Jẹnẹsis 48:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Jekọp da ta ki Josẹf, Ọghẹnẹ ro vwo Ẹgba vwẹ oma phia kẹ vwẹ vwi Luz vwẹ otọ ri Kenan o da nẹ ẹrhovwo kẹ vwẹ,

Jẹnẹsis 48:3 ပူးပေါင်းရင်းမြစ်များ

Jẹnẹsis 17:1

Ọke rẹ Ebram vwọ ikpe ọvo nuro vwẹ ujori re Ọrovwohwo da vwẹ oma phia kẹ Ebram, ọ da ta kẹ, Mẹvwẹ Ọghẹnẹ ro vwo Ẹgba, yan nene uvwe, wo gbe ẹgua-a.

Jẹnẹsis 17:6

Mi ru we vwọ dia ọgbọmiọvwọ, ẹgborho ride ki nẹ agada wẹn rhe, ivie ki nẹ oma wẹn rhe.

Jẹnẹsis 28:3

Ọghẹnẹ ro vwo Ẹgba o bruphihọ kẹ wẹ ro ru we ogbaọmiọvwọ ru wo bu, ru wọ rhe dia egbotu.

Jẹnẹsis 48:2

Ka vuẹ Jekọp nẹ, Ọmọ wẹn Josẹf rhe mrẹ wẹ; Etiyin Izrẹl da vwẹ ẹgbẹgba vrẹn, o de Tidia ehwa.

Jẹnẹsis 49:25

vwẹ obọ rẹ Ọghẹnẹ rẹ ọsẹ wẹn rọ cha wẹ uko, vwẹ obo rẹ Ọghẹnẹ ro vwo Ẹgba ko bruphihọ kẹ wẹ rọ kẹ wẹ ebruphihọ rẹ odjuvwu, ebruphihọ rẹ urhie rọ nọhọ otọ, ebruphihọ re evie kugbe eyenre.

Ẹyano 6:3

Me vwẹ oma phia kẹ Ebraham, vwọ kẹ Aizik, vwọ kẹ Jekọp, vwẹ odẹ rẹ Ọghẹnẹ ro vwo Ẹgba ejobi, ẹkẹvuọvo ọ dia odẹ mẹ Ọrovwohwo na me vwọ vwẹ oma mẹ phia kẹ ayeen.

Hosia 12:4

Ọ vẹ amakashe muabọ ọ da marọ, ọ viẹre ọ da guọnọ aruesiri rọye, ọ vwa Ọghẹnẹ vwi Betẹl etiyin Ọghẹnẹ vọye da ta ota.

Ẹvwọphia 21:11

o vwo urinrin rẹ Ọghẹnẹ, elo rọye da họhọ irhu rọ ma ghare, kerẹ ubioragha ro lo wrawra.

Iguẹdjọ 1:23

Uwevwi ri Josẹf de ji orhẹn kpo Bẹtẹl (Luz ọye odẹ re ke mu kẹ orere na vẹrhẹ.)