Jerimaya 1:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Kidie, nighe, Mi hiro se uvwie rẹ ivie rẹ obọhwẹre ọnre, Ọrovwohwo tare, ayen cha rhe ayen dohwo dekete rẹ uvie rọye cha bọn phihọ ughere ri Jerusalẹm, ayen cha bọn kpahe igbẹhẹ rọye ejobi riariẹ, je kpahe irere ri Juda ejobi.

Jerimaya 1:15 ပူးပေါင်းရင်းမြစ်များ

Aizaya 22:7

Iyara wẹn ri me yovwi na vọnre vẹ ekpẹrẹ ihwo re gua iyesi na nabọ gbro phihọ vwẹ Inurhoro na.

Jerimaya 10:22

Kerhọn rẹ alegbe! Nighe, ọ vẹn cha– edo rode na nẹ oboọhwẹre ọnre cha ọ cha ghwọrọ irere ri Juda hirhe phihọ ofefe, kere unu rẹ ẹrha.

Jerimaya 10:25

Ku ophu wẹn ku ẹgborho ri ju we ẹriẹn kugbe ihwo ri se ode wẹ-en, kidie ayen mu Jekọp rọn, ayen murọ rọn ayen guọgherọ te otọ ayen ru ẹdia rọye phihọ ofefe.

Jerimaya 13:20

Kpare aro wọ mrẹ ihwo ri nẹ obohwẹre ọnre rhe, Igegede ra kẹ wẹ na kẹ erhọ? omamọ rẹ igegede wẹn na?

Jerimaya 25:28

Ayen gbe rhọvwe mie we uko na da-a, ko wọ ta kẹ ayen nẹ, Enẹ Ọrovwohwo rẹ otuofovwi na tare, Ovwan jẹ da-a!

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 33:10

Enẹ Ọrovwohwo tare. Etinẹ na re wa ta nẹ, o fefe ohwo herọ-ọ eyẹ kẹ eranvwe-e, vwe irere ri Juda vẹ irhuvwu ri Jerusalẹm ra kua fiotọ na, ri vwo ohwo-o eyẹ ohwo rọ dia-a eyẹ kẹ eranvwe-e,

Jerimaya 34:1

Ota rọ nẹ obọ rẹ Ọrovwohwo bru Jẹrimaya rhe, vwẹ ọke ri Nebukadreza ovie ri Babilọn vẹ otuofovwi rọye ejobi kugbe uvie rẹ akpọ na ejobi re hẹ otọ rẹ isuesun rọye vẹ ihwo na ejobi vwọ họnre Jerusalẹm vẹ irere rọye ejobi.

Jerimaya 34:22

Nighe, mi che ji urhi, eriyin Ọrovwohwo tare, me cha rhoma reyọ ayen rhe orere nana; ayen cha họnrọ rẹ ayen da reyọ, ra da vwẹ erhanre torhẹ. Mi che ru irere ri Juda ifefe rẹ ihwo de jẹn ayen ẹdia.

Jerimaya 39:3

Ra vwọ reyọ Jerusalẹm nu, isun rẹ ovie ri Babilọn ejobi da rhe ri tidia anurhoro rẹ uherevie: Negalshareza Samganebo, Sasekim ri Rabsa, Negalshareza, ri Rabmag, kugbe isun rẹ ovie ri Babilọn ejobi.

Jerimaya 4:16

Vuẹ egborho na nẹ ọ cha, ghwoghwo kẹ Jerusalẹm, Ihwo ri muẹ imu ri nẹ ugbo oshesheri cha; ayen re bunu kẹ irere ri Juda.

Jerimaya 4:6

Kpare aphiana vwo ni Zayọn, djẹ kẹ arhọ wẹn, wo muẹdia-a kidie me ghwa umiovwo nẹ obọhwẹre ọnre cha kugbe ẹghwọrọ rọde na.

Jerimaya 43:10

ọ da ta kẹ ayen nẹ, Enẹ Ọrovwohwo rẹ otuofovwi, Ọghẹnẹ rẹ Izrẹl tare, Nighe, mi che ji ikọn ra reyọ Nebukadreza ovie ri Babilọn, odibo mẹ, rhe, o che phi ekete rẹ uvie rọye phihọ enu rẹ elalọ nana ri mi sinu na, kọ bẹrẹ eharha rẹ uvie rọye sa enu rọye.

Jerimaya 44:6

Vwẹ ọtiọye na ophu mẹ vẹ ivuemiovwo mẹ ko hwe ku irere ri Juda vẹ irhuvwu ri Jerusalẹm kọ je la mu ayen, ayen ke rhe dia ẹghwọrọ vẹ ofefe, ọtiobo rọ epha nonẹ na.

Jerimaya 46:24

A cha vwẹ ọmọte rẹ Ijipt jehwẹ, e che phiọ phihọ obọ rẹ ihwo ri nẹ obọrhe ọnre cha.

Jerimaya 5:15

Nighe, mi che ji orere nẹ ogboko rhe E uwevwi rẹ Izrẹl, eriyin Ọrovwohwo na tare. Orere na kri otọ re orere rẹ awanre oruẹ, orere ru wọ riẹn ephẹrẹ rọye-e, eyẹ wọ se nyo obo rẹ ayen ta-a.

Jerimaya 6:22

Enẹ Ọrovwohwo na tare: Nighe, ihwo evo nẹ obọhwẹre ọnre cha ẹgborho rode na ri tue nẹ ogboko, oba rẹ akpo na cha.

Jerimaya 9:11

Mi che ru Jerusalẹm phihọ erhurhu, mi che ruo phihọ unu rẹ erha mi che ru irere ri Juda phihọ ofefe, ihwo gbe dia-a.

Uvwerhe 5:11

Aphọphẹ eya vwi Zayọn, kugbe emetobẹ re hẹ Juda.

Izikiẹl 32:30

Isun rẹ obọhwẹre ọnre hẹ etiyin, ayen ejobi, kugbe ihwo ri Sidọn, re yanran vẹ omaẹvuọ kpọ ughwu, fiki rẹ uguegue rẹ ẹgba rẹ ayen, ayen da riẹn nene otọ vẹ upheruphe kugbe ayen otu rẹ ọlọkọ hweri, ayen da ghwa oghwa rẹ omaẹvuọ rayen kugbe ayen otu re yanran kpo obo Ukpotọ na.

Joẹl 2:20

Ki mi che bi ohwo rọ he obọhwẹre ọnre nẹ uwe oma, ke Me cha djẹ ra ro otọ ọyaya vẹ otọ ofefe, obaro rọye ra ro abadi rọ hẹ obaro ọnre, obuko rọye kpo abadi rọ he obuko ọnre; ọnrhe rọye ro gbo phi na ko che bru rhe kidie o ru okpemu rode.

Zekaraya 6:6

Akpẹrẹ ro vwo iyesi ibebi na da yan hirhe aro ku orho rọ hẹ obọhwere ọnre, e re efuanfon na da yan hirhe aro ku orho rọ hẹ obuko ọnre, e re pha gbrogbro na da yan hirhe aro ku orho rọ he obọhwẹre ọnre.