Jẹnẹsis 5:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọshare vẹ aye ọ ma ayen, o de bruphihọ kẹ ayen, o de se odẹ rayen ohwo vwẹ ọke rọ vwọ ma ayen nu.

Jẹnẹsis 5:2 ပူးပေါင်းရင်းမြစ်များ

Jẹnẹsis 1:27

Kọye Ọghẹnẹ da ma ohwo vwẹ oma rọye, oma rẹ Ọghẹnẹ ọye ọ vwọ ma ayen, ọshare vẹ aye ọ ma ayen.

Jẹnẹsis 1:28

Etiyin Ọghẹnẹ da ta kẹ ayen, We vwiẹ ri we bun phihọ, re wa vọn akpọ na, ru we phio kparobọ, kugbe re we vwo ogangan vwẹ enu rẹ erin rẹ urhie, ephran ri obenu kugbe enu ri kemu kemu rọ yan vwe otọ na ejobi.

Jẹnẹsis 2:15

Ọrovwohwo Ọghẹnẹ da reyọ ohwo na o de phio phihọ udju rẹ Idẹn na rere ọ sẹro rọye.

Jẹnẹsis 2:23

Etiyin ọshare na da ta, Ọnana ubeku mẹ kugbe uvwo rẹ uvwo mẹ, ke se nẹ Aye, fikiridie oma rẹ ọshare esiro nurhe.

Jẹnẹsis 5:3

Ọke rẹ Adam vwọ dia ikpe ujosa gbẹ ihwe nu, ọ da rhe dia ọsẹ rẹ ọmọ ro vwiẹri họhọ oma rọye, kọye uhoho rọye, o de se ode rọye Sẹt.

Malakae 2:15

Ọ dia Ọghẹnẹ ọvuọvo na rọ ma avwanre na ọye je vwẹ erhi rẹ arhọ na yọnrọn avwanre na? Kidie ọ guọnọre? Omamọ ẹkpẹvwẹ rẹ uyota. Gba kẹnẹ oma wẹn, rere ohwo kohwo vwo jẹ ọfanrhiẹn e gbe rhurhu aye rẹ ọke-emọ rọye.

Matiu 19:4

Ọ da kpahe ọ da ta nẹ, Ovwan ji se nẹ ohwo rọ ma ayen notọrhe ọshare vẹ aye a ma ayen?

Iyẹnrẹ Esiri ri Mak 10:6

Ẹkẹvuọvo nẹ ẹtuọhọ re ẹma rhe, Ọshare vẹ aye Ọghẹnẹ ma ayen.

Iruo rẹ Iyinkọn na 17:26

Ọ da ma ihwo phihọ ẹgborho ọvuọvo nẹ e dia enu rẹ akpọ na, ọ da kẹ ayen uchọke rẹ ayen dia akpọ na te kugbe ughwru ro gbere kẹ ẹdia rayen,