Jẹnẹsis 9:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọke rẹ aphoro na da obenu, ki mi no ke Me karohọ ọphọ ri bẹdẹ rọ uvwre rẹ Ọghẹnẹ kugbe eranvwe keranvwe ekpokpọ rọ herọ re Me mare vwẹ akpọ na.

Jẹnẹsis 9:16 ပူးပေါင်းရင်းမြစ်များ

Jẹnẹsis 17:13

Te ọ re vwiẹri vwẹ uwevwi wẹn kugbe ọ ra vwẹ igho dẹ, ka yanvwọ. Kọye ọphọ mẹ na kọ dia oma wẹn dia ọphọ re rara.

Jẹnẹsis 17:19

Ọghẹnẹ da ta, Ẹjo, ẹkẹvuọvo Sera rẹ aye wẹn na che vwiẹ ọmọshare kẹ wẹ, ku wo se odẹ rọye Aizik. Ọphọ mẹ na kọ sẹ nene kọ dia ọphọ re rara kẹ vẹ uvwiẹ rọye rọ cha vwẹ obuko rọye.

Jẹnẹsis 17:7

Ọphọ na kọ dia uvwre mẹ vẹ owẹ kugbe uvwiẹ wẹn rọ cha vwẹ obuko wẹn; kọ dia ọphọ re rara, kọ dia Ọghẹnẹ kẹ wẹn kugbe uvwiẹ wẹn rọ cha obuko wẹ.

Jẹnẹsis 9:17

Ọghẹnẹ da ta ki Noa, Ọnana kẹ oka rẹ ọphọ na ri mi vwo mu vwẹ uvwre mẹ kugbe uvwo ejobi rọ enu rẹ akpọ na.

2 Samuẹl 23:5

E ọ dia ọtiọye uwevwi mẹ vẹ Ọghẹnẹ gbe mudia? Kidie ọ vẹ ovwẹ re ọphọ ri bẹdẹ, ra nabọ ru ro rhuẹrẹ mu kokoroko. Fikiridie o se ru idjerhe mẹ yovwi-i Ọchuko mẹ ejobi kugbe ẹguọnọ mẹ.

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Jerimaya 32:40

Ke me vẹ ayen cha re ọphọ ri bẹdẹ bẹdẹ, iroro esiri re me jẹn kpahe ayen jovwo mi gbi siobọ nọ-ọ, ki mi phi oshoẹdjẹ mẹ phihọ udu rayen re ayen ju vwe ẹdjẹ jovwo.

Izikiẹl 34:26

Ki mi ru ayen vẹ asan re riariẹ ugbenu mẹ phihọ na ebruphihọ; ki mi ji eghwẹghwẹ rẹ osio vwẹ ọke rọye, ke dia eghwẹghwẹ rẹ osio rẹ ebruphihọ.

Izikiẹl 37:26

Me vẹ ayen ke re ọphọ rẹ ufuoma; kọ dia ọphọ re rara me vẹ ayen cha re; ki mi bruphihọ kẹ ayen ki bun phihọ, ke me vwẹ ẹshẹ mẹ vwo vi vwẹ uherevie rẹ ayen rhiri bẹdẹ.

Hibru 13:20

Asakiephana e gbe jẹ Ọghẹnẹ rẹ ufuoma rọ kpare Ọrovwavwanre Jesu nẹ ughwu rhe, osuigegede rode na, vwẹ ọbara rẹ ọphọ re rara na,