Jẹnẹsis 48:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Kidie ọke mi vwo nẹ Padan cha, Rachel da va vwẹ abọ ghwu vwẹ otọ ri Kenan vwẹ idjerhe, yẹ asan na vẹ Ephrat ji oshesheri, mi de sho vwẹ idjerhe rẹ Ephrat (kọye Bẹtlẹhẹm).

Jẹnẹsis 48:7 ပူးပေါင်းရင်းမြစ်များ

Jẹnẹsis 25:20

Aizik ghwo te ikpe ujuvẹ, tavwe ọ ke reyọ Rebeka vwọ rọvwọ, ọmọtẹ ri Bẹtuẹl ohwo rẹ Aram rẹ orere ri Padanaram, oniọvo ri Laban rẹ ohwo rẹ Aram.

Jẹnẹsis 33:18

Jekọp de rhi te orere ri Shikẹm gberhẹnẹdẹ, rọ otọ ri Kenan, vwẹ idjerhe ra wan ni Padanaram cha, o de mu erhọn phihọ ughere rẹ orere na.

Jẹnẹsis 35:20

Jekọp da ma osusu phihọ enu rẹ ushi rọye; kọye osusu rọ enu rẹ ushi ri Rachel rhi te nonẹ na.

Jẹnẹsis 35:9

Ọghẹnẹ da rhoma vwẹ oma phia kẹ Jekọp, ro vwo nẹ Padanaram cha, ọ da nẹ ẹrhovwo kẹ.

Jẹnẹsis 48:6

Emọ rẹ ayen che vwiẹ ejobi ke dia ewẹn; ka vwẹ odẹ rẹ emesẹ rayen vwo se ayen vwẹ ẹdia rẹ uku rayen.

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Matiu 2:18

Enyo urhuru vwi Rama, Edo rẹ oviẹ kugbe omemuohọ, Reshẹl ra viẹ kẹ emọ rọye; O gbe rhọvwe nẹ e bru ọye uche-e, kidie emọ na gbe herọ-ọ.

Rutu 1:2

Odẹ rẹ ọshare na Elimẹlẹk, ode re aye rọye Naomi, odẹ rẹ emọ rọye ivẹ na kẹ Malọn vi Chiliọn; ayen ihwo rẹ Ifrẹm vwi Bẹtlẹhẹm Juda Ayen da yanran kpo otọ ri Moab ra dia.

1 Samuẹl 1:1

Ọshare ọvo herọ vwi Ramataim-zophim vwẹ obo orho rẹ ugbenu rẹ Ifrem, re se odẹ rọye Elkanah, ọmọ rẹ Elihu, rẹ ọmọ ri Tohu, rẹ ọmọ ri Zuf, ohwo rẹ Ifrem.

1 Samuẹl 10:2

Ọke wo de nẹ etinẹ kpo nonẹ na wọ cha vwa ọshare ivẹ vwẹ asan ushi ri Rachel vwẹ otọ ri Bẹnjamin vwi Zẹlzah, ayen ke ta kẹ wẹ, Ekẹtẹkẹtẹ ru wọ ra guọnọ na a mrẹ ayen re, Asakiephana ọsẹ wẹn gbe rha davwerhọ rẹ ekẹtẹkẹtẹ na-a ẹnwa wẹ kọye ọ rua, tanẹ, kemavo mi ru ọmọ mẹ?

1 Samuẹl 16:4

Samuẹl de ru kirobo rẹ Ọrovwohwo ji urhi kẹ, ọ da rhe Bẹtlẹhẹm. Ekpako rẹ orere na da rhe vwa yẹ ayen phariẹ, ayen da ta, Arherha wọ vwọ rhe?

1 Samuẹl 17:12

Asakiephana Devid kẹ ọmọ rẹ ohwo rẹ Efrat ri Bẹtlẹhẹm vwi Juda, re se Jesse, ro vwo emeshare ẹrenre. Vwẹ ọke ri Sọl jẹ ohwo na tobọ ghwanre ọmare o ruẹ.