Jẹnẹsis 6:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Enana ke ye orua ri Noa. Noa kẹ ọvwata oruẹ, o vwo eka vwẹ orua rọye na-a; Noa da yan kpahọ Ọghẹnẹ.

Jẹnẹsis 6:9 ပူးပေါင်းရင်းမြစ်များ

Jẹnẹsis 10:1

Enana ye orua rẹ emọ ri Noa, Shẹm, Ham, kugbe Jafẹt, rẹ oghwe na vwọ kpọnu ayen de rhi vwiẹ emọ.

Jẹnẹsis 17:1

Ọke rẹ Ebram vwọ ikpe ọvo nuro vwẹ ujori re Ọrovwohwo da vwẹ oma phia kẹ Ebram, ọ da ta kẹ, Mẹvwẹ Ọghẹnẹ ro vwo Ẹgba, yan nene uvwe, wo gbe ẹgua-a.

Jẹnẹsis 2:4

Enana keye uvwiẹ rẹ odjuvwu vẹ akpọ vwẹ ọke ra vwọ ma ayen. Vwẹ ẹdẹ rẹ Ọrovwohwo Ọghẹnẹ vwọ ma akpọ vẹ odjuvwu nu,

Jẹnẹsis 48:15

Ọ nẹ ẹrhovwo ki Josẹf, ọ da ta, Ọghẹnẹ rẹ Ebraham vẹ Aizik rẹ esẹ mẹ yan nene, Ọghẹnẹ ro sun vwe vwẹ akpọ mẹ rhi te nonẹ,

Jẹnẹsis 5:1

Ọnana ọbe rẹ uvwiẹ rẹ Adam. Vwẹ ọke rẹ Ọghẹnẹ vwọ ma ohwo, ọ da ma vwẹ uhoho rẹ Ọghẹnẹ

Jẹnẹsis 5:22

Inọk da yan nene Ọghẹnẹ ro vwo vwiẹ Metusela nu ikpe uri gbe ujori o de vwiẹ emeshare kugbe emetẹ efa

Jẹnẹsis 5:24

Inọk da yan nene Ọghẹnẹ o gbi ghwu-u, fikiridie Ọghẹnẹ reyerọ.

Jẹnẹsis 6:10

Noa de vwo emeshare erha, Shẹm, Ham kugbe Jafet.

Jẹnẹsis 7:1

Etiyin Ọrovwohwo da ta kẹ Noa, Gba ro evun rẹ okọ na, wẹ kugbe evwruwevwi wẹn ejobi, fikiridie Me mrere nẹ wẹ ọvwata vwẹ obaro mẹ vwẹ evun rẹ uvwiẹ nana.

2 Samuẹl 22:24

Mi vwo ekan vwẹ obaro rọye-e, mi sioma mẹ nẹ abe.

1 Ivie 3:6

Solomọn da ta, Wọ nabọ vwẹ ẹguọnọ ro jẹ rhẹriẹ kẹ odibo wẹn Devid ọsẹ mẹ, fikiridie ọ yan nene uwe vwẹ esegbuyota, ọvwata kugbe udu esiri ro vwo kpahe owẹ. wo de ji vwo ẹguọnọ ro jẹ rhẹriẹ rode na kẹ, wọ da vwẹ ọmọ kẹ rere o tidia vwẹ ekete rọye kirobo rọ epha nonẹ na.

2 Ikun rẹ Ivie 15:17

Ẹkẹvuọvo o se si asan ri kpenu na nẹ evun rẹ Izrẹli-i. Ẹkẹvuọvo kaka abe ọvuọvo hẹ udu rẹ Asa-a vwẹ ẹdẹ rẹ akpọ rọye ejobi.

2 Ikun rẹ Ivie 25:2

O de ru obo ri yoma vwẹ ẹro rẹ Ọrovwohwo, ọ dianẹ kẹ abe ghwa kare udu rọye-e.

ỌBE RẸ JOB 1:1

Ohwo ọvo herọ vwẹ otọ rẹ Uz, odẹ rọye Job; ohwo na vwẹ eka-an jẹ ohwo ọsoso oruẹ, ohwo rọ djẹ oshọ rẹ Ọghẹnẹ, o de sioma nẹ umiovwo.

ỌBE RẸ JOB 1:8

Ọrovwohwo ke rha ta kẹ Ẹdjọ, Wọ karohọ odibo mẹ Job, ọrọ họherọ vwẹ akpọ na herọ-ọ, ohwo ro vwo eka-an ọ ke je dia ohwo ọsoso, ohwo rọ djẹ oshọ rẹ Ọghẹnẹ o de ji sioma nẹ umiovwo?

ỌBE RẸ JOB 12:4

Mi hirhe phihọ ehwẹjẹ kẹ igbeyan mẹ; mẹvwẹ, ro se Ọghẹnẹ o mi nyo kevwẹ na, ohwo ọsoso ro vwo abe-e, mi hirhe phihọ ehwẹjẹ.

Une rẹ Ejiro 37:37

Ka oka phihọ ohwo ro je abe ẹriọ na, re wo ni ohwo rọ dia ọsoso, kidie oba rẹ ohwo yena ufuoma.

Une rẹ Ejiro 37:39

Esivwo rẹ ọvwata obọ rẹ Ọrovwohwo o nẹ cha; ọye odjahọ rayen vwẹ ọke rẹ ukpokpogho.

Isẹ 4:18

Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

Aghwoghwo 7:20

Omuẹro o vwo ọvwata ọvuọvo vwẹ akpọ na ro jẹ imwemwu e ruo-o.

Izikiẹl 14:14

ọ da tobọ dianẹ ihwo nana erha na herọ, Noa, Daniẹl, kugbe Job, oma rayen ọvo ọye ayen se sivwi fiki rẹ ọvwata rayen, eriyin Ọrovwohwo Ọghẹnẹ tare.

Izikiẹl 14:20

owene Noa, Daniẹl, kugbe Job hẹ evun rọye, kirobo re me herọ na, eriyin Ọrovwohwo Ọghẹnẹ tare, ayen se sivwi ọmọshare eyẹ ọmọtẹ-ẹ, ayen se sivwi oma rayen ọvo fiki rẹ ọvwata rayen.

Habakọk 2:4

Nighe, ohwo rẹ udu rọyẹ dia ọsoso-o chẹ she, ẹkẹvuọvo ọvwata kọ rhọ fiki rẹ esegbuyo-ta rọye.

Iyẹnrẹ Esiri ri Luk 1:6

Ayen ivẹ na da dia evwata vwẹ obaro rẹ Ọghẹnẹ, ayen yọnrọn irhi na gangan.

Iyẹnrẹ Esiri ri Luk 2:25

Asakiephana ọshare ọvo herọ vwẹ obi Jerusalẹm, re se odẹ rọye Simiọn, ọvwata vẹ ohwo rọ djẹ oshọ rẹ Ọrovwohwo, o ji phiẹrohọ evwiẹ rẹ Osivwi rẹ Izrẹl na, Erhi Ọfuanfon da hẹ oma rọye.

Iyẹnrẹ Esiri ri Luk 23:50

Asakiephana ọshare ọvo herọ re se Josẹf ro nẹ Arimatia rhe rhe orho rẹ ihwo ri Ju. Ọdiaguare, ohwo esiri kugbe ọvwata,

Iruo rẹ Iyinkọn na 10:22

Ayen da ta, Kọniliọs, onotu rẹ ofovwi ohwo ọsoso rọ djẹ oshọ rẹ Ọghẹnẹ, rẹ ẹgborho rẹ ihwo ri Ju ejobi ta ota rọye yoyovwi, ọye amakashe ọfuanfon ta kẹ nẹ o ji ohwo rhi se we rhe uwevwi rọye, rere o nyo obo ru wọ cha ta kẹ.

Ọbe ri Pọl si rhe Ihwo ri Rom 1:17

Kidie iyẹnrẹ esiri na re vwẹ ọvwata rẹ Ọghẹnẹ phia vwẹ oma rẹ esegbuyota fiki rẹ esegbuyota; kirobo re siro, Ohwo rọ wan oma rẹ esegbuyota dia ọvwata kọ rhọ.

Galesha 3:11

Asakiephana o muẹro nẹ o vwo ohwo ọvuọvo rọ sa rease vwẹ obaro rẹ Ọghẹnẹ vwi fiki rẹ urhi na-a; kidie ohwo rọ wan oma rẹ esegbuyota na dia ọvwata kọ rhọ;

Urhi Rivẹ 18:13

Wo gbi vwo ekan vwẹ obaro rẹ Ọrovwohwo rẹ Ọghẹnẹ wẹ-ẹn.

Hibru 11:7

Vwẹ esegbuyota ọye Ọghẹnẹ vwọ vuẹ Noa kpahe obo re cha phia ra je mrẹ-ẹ, o da djẹ oshọ ra kare okọ ro vwo sivwi evwruwevwi rọye, vwẹ oma rẹ ọnana o vwo brorhiẹ hwe akpọ na ọ da rhe dia ọreuku rẹ ọvwata rọ wan oma rẹ esegbuyota rhe.

1 Pita 2:5

Ekpuyovwi rẹ ovwan ke họhọ eragha ri jeghwo ra vwọ họn uwevwi rẹ erhi, uvwie rẹ irherẹn fuanfon, re gọ iye rẹ erhi rẹ Ọghẹnẹ miere vwẹ oma ri Jesu Kristi.

2 Pita 2:5

ọ da dianẹ o vwo ghovwo akpọ rẹ awanre-e, ẹkẹvuọvo ọ da sẹro ri Noa, aghwoghwo rẹ ọvwata, kugbe ihwo ighwrẹ efa, ọke rọ rhe vwọ vwẹ oghwe ghwọrọ akpọ rẹ ihwo umwemwu na;