Jerimaya 1:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Nighe, nonẹ na me vwẹ owẹ mu vwẹ enu rẹ ẹgborho kugbe enu rẹ ivie, wọ vwọ kọnre wọ je guọghọ te otọ, wọ vwọ ghwọrọ wo vwo phi kua, wọ vwọ bọn wọ je vwọ kọn.

Jerimaya 1:10 ပူးပေါင်းရင်းမြစ်များ

1 Ivie 17:1

Asakiephana Ilaija ohwo ri Tish, vwi Gilead, da ta kẹ Ehab, kirobo rẹ Ọrovwohwo Ọghẹnẹ rẹ Izrẹl herọ na, ri mi mudia vwẹ obaro rọye na, asan mrẹ irho eyẹ osio vwẹ ikpe nana-a, jokpa nẹ ota mẹ.

1 Ivie 19:17

Ọ rọ vabọ rẹ ọlọkọ ri Hazael, Jehu ko hwe; ọ rọ rha vabọ rẹ ọlọkọ ri Jehu kọye Ilaesha rhe hwe.

Aghwoghwo 3:3

Ọke re vwo hwe, vẹ ọke re vwo sivwẹ, ọke ra vwọ guọghọ te otọ, vẹ ọke ra vwọ bọn kpenu,

Jerimaya 1:5

Tavwe me ke mama owẹ vwẹ obo evun, me riẹn wẹ, tavwe re ki vwiẹ wẹ yi mi ru we fon nure; me da vwo owẹ mu ọmraro kẹ irere na.

Jerimaya 24:6

Me vwẹ ẹro mẹ ni ayen fiki rẹ erhuvwu, me cha reyọ ayen rhe otọ nana, mi che mu ayen vi, me gbe ghwọrọ aye-en, me kọn ayen, mi gbi che ghwie aye-en.

Jerimaya 25:13

Mi che ru otọ yana kiroho re me ta kpahọ na ejobi, emu kemu re siri vwẹ ọbe nana ọ ri Jerimaya mraro rọye kpahe irere na ejobi.

Jerimaya 31:28

O de rhi te re kirobo me rhẹrẹ ayen vwọ kọrọ ayen vwẹ ayen ghwiọtọ na, vwọ gere ayen she, vwọ ghwọrọ ayen, vwọ ghwẹ umiovwo rhe ayen na, ọtiọye me je cha rhẹrẹ ayen mu ayen vi kọn ayen, eriyin Ọrovwohwo tare.

Jerimaya 31:40

Iyara rẹ irivwi na ejobi vẹ iwurhie na, kugbe idju na ejobi rhiri re te uto ri Kidrọn, te akakọ rẹ Unurhoro rẹ Iyesi na ro ni obaro ọnre na, cha dia fuanfọn kẹ Ọrovwohwo. E gbi che ghwie ọfa-a e gbi ji kuo kufia bẹdẹ-ẹ.

Jerimaya 36:2

Reyọ ekpirhi rẹ ọbe wo si eta re me ta kẹ wẹ kpahe Izrẹl vẹ Juda vẹ irere na ejobi phihọ, nẹ ẹdẹ re me vwọ ta ota kẹ we na, nẹ ẹdẹ ri Josaya rhi te ẹdẹ ri none na.

Jerimaya 44:27

Nighe, Me ra rhẹrẹ ayen fiki rẹ umiovwo ọ dianẹ fiki rẹ erhuvwu-u, ihwo ri Juda ejobi re hẹ otọ rẹ Ijipt cha ghwọrọ vwẹ ọ rẹ ọlọkọ vẹ owẹvwe bẹsiẹ rẹ ayen vwo fuere.

Jerimaya 45:4

Enẹ wọ cha ta kẹ, Enẹ Ọrovwohwo tare: Nighe, obo re me bọnre me guọghọ te otọ, obo re me kọnre me kọnrọ kọye hẹ otọ na soso.

Izikiẹl 21:19

Ọmọ rẹ ohwo, ka oka phihọ idjerhe ivẹ rẹ ọlọkọ rẹ ovie ri Babilọn cha wan rhe; te ọna te ọna che nẹ otọ ọvuọvo na cha. Hwe oka na mu enu rẹ urhe, gbe vwo vi vwẹ unu rẹ idjerhe ra wan ruẹ orere na.

Izikiẹl 23:36

Ọrovwohwo da ta kẹ vwẹ: Ọmọ rẹ ohwo, wo se gu ẹdjọ rẹ Oholah kugbe Oholibah? Gbe dje ẹgua rẹ ayen kẹ ayen.

Izikiẹl 32:18

Ọmọ rẹ ohwo, beroma kẹ urogho rẹ ihwo rẹ Ijipt, ru wọ vwẹ ayen yanran, te ọye vẹ emetẹ rẹ ẹgborho ride na, vwo kpo akpọ rivẹ, bru ayen re yanran kpo obo Ukpotọ na:

Izikiẹl 36:36

Ọke yena ẹgborho ri chekọ re riariẹ owẹ phihọ na ke cha riẹn nẹ mẹvwẹ, Ọrovwohwo na, rhoma rhe bọn asan ri kporo she na re, ọ da rhoma rhe kọn asan ra kua fiọtọ na, mẹvwẹ, Ọrovwohwo, tarọ nure, ki mi ruo.

Izikiẹl 43:3

Emramrẹ rẹ me mrẹre da họhọ emramrẹ ra mrẹre vwẹ ọke rọ vwọ rhe rhe ghwọghọ orere na, kerẹ emramrẹ re me mrẹre vwẹ oma rẹ urhie ri Kiba, mi de she họvwọn opharo rhuotọ.

Hosia 6:5

Fiki rẹ ọtiọye me vwọ vwẹ emraro na she ayen me da vwẹ eta rẹ unu mẹ hwe ayen, orhiẹbro mẹ da phia kerẹ uvo.

Emọs 3:7

Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a

Emọs 9:11

Vwẹ ẹdẹ yena ke Me cha kpare utughẹ ri Devid ro sheri vrẹn ke fi iphrophro rọye di, ka rhuẹrẹ uwevwi ro sheri na bọn, ka rhoma bọn kerẹ ọke rẹ awanre;

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.