẹ: Fikiridie esẹ rẹ ovwan sen vwẹ, eriyin Ọrovwohwo tare, ayen de nene edjọ efa ayen da ga ayen, ayen da vwẹ uyovwi kpotọ kẹ ayen, ayen da sen vwẹ, ayen gbe yọnrọn urhi mẹ-ẹ,

Jerimaya 17:13

E Ọrovwohwo, iphiẹrohọ rẹ Izrẹl, otu re sen wẹ ejobi oma cha vo ayen, otu ri kurhẹriẹ ju we vwo ke si ayen phihọ akpo na, kidie ayen siẹn Ọrovwohwo na, ẹtẹrhe rẹ ame rẹ urhuarhọ.

Jerimaya 18:15

Ẹkẹvuọvo me chọrọ ihwo mẹ ẹro, ayen torhẹ insẹns kẹ eghẹnẹ rẹ efian, ayen yẹghrẹ vwẹ idjerhe rayen, vwẹ idjerhe rẹ awanre na, ri hirhe phihọ obẹnẹ rọ dia idjerhe rọde-e.

Jerimaya 19:4

Fikiridie ihwo na sen vwẹ, ayen torhẹ incẹnse kẹ eghẹnẹ efa vwo miovwo etinẹ na, eghẹnẹ re ayen vẹ esẹ rayen kugbe ivie ri Juda riẹnre-e, fikiridie ayen ghwa ọbara rẹ evwata rhe vwọ vọn etine na.

Jerimaya 2:13

Kidie ihwo mẹ ru imu ivẹ chọ! ayen sen vwẹ, rẹ ẹtẹrhe rẹ ame rẹ urhuarhọ na, ayen da tọn egọdọ rẹ ame kẹ omobọ rayen, egọdọ re vwẹn, re sa yọnrọn ame-e.

Jerimaya 2:17

Ọ dia owẹwẹ ọvo ghwa ọnana phihọ uyovwi wẹn re wọ vwọ siẹn Ọrovwohwo Ọghẹnẹ wẹn, ro vwo sun we wan idjerhe na?

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Jerimaya 2:28

Ẹkẹvuọvo kẹ ẹdjọ rẹ ovwan na rhọ ru wa ma kẹ oma rẹ ovwan na? Gbe jẹn ayen vrẹn se ayen se sivwi ovwan vwẹ ọke rẹ ukpokpogho rẹ ovwan kidie ọtiobo rẹ irere rẹ ovwan bu te na, eriyin edjọ rẹ ovwan ji bu te, E Juda.

Jerimaya 4:12

odju rọ vọn nọ ọtiọnana cha rhe fiki mẹ. Mẹvwẹ yi guẹdjọ phihọ ayen uyovwi na.

Jerimaya 4:28

Fiki rẹ ọnana akpọ na ki che muomahọ, obenu ko che bi, kidie me ta nure, me jẹn iroro nure, mi che dogho obọ-ọ mi ji kurhẹriẹ-ẹ.

Jerimaya 44:17

Ẹkẹvuọvo me se ru obo ri me veri ni me ru, ma torhẹ izobo kẹ ovie-aye re enu, me je ku udi kuo, kirobo me ru wanre, te avwanre te esẹ rẹ avwanre, ivie rẹ avwanre vẹ isun rẹ avwanre, vwẹ irere ri Juda vẹ irhuvwu ri Jerusalẹm, kidie ọke yena avwanre da mrẹ emuọre buebu, o de yovwi kẹ avwanre, ma mrẹ umiovwo-o.

Jerimaya 5:29

Mi gbe hwe ayen fiki rẹ imu nana? eriyin Ọrovwohwo na tare, orere ọtionana me gbe reihri kẹ oma mẹ kaphẹ orere ọtiọna na-a?

Jerimaya 5:9

Mi gbi hwe ayen vwi fiki rẹ imu nana-a eriyin Ọrovwohwo tare; me gbe re ihri kẹ oma mẹ kpahe orere ọtiọnana?

Jerimaya 51:17

Ihwo ejobi ekpa i vwo erianriẹ-ẹn ogun kogun ro duvwu iro oma vorọ fiki rẹ ema ro duvwuru kidie ema rọye efian ayen vwo ẹnwẹn vwe evun raye-en.

Jerimaya 7:17

Wọ mrẹ obọ rẹ ayen ruẹ vwẹ irere ri Juda kugbe irhuvwu ri Jerusalẹm na?

Jerimaya 7:18

Emọ na re du irhe koko, esemọ na de rhe koko erhanre na phihọ, eya na de gbe eka na, re ayen kake ikara kẹ ovie rẹ aye rẹ enu, ayen de ku udi ku edjọ efa, rẹ ayen vwọ kpare ophu mẹ.

Jerimaya 7:9

Kẹ we cho uji, dia ozighẹ, we gbe igberadja, duvwu iyori rẹ eku, torhẹ incens ki Baal, we nene eghẹnẹ efa re ovwan riẹnre-e,

Izikiẹl 16:18

Wọ da reyọ iwun wẹn ra nabọ rhuo na vwo phopho ayen, wo de mu ori mẹ vẹ ugboduma mẹ vwọ kẹ ayen.

Izikiẹl 24:14

Mẹvwẹ rẹ Ọrovwohwo ta nure; ọke de rhi te, ki mi ruo; mi gbi rhivwi kpo uko-o, mi che ju we vwo-o, mi che kurhẹriẹ-ẹ; ki mi gu ẹdjọ wẹ, kirobo rẹ idjerhe wẹn vẹ uruemu wẹn epha, eriyin Ọrovwohwo Ọghẹnẹ tare.

Hosia 11:2

Tiobo mi se ayen na, ọtiọye ayen je ghwa mrẹ vwẹ djẹ te; ayen ji ze izobo kẹ Baal, jẹn ayen ghwa torhẹ insens kẹ ema.

Hosia 8:6

Vwẹ Izrẹl? Oruona re marọ, ọ dia Ọghẹnẹ-ẹ. Upene rẹ erhuẹn ri Sameria, ka guọghọ ivwivwuvwu.

Joẹl 2:11

Ọrovwohwo na da kpare urhuru rọye kẹ unuofovwi na, kidie otu rọye pha buebu gbidi; ọ rọ ta ota na pha gangan. Kidie ẹdẹ rẹ Ọrovwohwo na pha rhuarho o mu oshọ gangan; kono ri se dede?

Iruo rẹ Iyinkọn na 7:41

Ayen da ma upene rẹ erhuẹn vwẹ ọke yena, ayen da gọ oma na ayen da ghọghọ kẹ iruo rẹ ayen vwẹ abọ rayen ru.

Urhi Rivẹ 28:20

Ọrovwohwo kọ vwẹ ekan, te ozighi kugbe oma ẹlaghọ rhe enu rẹ emu kemu rẹ ovwan ruẹ ejobi, bẹsiẹ rẹ ovwan vwọ ghwọrọ phrẹphrẹphrẹ, vwi fiki rẹ uruemu omiomiovwi rẹ ovwan, fikiridie ovwan sen vwẹ.

Urhi Rivẹ 31:16

Ọrovwohwo ke vuẹ Mosis, Nighe, wo che ghwu bru ihwo wẹn; ihwo nana ki che bibi ra gọ edjọ rẹ otọ na, asan rẹ ayen vẹ ihwo na de yenri kugbe, ayen ke cha sen vwẹ ayen ki miovwi ọphọ mẹ re Me vẹ ayen rere na.

Joshua 24:20

Ọ da dianẹ ovwan siẹn Ọrovwohwo na ra gọ edjọ erhorha ko kuoma rhẹriẹ re wan ovwan oma, kọ ghwọrọ ovwan, yo ru emu esiri kẹ ovwan nure.

Ẹvwọphia 9:20

Ihwo rẹ akpọ na ri chekọ, rẹ ọtiekọ na hweri-i, ji se kurhẹriẹ nẹ iruo rẹ abọ raye-en eyẹ siobọ nẹ egagọ rẹ idẹbono kugbe ema rẹ oro kugbe idọnọ efuanfon kugbe ẹrovwo kugbe oragha kugbe urhe, re sa mrẹ-ẹ eyẹ nyo eyẹ yan;