Jẹnẹsis 6:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Akpọ na de rhi gbeku vwẹ obaro rẹ Ọghẹnẹ, akpọ na ke je vọn vẹ ozighi.

Jẹnẹsis 6:11 ပူးပေါင်းရင်းမြစ်များ

Jẹnẹsis 10:9

Ọ da dia ọgban rẹ ibefii rode vwẹ obaro rẹ Ọrovwohwo, fiki rẹ ọtiọye kọye a vwọ tanẹ, Kiri Nimrọd ọgban rẹ ibefi rode vwẹ obaro rẹ Ọrovwohwo.

Jẹnẹsis 13:13

Vwẹ ọke nana ihwo ri Sodọm na brare gangan, iruimwemwu ride na vwẹ obaro rẹ Ọrovwohwo.

Jẹnẹsis 6:10

Noa de vwo emeshare erha, Shẹm, Ham kugbe Jafet.

Jẹnẹsis 7:1

Etiyin Ọrovwohwo da ta kẹ Noa, Gba ro evun rẹ okọ na, wẹ kugbe evwruwevwi wẹn ejobi, fikiridie Me mrere nẹ wẹ ọvwata vwẹ obaro mẹ vwẹ evun rẹ uvwiẹ nana.

2 Ikun rẹ Ivie 34:27

fiki rẹ obo rẹ udu wẹn vwo kurhẹriẹ wọ da vwẹ oma kpotọ kẹ Ọghẹnẹ wo vwo nyo eta ra ta kpahe etinẹ na vẹ ihwo re dia na, wọ da vwẹ oma kpotọ kẹ vwẹ, wọ da bẹrẹ emwa wẹn wọ da viẹ kẹ vwẹ mrẹ na, ki mi nyo we rhe, eriyin Ọrovwohwo tare.

Une rẹ Ejiro 11:5

Ọrovwohwo davwa ọvwata kugbe oruimwemwu, oma tuẹ erhi rọye kpahe ohwo ro gbe ozighi

Une rẹ Ejiro 140:11

Jẹn ohwo rọ vwẹ unu miovwo ohwo muẹdia gan vwẹ otọ na-a, jẹn umiovwo brẹsi re ohwo gudu gudu kpata kpata.

Une rẹ Ejiro 55:9

Guọghọ iroro rayẹn, E Ọrovwohwo, jẹ ọbagha phihọ ẹrẹnvwe rayen; kidie me mrẹ ozighi kugbe ohọnre vwẹ evun re orere na.

Ẹyano 32:7

Etiyin Ọrovwohwo da ta kẹ Mosis, Won kpotọ; kidie ihwo wẹn re wọ reyọ nẹ otọ rẹ Ijipt rhe na, miovwi oma rẹ ayen.

Aizaya 60:18

E gbi nyo umri rẹ ozighi vwẹ otọ wẹn na-a, evẹre eyẹ ẹghwọrọ vwẹ ughwru wẹ-ẹn; ku wọ se igbẹheẹ na Esivwo, anurhoro wẹn kẹ Ejiro.

Jerimaya 6:7

Obo rẹ orhare sẹro rẹ ame rọye djidjidji ye, ọtioye ọ sẹro rẹ orukuruku rọye djidjidji; omuru gidigidi vẹ eghwọrọ ọye enyo vwẹ evun rọye; emiavwe vẹ oma ẹnwan eye me mrẹre vwẹ obaro mẹ vwẹ ọke ejobi.

Izikiẹl 28:16

Vwẹ evun rẹ eki obuebu ru wọ chua na wọ da rhe vọn vẹ ozighi, wọ de rhi ru umwemwu; Me da djẹ wẹ kufia kirobo ri tuoma nẹ ugbenu rẹ Ọghẹnẹ, shẹrub ro sun we da djẹ wẹ kufia nẹ uherevie rẹ ibieragha rẹ erhanre na.

Izikiẹl 8:17

Etiyin ọ da ta kẹ vwẹ, Wọ mrẹ ọnana re, E ọmọ rẹ ohwo? Wo roro nẹ emu ọphapharhe vwọ kẹ uwevwi ri Juda re ayen vwo gbe ẹgua nana re ayen gbe ozighi vwọ vọn otọ na, rere ayen rhoma vwo kpare ophu mẹ? Nighe, ayen phi oghọn phihọ uwen rayen.

Habakọk 1:2

E Ọrovwohwo, mavọ o krite ri mi vwo kperi se ọchuko, yu wo nyo-o? Eyẹrẹ kperi se we nẹ Ozighi, yu wo se sivwẹ-ẹ?

Habakọk 2:17

Emu ozighi re ru ki Lẹbanọn ko che shenyẹ wẹn; ẹghwọrọ rẹ eranvwe na kọ cha djẹ uguegue mu we, fiki rẹ ọbara rẹ ihwo kugbe ozighi re gbe vwẹ otọ na, ke irere kugbe ihwo re dia evun rẹ ayen.

Habakọk 2:8

Fikiridie wo gborho ẹgborho buebu, umuku rẹ ihwo ri chekọ ki che gborho uwe, fiki rẹ ọbara rẹ ihwo kugbe ozighi wo gbe vwẹ otọ na, ru wọ gbe vwẹ irere kugbe ihwo re dia evun rayen.

Iyẹnrẹ Esiri ri Luk 1:6

Ayen ivẹ na da dia evwata vwẹ obaro rẹ Ọghẹnẹ, ayen yọnrọn irhi na gangan.

Ọbe ri Pọl si rhe Ihwo ri Rom 2:13

Ọ dia ihwo ri nyo urhi eye hẹ ọvwata vwẹ obaro rẹ Ọghẹnẹ-ẹ, ẹkẹvuọvo e re vwẹ urhi na ru iruo eye re rease.

Ọbe ri Pọl si rhe Ihwo ri Rom 3:19

Asakiephana avwanre riẹnre nẹ kemu kemu rẹ urhi tare ọ tarọ kẹ ayen otu re hẹ otọ rẹ urhi, rere unu ri kohwo kohwo rọ phraphro vwo rhurhu, rere ihwo rẹ akpọ ejobi vwọ hẹrhẹ orhiebro ro nẹ obọ rẹ Ọghẹnẹ rhe.

Urhi Rivẹ 31:29

Kidie Me riẹnre nẹ mi de ghwu nu omuẹro nẹ ovwan che miovwo oma gangan, ovwan da rhẹriẹ nẹ idierhe re Me vuẹ ovwan na; evun rẹ ẹdẹ yena ukpokpoma ko she tẹyo ovwan, fikiridie ovwan che ru umwemwu vwẹ obaro rẹ Ọrovwohwo vwọ nẹrhẹ phihọ ophu fiki rẹ iruo rẹ abọ rẹ ovwan.

Iguẹdjọ 2:19

Ẹkẹvuọvo ọke re oguẹdjọ na de ghwu nure, ayen Me rhoma re ru uruemu rọ branọ uruemu rẹ esẹ rayen, edjọ efa keye ayen nene, keye ayen ga vwẹ uyovwi te otọ kẹ, ayen rhọvwe siobọ nẹ uruemu rẹ udu ọgangan rẹ ayen na-a.