Jẹnẹsis 7:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Te Noa vẹ emọ rọye vẹ aye rọye te eya rẹ emọ rọye vẹ ọye da ro evun rẹ okọ na, rẹ ayen vwo nẹ ughwu rẹ ame na.

Jẹnẹsis 7:7 ပူးပေါင်းရင်းမြစ်များ

Jẹnẹsis 6:18

Ẹkẹvuọvo ke Me vẹ owẹ re ọphọ; ko wọ cha ro evun rẹ okọ na, te owẹ te emọ wẹn, aye wẹn te eya rẹ emọ wẹn.

Jẹnẹsis 7:1

Etiyin Ọrovwohwo da ta kẹ Noa, Gba ro evun rẹ okọ na, wẹ kugbe evwruwevwi wẹn ejobi, fikiridie Me mrere nẹ wẹ ọvwata vwẹ obaro mẹ vwẹ evun rẹ uvwiẹ nana.

Isẹ 22:3

Ọvwiroro da mrẹ ukpokpogho rọ cha kọ sioma rọye reyọ; ẹkẹvuọvo ẹkpa da họrhọ ruọ, kọ re oja.

Matiu 24:38

Obo rọ epha tavwe rẹ oghwe na ki rhi ku eriyin ọ je dia; ayen rọ ria ayen rọ da, ayen rọvwọ eya ayen ji vwo bregọ, rhiri rhi te ọke ri Noa rhe vwọ ro okọ na.

Iyẹnrẹ Esiri ri Luk 17:27

Ayen ria, ayen da, ayen rọvwọ, ayen vwo kpo orọvwe, bẹsiẹ ro rhi vwo te ọke ri Noa rhe vwọ ro okọ, oghwe na da rhe rhe ghwọrọ ayen ejobi.

Hibru 11:7

Vwẹ esegbuyota ọye Ọghẹnẹ vwọ vuẹ Noa kpahe obo re cha phia ra je mrẹ-ẹ, o da djẹ oshọ ra kare okọ ro vwo sivwi evwruwevwi rọye, vwẹ oma rẹ ọnana o vwo brorhiẹ hwe akpọ na ọ da rhe dia ọreuku rẹ ọvwata rọ wan oma rẹ esegbuyota rhe.

Hibru 6:18

rere vwi fiki rẹ emu nana ivẹ re sa rhẹriẹ-ẹ na, kidie ọ pha bẹnbẹn kẹ Ọghẹnẹ rọ vwọ vwọrọn ofian, kẹ arueyivwo yena avwanre vwọ djẹ sioma nu vwẹ iphiẹrohọ rọ vwọ kẹ avwanre na.

1 Pita 3:20

ihwo ri mu ọghọ jovwo, ọke rẹ Ọghẹnẹ vwọ vwẹ odiri hẹrhẹ vwẹ ọke ri Noa, ọke rọ vwọ kare okọ na, re imihwo krẹn, kọye hẹ, ihwo ẹrenre, re sivwi nẹ oghwe na.

2 Pita 2:5

ọ da dianẹ o vwo ghovwo akpọ rẹ awanre-e, ẹkẹvuọvo ọ da sẹro ri Noa, aghwoghwo rẹ ọvwata, kugbe ihwo ighwrẹ efa, ọke rọ rhe vwọ vwẹ oghwe ghwọrọ akpọ rẹ ihwo umwemwu na;