Jẹnẹsis 7:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Vwẹ ikpe uri erha rẹ akpọ ri Noa, vwẹ emeranvwe rivẹ, vwẹ ẹdẹ ihwe gbẹ ighwrẹ rẹ emeranvwe na, vwẹ ẹdẹ vuọvo yena, ogbugbu kugbe ikokodo rẹ akpọ na da va phia, evakpo rẹ obo odjuvwu na de rhie phihọ.

Jẹnẹsis 7:11 ပူးပေါင်းရင်းမြစ်များ

Jẹnẹsis 1:7

Ọghẹnẹ da ma irharheghe na o da hẹriẹ ame rọ obotọ rẹ irharheghe na vwo nẹ ame rọ obenu rẹ irharheghe na. O da ghene dia ọtiọye.

Jẹnẹsis 6:17

Kidie nighe, Me cha vwẹ ame ku akpọ na, re ọ rhe ghwọrọ uvwo ejobi ri vwo ẹnwẹn rẹ arhọ rẹ otọ rẹ odjuvwu na; kemu kemu ri enu rẹ akpọ na ejobi ko ghwu re.

Jẹnẹsis 7:6

Noa da dia ikpe uri erha ọghwo te vwẹ ọke rẹ oghwe na vwo ku akpọ na.

Jẹnẹsis 8:14

Vwẹ emeranvwe rivẹ, vwẹ ẹdẹ ujuvẹ gbẹ ighwrẹ rẹ emeranvwe na, otọ na da kpọre.

Jẹnẹsis 8:2

ogbugbu rẹ ame na da tangbe, evakpo rẹ obo odjuvwu na ejobi de rhurhu, osio rọ rhọ nẹ enu cha da daji,

Ivie rẹ Ivẹ 7:19

onotu na da kpahe ta kẹ ohwo rẹ Ọghẹnẹ na, Ọ da dianẹ ekpuyovwi rẹ Ọrovwohwo de muobọ bru evakpo phihọ obo odjuvwu dede, ọ ro wọ ta na sa phia? Ẹkẹvuọvo ọ da ta, Wọ cha vwẹ ẹro wẹn mrẹ, ẹkẹvuọvo wọ cha sa re vwọ-ọ.

Ivie rẹ Ivẹ 7:2

Etiyin onotu rẹ ovie na vwẹ oma rẹrẹ da kpahe kẹ ohwo rẹ Ọghẹnẹ na, Ọ da dianẹ ekpuyovwi rẹ Ọrovwohwo de muobọ bru evakpo phihọ odjuvwu dede ọ ro wọ ta na phia? Ẹkẹvuọvo ọ da ta, Wọ cha vwẹ ẹro wẹn mrẹ, ẹkẹvuọvo wọ cha sa re vwọ-ọ.

ỌBE RẸ JOB 12:15

Ọ da dianẹ ọ da ame ji, ame na kọ kpọ, ọ da dianẹ o siobọ nẹ ayen, e me vọn ro otọ na mwavwe hwẹ.

ỌBE RẸ JOB 28:4

Ayen me tọn inu fiẹ iyara shesheri nẹ asan rẹ ihwo dia, e da chọrọ eyọyan re wanvrẹn ẹro, a vwẹ ayen ya shesheri ke ihwo, ayen phieghe cha phieghe kpo.

ỌBE RẸ JOB 38:16

Wọ ro evun rẹ ogbugbu rẹ abadi re, eyẹ wọ yan vwẹ obo etan rẹ okokodo na re?

ỌBE RẸ JOB 38:37

Ono sa vwẹ aghwanre rọye keri eghọ na? Eyẹ kono sa gẹrẹ ọkọkọ rẹ ame rẹ odjuvwu na?

Une rẹ Ejiro 33:7

Ọ ghwẹ ame rẹ urhie koko kerẹsiẹ re ku ame phihọ ọgọ; o de phi okokodo na ejobi phihọ evun.

Une rẹ Ejiro 74:15

Wọwẹ re nẹrhẹ ogbugbu kugbe ẹtẹrhe varhe, wọwẹ re nẹrhẹ utọ rọ djẹ ọkere kpọ ya.

Isẹ 3:20

vwẹ erianriẹn rọye ọye irhie na vwọ va phia, ọye irhọ vwo she nẹ enu rhe.

Aizaya 24:18

Ohwo rọ mrẹ edo rẹ oshọ dje ko she phihọ ọgọdọ na, ohwo ro pho nẹ ọgọdọ na rhe ufi na kọ muo. Kidie evakpo rẹ odjuvwu rhie phihọ re, Ichivwo rẹ otọ rẹ akpọ na ki kpogho

Aizaya 24:19

Akpọ na vwirhire tototo, akpọ na bẹre ẹbẹre ivẹ, akpọ na re kpogho revwi revwi.

Jerimaya 5:22

Wa djẹ oshọ me-e? eriyin Ọrovwohwo na tare ovwan rha phariẹ vwẹ obaro mẹ-ẹ? Me vwẹ ubu na jẹn ugbwru kẹ abadi ugbere ri bẹdẹ ro jẹ sa wan vrẹn; owenẹ abadi na họnre dede, ayen sa shariẹ-ẹ, owenẹ omimi na kpare ayen sa wan vrẹ-ẹn.

Jerimaya 51:16

O de rhie urhuru rọye edọ rẹ ame kọ dia vwẹ idjuvwu, ọ me nẹrhẹ evwru mu nẹ oba rẹ akpọ na rhe. O de ru enu ẹnyavwọ kẹ osio, ọ da vwẹ odju nẹ ighẹn rọye rhe.

Izikiẹl 26:19

Kidie e nẹ Ọrovwohwo Ọghẹnẹ tare. Ọke mi vwo ru we phihọ orere ra kua fiotọ, kere irere ra kuanu, vwẹ ọke me da vwẹ urhie rhe rhi rhurhu uwe, rẹ ame na de rhi reghe uwe.

Malakae 3:10

Wa gba ghwa ẹkẹ ihwe na ejobi rhe erhu mẹ, rere emuọre vọn uwevwi mẹ, rere wa davwe ovwẹ ni, eriyin Ọrovwohwo rẹ otuofovwi na tare; si mi gbi che rhie evakpo rẹ odjuvwu na phihọ kẹ wẹ ri mi de ku oburhuhu rẹ ebruphihọ mẹ kẹ ovwa-an.

Matiu 24:38

Obo rọ epha tavwe rẹ oghwe na ki rhi ku eriyin ọ je dia; ayen rọ ria ayen rọ da, ayen rọvwọ eya ayen ji vwo bregọ, rhiri rhi te ọke ri Noa rhe vwọ ro okọ na.

1 Tẹsalonaika 5:3

Ọke rẹ ihwo vwọ ta nẹ, Ufuoma kugbe ofuvwegbe he rọ, siẹvuọvo na ughwu mi rhi she teye ayen kpregede kerẹ aye rọ chuẹ uvwiẹ, o gbi rhe vwo ohwo rọ cha djẹ vabọ-ọ.

2 Pita 3:6

oghwe de rhi ku akpọ rọ herọ vwẹ ọke yena ọ da ghwọrọ.