Jẹnẹsis 7:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Osio da rhọ phihọ akpọ uvo ujuvẹ kugbe ason ujuvẹ.

Jẹnẹsis 7:12 ပူးပေါင်းရင်းမြစ်များ

Jẹnẹsis 7:17

Oghwe na de ku ẹdẹ ujuvẹ vwẹ enu rẹ akpọ na, ame na de bu phihọ, o de mu okọ na kpenu, ọ da kpare kpenu phenephene.

Jẹnẹsis 7:4

Kidie ẹdẹ ighwrẹ chekọ, re Me cha vwọ vwẹ osio rhe akpọ na uvo ujuvẹ kugbe ason ujuvẹ, emu kemu ro vwo ẹnwẹn re Me mare na ejobi ki mi phoro kakare nẹ enu rẹ otọ na.

Jẹnẹsis 8:2

ogbugbu rẹ ame na da tangbe, evakpo rẹ obo odjuvwu na ejobi de rhurhu, osio rọ rhọ nẹ enu cha da daji,

1 Ivie 19:8

ọ de vrẹn, ọ da re ọ da da, ogangan rẹ ọyena kọye ọ vwọ yan uvo ujuvẹ kugbe ason ujuvẹ vwo kpo ugbenu rẹ ọfuanfon re se Horẹb.

Ẹyano 24:18

Mosis da ro evun rẹ egbo na, o de yeri kpenu rẹ ugbenu na. Etiyin Mosis da dia enu rẹ ugbenu na ẹdẹ ujuvẹ kugbe ason ujuvẹ.

Matiu 4:2

Ọke ro rhi vwo chiri owẹvwe ason ujuvẹ kugbe uvo ujuvẹ nu owẹvwe de rhi hwe.

Urhi Rivẹ 10:10

Me ke dia enu rẹ ugbenu na, kerẹ ọke rẹ ẹsosuọ, ẹdẹ ujuvẹ ason ujuvẹ. Ọrovwohwo ke je kerhọ mẹ vwẹ ọke yena rhe. Ọrovwohwo gbe guọnọ owẹ hwe-e.

Urhi Rivẹ 9:18

Mi de shiguẹ totọ vwẹ aro rẹ Ọrovwohwo, kerẹ ọke rẹ ẹsosuọ yẹ, vwẹ ẹdẹ ujuvẹ vẹ ason ujuvẹ na; Me re emu-u Me je da ame-e; vwi fiki rẹ umwemwu rẹ ovwan ruru, we vwo ru chọ vwẹ obaro rẹ Ọrovwohwo, vwọ nẹrhẹ ophu muo.

Urhi Rivẹ 9:9

Ọke mi vwo yeri kpenu rẹ ugbenu na ra reyọ ẹbẹre rẹ eragha na, kọye ẹbẹre rẹ eragha rẹ ọphọ rẹ Ọrovwohwo nene ovwan re na, Etiyin Me da dia enu rẹ ugbenu na ẹdẹ ujuvẹ vẹ ason ujuvẹ; Me re emu-u Me je da ame-e.

2 Pita 3:6

oghwe de rhi ku akpọ rọ herọ vwẹ ọke yena ọ da ghwọrọ.