Jẹnẹsis 9:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ohwo ro sun ọbara rẹ ohwo te otọ, ohwo ọfa ji sun ọbara rọye te otọ, kidie Ọghẹnẹ ma ohwo vwẹ uhoho rọye.

Jẹnẹsis 9:6 ပူးပေါင်းရင်းမြစ်များ

Jẹnẹsis 4:14

Nighe wọ djẹ vwẹ nonẹ na vwo nẹ otọ na re, Me da mrẹ opharo wẹn ki mi sioma nẹ, ke Me dia ọvwisusu kugbe osoghoro vwẹ evun rẹ akpọ na, ohwo kohwo rọ mrẹ vwẹ ejobi ko hwe vwe.

Jẹnẹsis 42:22

Rubẹn da kpahe kẹ ayen, Me ta kẹ ovwan dẹrhẹye nu we ruẹ umwemwu kpahe ọmọ na-a? Ẹkẹvuọvo wa davwerhọ-ọ. Etinẹ na ihri rẹ ọbara rọye kọye a ria mie avwanre na.

Jẹnẹsis 5:1

Ọnana ọbe rẹ uvwiẹ rẹ Adam. Vwẹ ọke rẹ Ọghẹnẹ vwọ ma ohwo, ọ da ma vwẹ uhoho rẹ Ọghẹnẹ

2 Samuẹl 4:11

Mavọ ọ rho te rẹ ihwo umwemwu de hwe ohwo ọvwata vwẹ evun rẹ uwevwi rọye vwẹ ehwa rẹ obọ rọye? Me gbe reyọ ọbara rọye vwẹ obọ rẹ ovwan? mi gbi si ovwan nẹ otọ rẹ akpọ na?

1 Ivie 2:9

Asakiephana o jẹ abe ẹriọ-ọ, kidie wẹ ohwo ọghwanghwanre; ku wọ riẹn obo ru wo ru kẹ ku wo hwe ọbara rọye kuo uyovwi re te ushi.

Ivie rẹ Ivẹ 11:1

Asakiephana ọke rẹ Atalaya oni rẹ Ahazaya vwọ mrẹ nẹ ọmọ rọye ghwuru, o de vrẹn ọ da ghwọrọ orua rẹ ovie na ejobi.

Ivie rẹ Ivẹ 11:16

Ayen de shabọ phihọ, ọ da wan anurhoro rẹ iyesi kpo obo ighẹ rẹ ovie na, e de hwe ghwu vwẹ etiyin.

Ivie rẹ Ivẹ 11:20

Ọtiọye ihwo rẹ otọ na ejobi da ghọghọ, orere na da fọ dọe ra vwọ vwẹ ọlọkọ hwe Atalaya vwẹ obo evun rẹ uwevwi rẹ ovie nu.

2 Ikun rẹ Ivie 33:24

Idibo rọye da ta phihọ ayen de hwe vwẹ uwevwi rọye.

Une rẹ Ejiro 51:4

Wọwẹ ọvo, mi ru imwemwu kpahe, mi ru obo re brare vwẹ obaro wẹn, wọ vwọ re ase vwẹ ẹdjọeguo wẹn rere wọ vwọ je abe ẹriọ vwẹ orhiebro.

Ẹyano 20:13

Wo hwe ohwo-o.

Isẹ 28:17

Ohwo ro kru oghwa rẹ ọbara rẹ ohwo ọfa ghwa, gbe jọ dia osoghoro tẹ ẹdẹ ughwu rọye; e jẹ ohwo ọvuọvo cha uko-o.

Aghwoghwo 3:3

Ọke re vwo hwe, vẹ ọke re vwo sivwẹ, ọke ra vwọ guọghọ te otọ, vẹ ọke ra vwọ bọn kpenu,

Livitikọs 17:4

o rhe muo rhe obaro rẹ unurhoro rẹ utughẹ ra da vwa oma na-a, rọ da vwọ kpẹvwẹ Ọrovwohwo na vwẹ obaro rẹ ọgarivi rẹ Ọrovwohwo na-a, ke kere ohwo yena phihọ ohwo rọ re abe rẹ ọbara; kugbe ẹgua rẹ ọbara ehwe; ke sio nẹ ohri rẹ ihwo rọye.

Livitikọs 24:17

Ohwo ro hwe ohwo ke ji hwe rhe.

Ukeri 35:16

Ẹkẹvuọvo ọ da vwẹ utehru ghwiẹ, ro de ghwu, ozighẹ kọye o ruẹ; ozighẹ na ka teyọ hwe.

Ukeri 35:25

ukoko na ko sivwi ọ rẹ obọ chọre na nẹ obọ rẹ ọreihri rẹ ọbara, ukoko na ko vwo rhivwi kpo orere ra djẹrhọ na, rọ djẹ ra jovwo na, kọ dia evun rọye bẹsiẹ rẹ orherẹn rode ra vwẹ evwri ọfuanfon ghworo uyovwi vwo ghwu.

Ukeri 35:33

Wọ vwẹ ọtiọna gbe otọ ru wọ dia na ẹgua-a; kidie ọbara e vwo gbe otọ na ẹgua, o vwo emu ọvuọvo re vwo phorho otọ na-a, fiki rẹ ọbara re sun te na, jokpa nẹ ọbara rẹ ohwo na rẹ obọ chọre na.

Matiu 26:52

Jesu da ta kẹ nẹ, Phi ọlọkọ wẹn vwọ hẹ ako; kidie ohwo ro nyavwe ohwo hwe, ọlọkọ ọ je wa ghwu.

Ọbe ri Pọl si rhe Ihwo ri Rom 13:4

Kidie ayen hẹ ọrhuẹre akpọ rẹ Ọghẹnẹ vwo mu. Ẹkẹvuọvo wo de ruchọ, gba djẹ gan, kidie ọ dianẹ ọ de yọnrọn ọlọkọ na ghevweghe-e; ọrhuẹrẹ akpọ rẹ Ọghẹnẹ o ruẹ, ọye re ria ihri rẹ umwemwu ejobi vwẹ obọ rẹ ohwo ro ruchọ.

1 Kọrẹnt 11:7

Kidie o fori rere ọshare phare uyovwi rọye-e, rọ vwọ hẹ uhoho vẹ urinrin rẹ Ọghẹnẹ na; ẹkẹvuọvo aye hẹ urinrin rẹ ọshare.

Urhi Rivẹ 19:11

Ẹkẹvuọvo ọ da dianẹ ohwo jẹn ọrivẹ rọye ehgrẹ, rọ da ra hẹrhẹ, vwẹ idjerhe, rọ da họnrọn, rọ da wan oma gangan ro de ghwu, rẹ ohwo na da djẹ kpo ọvo vwẹ usun rẹ irere nana,

Urhi Rivẹ 5:17

Wo hwe ohwo-o.

Jems 3:9

Ọye ọvo na me vwo jiri Ọrovwohwo rẹ ọsẹ na; ọye avwanre vwọ harha ihwo efa rẹ Ọghẹnẹ vwẹ uhoho rọye ma.

Ẹvwọphia 13:10

Ọ da dianẹ e mu ohwo oghuvwu, ighuvwu na kọye ọ ra; ọ da dianẹ ohwo vwẹ ọlọkọ hwe ohwo, ọlọkọ na e ji vwo hwe. Kẹ etinẹ a da mrẹ odiri kugbe esegbuyota rẹ ihwo efuanfon na vugbe.

Iguẹdjọ 9:56

Enẹ kọye Ọghẹnẹ vwọ hwosa rẹ umwemwu rẹ Abimẹlẹk ruru vwọ kpahe ọsẹ rọye kugbe emesẹ rọye ujorha gbe ihwe ro hwe kufia;

1 Samuẹl 15:33

Samuẹl da ta, kirobo rẹ ọlọkọ wẹn nẹrhẹ eya dia ẹga na, ọtiọye oni wẹn je dia ẹga vwẹ ohri rẹ eya. Samuẹl de she Agag ibribro vwẹ obaro rẹ Ọrovwohwo vwi Gilgal.