Jẹnẹsis 48:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ ọ da ta kẹ vwẹ, Nighe, mi ru we ogbaọmiovwọ, ki mi ru we bu, ki mi ru we urogho rẹ ihwo, ke Me vwẹ otọ na kẹ uvwiẹ wẹn rọ cha vwẹ obuko wẹ re ọ dia ẹkẹn rayen bẹdẹ.

Jẹnẹsis 48:4 ပူးပေါင်းရင်းမြစ်များ

Jẹnẹsis 12:2

Ki mi ru we vwọ dia ẹgborho buebu, ki mi bruphihọ kẹ wẹ, ki mi ru odẹ wẹn rho, eriyin na ku wọ dia ebruphihọ.

Jẹnẹsis 17:13

Te ọ re vwiẹri vwẹ uwevwi wẹn kugbe ọ ra vwẹ igho dẹ, ka yanvwọ. Kọye ọphọ mẹ na kọ dia oma wẹn dia ọphọ re rara.

Jẹnẹsis 17:6

Mi ru we vwọ dia ọgbọmiọvwọ, ẹgborho ride ki nẹ agada wẹn rhe, ivie ki nẹ oma wẹn rhe.

Jẹnẹsis 17:8

Ke Me vwọ kẹ wẹ kugbe uvwiẹ wẹn rọ cha obuko wẹ, otọ nana rẹ ovwan da ọrharha na, otọ ri Kenan ejobi, kọ dia ẹkẹn uku wẹn bẹdẹ, ke Me dia Ọghẹnẹ rayen.

Jẹnẹsis 22:17

Ki mi bruphihọ kẹ wẹ, ki mi ru uvwiẹ wẹn buphihọ kiri isio rẹ obo odjuvwu kiri ibiekpẹn re orhoma rẹ urhie. Uvwiẹ wẹn ke cha vwẹ anurhoro rẹ ivwighrẹ rayen riuku,

Jẹnẹsis 26:4

Ki mi ru uvwiẹ wẹn bu kiri isio ri obenu, ke Me vwẹ etọ nana ejobi na vwọ kẹ uvwiẹ wẹn; vwẹ oma rẹ uvwiẹ wẹn ọye ẹgborho rẹ akpọ na ejobi de vwo ebruphihọ kẹ oma rayen:

Jẹnẹsis 28:3

Ọghẹnẹ ro vwo Ẹgba o bruphihọ kẹ wẹ ro ru we ogbaọmiọvwọ ru wo bu, ru wọ rhe dia egbotu.

Jẹnẹsis 32:12

Ẹkẹvuọvo wọ tare nẹ, Mi ru we yovwi, ki mi ru uvwiẹ wẹn kiri ehavwo rẹ urhie, re je se kere fikiridie o bunọ.

Jẹnẹsis 35:11

Ọghẹnẹ da ta kẹ, Mẹvwẹ Ọghẹnẹ ro vwo Ẹgba, gbe vwiẹ rere wo bu; ẹgborho buebu kugbe ẹgborho buebu ki nẹ agada wẹn rhe, ivie ki nẹ oma wẹn rhe.

Jẹnẹsis 46:3

Etiyin ọ da ta, Mẹvwẹ Ọghẹnẹ, Ọghẹnẹ rẹ ọsẹ wẹn, wọ djẹ oshọ ri wo vwo kpo Ijipt na-a, kidie Me dia oboyin ru we phihọ ẹgborho rode.

Jẹnẹsis 47:27

Kẹ enẹ Izrẹl rhe vwọ dia otọ rẹ Ijipt, vwẹ otọ ri Goshẹn, ayen de vwo ẹkẹn vwẹ evun rọye, ayen de vwiẹ buebu gangan.

Une rẹ Ejiro 127:3

Nighe, emọ na vwenẹ ughwẹ rẹ Ọrovwohwo ghare avwanre emamọ rẹ evun na ọye osa rọ hwa kẹ avwanre.

Ẹyano 1:11

Fiki rẹ ọtiọye na ayen da vwẹ ilori rẹ iruo vwo mu vwẹ enu rayen rere ayen vwẹ iruo ọgagan kẹ ayen; ayen da bọn ki Fero irere ra ghwẹ emu phiyọ, Pitọm vẹ Rẹmisis.

Ẹyano 1:7

Ẹkẹvuọvo emọ rẹ Izrẹl de vwiẹ i de bu phiyọ; ayen da rho phiyọ, ayen de reghe asan na eje, ayen da vọn otọ na.

Izikiẹl 37:25

Ayen ke dia otọ na rẹ esẹ rẹ ovwan diare re me vwọ kẹ odibo mẹ Jekọp, te ayen te emọ rayen kugbe uvwiẹ rayen ke dia etiyin bẹde; Devid odibo mẹ kọ dia osun rayen bẹdẹ.

Livitikọs 26:9

Ki mi ni ovwan ẹro, ki mi ru ovwan bu ku we vwiẹ buebu, mi che ru ọphọ mẹ na gan vwọ kẹ ovwan.

Urhi Rivẹ 32:8

Ọke rẹ Ọro Me Kpenu ejobi vwọ kẹ ẹgborho na ejobi ukuẹriọ rayen nu, rọ vwọ hẹriẹ emọ rẹ ihwo nu, o de gberi ughwru kẹ ihwo na, kirobo rẹ unu rẹ emọ rẹ Ọghẹnẹ bute.