Jẹnẹsis 6:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọrovwohwo da ta, Mi phoro ohwo te eranwe te obo ri kpono vwẹ otọ na, rẹ ephra ri obenu na, kidie ọ da vwẹ gangan re Me vwọ ma ayen.

Jẹnẹsis 6:7 ပူးပေါင်းရင်းမြစ်များ

Jẹnẹsis 6:6

Ọ da da Ọrovwohwo gangan rọ vwọ ma ohwo phihọ akpọ na, ọ da da vwẹ udu rọye.

Jẹnẹsis 7:21

Kemu kemu ro vwo ẹnwẹn rọ yan vwẹ akpọ na ejobi de ghwure, ephra, uchuru, eranvwe rẹ aghwa, erọnvwọ ri biẹyi re rhẹrhẹ vwẹ ame na, kugbe kohwo kohwo,

Jẹnẹsis 7:4

Kidie ẹdẹ ighwrẹ chekọ, re Me cha vwọ vwẹ osio rhe akpọ na uvo ujuvẹ kugbe ason ujuvẹ, emu kemu ro vwo ẹnwẹn re Me mare na ejobi ki mi phoro kakare nẹ enu rẹ otọ na.

Jẹnẹsis 8:21

Ọke rẹ Ọrovwohwo vwo nyo ọnrhe ghwoghwo rẹ izobo na, Ọrovwohwo da ta vwẹ udu rọye, Me gbe harhe otọ na ọfa vwi fiki rẹ ohwo-o, kidie iroro rẹ evun rọye nẹ ọke-emọ rhe pha brabra, eyẹ Me gbe ghwọrọ emu kemu ro vwo arhọ re Me mare ọfa-a.

Une rẹ Ejiro 37:20

Ẹkẹvuọvo oruimwemwu cha ghwọrọ, ivwighrẹ rẹ Ọrovwohwo cha họhọ urinrin re ẹbe rẹ aghwa, ayen cha ranvwiẹ kufia kerẹ ivwirhi.

Isẹ 10:27

Oshọẹdjẹ rẹ Ọrovwohwo na nẹrhẹ atọn, ẹkẹvuọvo ikpe rẹ oruimwemwu ke cha krẹ.

Isẹ 16:4

Ọrovwohwo ma emu na ejobi vwọ kẹ iruo rọye, ekpuyovwi rẹ ohwo umwemwu na ọ marọ vwọ kẹ ẹdẹ rẹ ukpokpogho

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Hosia 4:3

Fiki rẹ ọtiọye na otọ na de muoma phihọ, ihwo re dia otọ na ejobi oma re ro ayen, ọtiọye ji te eranvwe rẹ aghwa, kugbe ephran rẹ irharheghe, iyeri rẹ evun rẹ ame ghwrara e ji si ayen nọ.

Emọs 7:3

Ophu rẹ Ọrovwohwo na de fue vwẹ ọnana: Ọ sa dia etiọye-e, eriyin Ọrovwohwo na tare.

Emọs 7:6

Ophu rẹ Ọrovwohwo na de fue vwẹ ọnana: Ọnana cha sa phia-a, eriyin Ọrovwohwo Ọghẹnẹ na tare.

Zẹfanaya 1:18

Idọnọ efuanfọn rayen eyẹ iro rayen che se sivwi aye-en vwẹ ẹdẹ rẹ ophu rẹ Ọrovwohwo na-a. Vwẹ erhanre rẹ ophu rẹ omaẹriọ rọye, otọ na ejobi ke torhẹ muotọ. Rọ vwọ gba, kpregede ọye ọ che vwo oba kẹ ọtiọye otu re dia otọ na ejobi cha dia.

Zẹfanaya 1:2

Mi che hwerhe kemu kemu ejobi re kakare nẹ enu rẹ akpọ na, eriyin Ọrovwohwo na tare.

Zẹfanaya 1:3

Mi hwerhe ohwo vẹ eranvwe kufia; mi hwerhe emephran rẹ obenu kufia kugbe eri rẹ abadi na. Me guọghọ ohwo umwemwu fiọtọ kakare, me nyavwẹ ohwo rẹ akpọ kufia nẹ enu rẹ akpọ na, eriyin Ọrovwohwo na tare.

Urhi Rivẹ 28:63

Kirobo ro je Ọrovwohwo ro vwo ru ovwan yovwi bu phihọ na, eriyin o ji je Ọrovwohwo ro vwo si emiovwo rhe ovwan rọ vwọ ghwọrọ ovwan, kọ djẹ ovwan kufia nẹ otọ rẹ ovwan ra dia na.

Urhi Rivẹ 29:20

Ọrovwohwo rhe se vwo ghovwo-o, ukpe rẹ evworhovwo ophu vẹ omẹriọ rẹ Ọrovwohwo ko guvwie nene ohwo yena, ekan re siri phihọ ọbe nana na ki bro ra, Ọrovwohwo ko phoro odẹ rọye nẹ otọ rẹ odjuvwu na.

1 Samuẹl 15:11

Ọ davwẹ gangan nẹ mi vwi Sọl mu ovie; kidie ọ chuko ku vwe nure o gbi nene uvwe-e, o ru obo ri mi ji urhi rọye kẹ-ẹ. Ivun de miovwi Samuel; ọda viẹ se Ọrovwohwo vwẹ ason yena ejobi.