Jẹnẹsis 9:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Oshọ wẹn kugbe udidi wẹn ko mu eranvwe keranvwe rẹ akpọ na, ji te ọphra kọphra rọ obenu na, emu kemu ejobi ro kpono vwẹ otọ na kugbe erin rẹ ame; mi phi ayen ejobi phihọ obọ wẹn,

Jẹnẹsis 9:2 ပူးပေါင်းရင်းမြစ်များ

Jẹnẹsis 1:21

Etiyin Ọghẹnẹ da ma eranvwe ride na, kugbe eranvwe keranvwe ekpokpọ re yan re rhẹrhẹ, re vọn evun rẹ ame na, dohwo doka rọye, kugbe ọphran kọphran ro vwo ibekpe dọphran doghere rọye. Ọghẹnẹ da mrẹ nẹ oyoma.

Jẹnẹsis 1:26

Etiyin Ọghẹnẹ da ta, Gbe jẹn avwanre ma ohwo vwẹ oma rẹ avwanre, rọ họhọ avwanre, re ayen vwo ogangan vwẹ enu rẹ erin rẹ urhie, vwẹ enu rẹ ephran ri obenu, vwẹ enu rẹ uchuru, kugbe vwẹ enu rẹ akpọ na vẹ obo ri kpono vwẹ enu rẹ otọ na.

Jẹnẹsis 1:28

Etiyin Ọghẹnẹ da ta kẹ ayen, We vwiẹ ri we bun phihọ, re wa vọn akpọ na, ru we phio kparobọ, kugbe re we vwo ogangan vwẹ enu rẹ erin rẹ urhie, ephran ri obenu kugbe enu ri kemu kemu rọ yan vwe otọ na ejobi.

Jẹnẹsis 2:19

Kọye vwẹ evun rẹ otọ na re, Ọrovwohwo Ọghẹnẹ da ma eranvwe keranvwe rẹ aghwa na kugbe ọphran kọphran rẹ enu na, ọ da ghwẹ ayen vwọ kẹ ohwo na sọsa mrẹ obo ro se ayen; obo rẹ ohwo na se eranvwe keranvwe ekpokpọ na, kẹ odẹ yena ese.

Jẹnẹsis 35:5

Ọke rẹ ayen vwọ yan re, uguegue ro nẹ obọ rẹ Ọghẹnẹ rhe de rhi mu irere re riariẹ ayen phihọ, oshọ gbi jẹ ayen vwọ tua emọ ri Jekọp na-a.

Jẹnẹsis 9:1

Ọghẹnẹ de bruphihọ kẹ Noa vẹ emọ rọye, ọ da ta kẹ ayen, We vwiẹ ri we bu phihọ, ru wa vọn akpọ na.

Jẹnẹsis 9:3

emu kemu ejobi rọ yan ro vwo arhọ kọ dia emuọre kẹ wẹ, kirobo Me vwẹ ifọn kẹ wẹ na, Me je kẹ wẹ emu ejobi.

ỌBE RẸ JOB 39:11

Wọ vwẹ ẹro suọ fikiridie ogangan rọye rhoro, ku wọ yan jẹ iruo wẹn vwo kẹ?

Izikiẹl 34:25

Me vẹ ayen ke re ọphọ rẹ ufuoma, ke me djẹ eranvwe re djoma nẹ otọ na, re ayen sa dia dẹndẹn vwẹ evun rẹ aton na ayen rhe shevwerhẹ vwẹ evun rẹ egbọ na.

Hosia 2:18

Ke me vẹ owẹ cha re ọphọ vwẹ ẹdẹ yena kugbe eranvwe rẹ aghwa, ephran rẹ irharheghe, vẹ ọbo ri kpono vwẹ otọ, ke me guọghọ umurhabọ, ọlọkọ kugbe ofovwi nẹ otọ na; ke me vwẹ owẹ sherhẹ otọ gbiei.

Livitikọs 26:22

Ki mi si obọ nẹ eranvwe re djoma vwẹ ohri re ovwan, ke ayen che mu emọ rẹ ovwan re, kugbe uchuru rẹ ovwan, ayen mi rhi ru ovwan havwe phihọ, idjerhe rẹ ovwan ejobi ki che gbe a rha mrẹ ohwo vwẹ aye-en.

Livitikọs 26:6

Ke Me cha vwẹ ufuoma vwọ kẹ otọ na ejobi, ovwan de shevwerhẹ, emu kemu ọvuọvo rhe bru ovwan udu-u, ki mi si eranvwe re djoma nẹ otọ na, e gbi rhe phi ofovwi vwẹ otọ rẹ ovwan na-a.

Jems 3:7

Kidie koka koka rẹ eranvwe na ejobi vẹ ephran, kugbe obo ri kpono vwẹ otọ rẹ ame ejobi na, e yono ayen ihwo rẹ akpọ na ji yono ayen buebu re.