Jẹnẹsis 9:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Fiki rẹ ọbara rẹ arhọ wẹn na ke Me ghene nekpẹn rẹ osa rọye, vwẹ obọ rẹ eranvwe keranvwe Me da nekpẹn rọye Etiyin ji te ohwo rẹ akpọ, vwẹ obọ rẹ oniọvo rọye.

Jẹnẹsis 9:5 ပူးပေါင်းရင်းမြစ်များ

Jẹnẹsis 42:22

Rubẹn da kpahe kẹ ayen, Me ta kẹ ovwan dẹrhẹye nu we ruẹ umwemwu kpahe ọmọ na-a? Ẹkẹvuọvo wa davwerhọ-ọ. Etinẹ na ihri rẹ ọbara rọye kọye a ria mie avwanre na.

2 Samuẹl 4:11

Mavọ ọ rho te rẹ ihwo umwemwu de hwe ohwo ọvwata vwẹ evun rẹ uwevwi rọye vwẹ ehwa rẹ obọ rọye? Me gbe reyọ ọbara rọye vwẹ obọ rẹ ovwan? mi gbi si ovwan nẹ otọ rẹ akpọ na?

1 Ivie 2:6

Vwẹ ọtiọye na gbe ru kirobo rẹ aghwanre wẹn dje kẹ wẹ, ẹkẹvuọvo wo jẹ ọ vẹ esha uyovwi rọye kpo erivwin rere o ghwu ughwu rẹ ufuoma-a.

Ivie rẹ Ivẹ 11:1

Asakiephana ọke rẹ Atalaya oni rẹ Ahazaya vwọ mrẹ nẹ ọmọ rọye ghwuru, o de vrẹn ọ da ghwọrọ orua rẹ ovie na ejobi.

2 Ikun rẹ Ivie 24:22

Kẹnẹ Joash gbe Karophihọ arodọvwẹ ri Jehoiada, ọsẹ ri Zekaraya, vwọ kẹ-ẹ, ẹkẹvuọvo o de hwe ọmọ rọye. Ọke ro vwo ghwẹ, ọ da ta, Gbe jẹn Ọrovwohwo mrẹ re ọ reihri.

2 Ikun rẹ Ivie 33:24

Idibo rọye da ta phihọ ayen de hwe vwẹ uwevwi rọye.

2 Ikun rẹ Ivie 33:25

Ẹkẹvuọvo ihwo rẹ otọ na da teye ihwo re ta Ovie Amọn phihọ na hwẹ; ihwo re otọ na da vwẹ Josaya ọmọ rọye ma ovie vwẹ ẹdia rọye.

Une rẹ Ejiro 9:12

Kidie ihwo re reihri rẹ ọbara ọ karophihọ ayen, oviẹ rẹ ohwo rọ ukpokpogho sa chọrọ ẹro-o.

Ẹyano 20:13

Wo hwe ohwo-o.

Ẹyano 21:12

Ohwo kohwo rọ teye ohwo o de ghwu, ohwo yena e mi hwe ghwu.

Livitikọs 19:16

Wọ rha dia oguguegu vwẹ ohri rẹ ihwo wẹ-ẹn, wo ji mudia kẹ ehwe rẹ arhọ rẹ ọrivẹ wẹ-ẹn. Mẹvwẹ Ọrovwohwo na.

Livitikọs 24:17

Ohwo ro hwe ohwo ke ji hwe rhe.

Livitikọs 24:21

Ohwo de hwe eranvwe kọ hwa ẹkẹvuọvo ohwo de rhe hwe ohwo ke hwe suọ.

Ukeri 35:16

Ẹkẹvuọvo ọ da vwẹ utehru ghwiẹ, ro de ghwu, ozighẹ kọye o ruẹ; ozighẹ na ka teyọ hwe.

Ukeri 35:17

Ọ da vwẹ oragha vwọ ghwiẹ she, rọ da dia oravwọ ro se hwe ohwo, ro de ghwu, ohwo yena kẹ ozighẹ; ozighẹ na ka teyọ hwe.

Ukeri 35:18

Eyẹ ọ da dianẹ ọ yọnrọn urhe vwẹ obọ vwọ ghwiẹ ohwo, ọ tiẹ urhe ro se hwe ohwo, ro de ghwu, ozighẹ ọye o ruẹ; ozighẹ na ke hwe ghwu.

Ukeri 35:21

eyẹrẹ vwẹ eghrẹ ọ da vwẹ ubi vwọ ghwiẹ, ro de ghwu, ọtiọye na ohwo rọ ghwiẹ ubi na ke hwe; ozighẹ o ruẹ; Ọreihri rẹ ọbara na ko hwe ozighẹ na, vwẹ ọke rọ da vwa.

Matiu 23:35

Rere osa rẹ evwata rẹ ovwan hweri vwẹ akpọ na vwọ dia uyovwi rẹ ovwan, nẹ ọbara rẹ Ebẹl rẹ ọvwata, re te ọbara ri Zakaraya rẹ ọmọ ri Barakaya rẹ ovwan hweri vwẹ enu rẹ agbada.

Iruo rẹ Iyinkọn na 17:26

Ọ da ma ihwo phihọ ẹgborho ọvuọvo nẹ e dia enu rẹ akpọ na, ọ da kẹ ayen uchọke rẹ ayen dia akpọ na te kugbe ughwru ro gbere kẹ ẹdia rayen,

Urhi Rivẹ 19:11

Ẹkẹvuọvo ọ da dianẹ ohwo jẹn ọrivẹ rọye ehgrẹ, rọ da ra hẹrhẹ, vwẹ idjerhe, rọ da họnrọn, rọ da wan oma gangan ro de ghwu, rẹ ohwo na da djẹ kpo ọvo vwẹ usun rẹ irere nana,

Urhi Rivẹ 19:12

ekpako rẹ orere rọye na mi ji ihwo re muo nẹ Etiyin rhe, ayen Me vwọ kẹ ọreihri rẹ ọbara na, rere ọ vwọ mrasan ghwu.

Iguẹdjọ 9:56

Enẹ kọye Ọghẹnẹ vwọ hwosa rẹ umwemwu rẹ Abimẹlẹk ruru vwọ kpahe ọsẹ rọye kugbe emesẹ rọye ujorha gbe ihwe ro hwe kufia;