Jẹnẹsis 47:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Otọ rẹ Ijipt na ejobi obọ wẹn ọ epha; jẹn ọsẹ wẹn vẹ emesẹ wẹn dia asan ro Me yovwi vwẹ otọ na; jẹn ayen dia otọ ri Goshẹn, wọ da rha mrẹ ohwo rọ ganre vwẹ usun rayen, gbe jọ vwẹ ẹro te eranvwe mẹ.

Jẹnẹsis 47:6 ပူးပေါင်းရင်းမြစ်များ

Jẹnẹsis 13:10

Lọt da kpare opharo, ọ da mrẹ ushekpotọ ri Jọdan na rọ pha djidjiro wọnwọn kiri udju rẹ Ọrovwohwo, kiri otọ rẹ Ijipt vwẹ ọke re de kpo obi Zoar, kẹ enẹ ọ epha tavwe rẹ Ọrovwohwo ke rhe ghwọrọ Sodọm vi Gomora.

Jẹnẹsis 13:9

Ọ dia otọ na ejobi ri obaro wẹ na-a? Hẹriẹ oma wẹn nu vwe. Wo de kpo obọrhe, ki mi kpo obọhwẹre, eye wo de kpo obọhwẹre, ki mi kpo obọrhe.

Jẹnẹsis 20:15

Etiyin Abimẹlẹk da ta, Nighe, otọ mẹ na rhie phihọ kẹ wẹ, asan ro je we vwọ gba dia.

Jẹnẹsis 34:10

Nene avwanre dia etinẹ, otọ na ejobi rhie phihọ kẹ ovwan; wa dia re wa cho eki vwẹ otọ na, we vwo eyere vwọ.

Jẹnẹsis 45:10

wọ cha dia otọ ri Goshẹn, ku wo si kẹrẹ ovwẹ, re owẹ te emọ wẹn kugbe emọ wẹn vẹ emọ rayen, te igodẹ wẹn, vẹ uchuru wẹn, kugbe obo wo vwori ejobi,

Jẹnẹsis 46:34

ku wo tanẹ, Idibo wẹn eranvwe ichurẹ nẹ ọke-emọ rhe ri te ọke na, te avwanre te ese rẹ avwanre, rere wa mrasa dia otọ ri Goshẹn na, kidie osuigodẹ kosuigodẹ ẹgua kẹ ihwo rẹ Ijipt.

Jẹnẹsis 47:11

Etiyin Josẹf da vwẹ asan kẹ ọsẹ rọye vẹ emesẹ rọye dia, ọ da ghare ẹkẹn kẹ ayen vwẹ otọ rẹ Ijipt, asan ro Me yovwi vwẹ otọ na, vwẹ otọ ri Ramsis, kirobo ri Fero dje kẹ.

Jẹnẹsis 47:16

Josẹf da kpahe, Kẹ vwẹ uchuru wẹn, ki mi vwẹ emuọre wene uchuru na kẹ wẹ, o da dianẹ igho wẹn reri.

Jẹnẹsis 47:4

Ayen da ta ki Fero, Avwanre rhe ukane vwẹ otọ na, kidie a rha mrẹ egbri vwọ kẹ igodẹ rẹ idibo wẹ-ẹn, fiki rẹ owẹvwe na ganọ vwẹ obo otọ ri Kenan, Asakiephana avwanre rẹ wẹ, jẹn idibo wẹn dia otọ ri Goshẹn na.

Jẹnẹsis 47:5

Etiyin Fero da ta ki Josẹf, Ọsẹ wẹn vẹ emesẹ wẹn bru vwe rhe.

1 Ivie 11:28

Ohwo na Jẹroboam ọgba gangan, ọke ri Solomon vwọ mrẹ nẹ emeghele na ọgba owian o de vwo mu olori rẹ otu re mu vwo ruẹ iruo vwẹ uwevwi ri Josẹf.

2 Ikun rẹ Ivie 26:10

Ọ da bọn ehẹrhẹ phihọ obo aghwa ọ da tọn ikpotọ buebu, kidie o vwo ekru rẹ uchuru ride, vwẹ obo Shẹfela ji kugbe obo uphẹphẹ, o de vwo eghwẹrẹ kugbe ihwo rẹ rhuẹrẹ vain vwẹ obo igbenu na kugbe etọ ri yovwẹ emu na, kidie udju evoro vwerhọ.

Ẹyano 18:21

Ọ rọmarho wọ me sanọ ihwo re goma vwẹ ohri rẹ ihwo na, ọtiẹ ihwo re djẹ oshọ rẹ Ọghẹnẹ, ihwo ra vwẹ ẹro so rẹ udiẹriọ tuoma, keye wo phihọ enu rẹ ihwo na re dia isun rẹ ihwo na i ri ujori ihwe, e rẹ ujori e rẹ ujuvẹ gbẹ ihwe, vẹ e rẹ ihwe.

Ẹyano 18:25

Mosis da sanọ ihwo re goma nẹ evun rẹ Izrẹl rhe, ọ da vwẹ ayen ru ilori rẹ ihwo na, ilori rẹ ujori ihwe, e rẹ ujori, e rẹ ujuvẹ gbẹ ihwe, e rẹ ihwe.

Ẹyano 9:10

Ọtiọye na ayen da rọye iwurhie nẹ enyerhanre na, ayen de mudia vwẹ obaro ri Fero, Mosis de phi ayen kpenu, o de rhi hirhe phihọ iribẹ rẹ era vwẹ oma rẹ ohwo vẹ eranvwe.

Ẹyano 9:21

ẹkẹvuọvo ohwo ro se ota rẹ Ọrovwohwo gbemuu da yan jẹn eviẹn rọye vẹ uchuru rọye vwo vwẹ evun rẹ aghwa.

Isẹ 21:1

Udu rẹ ovie epha kerẹ uto rẹ ame vwẹ obọ rẹ Ọrovwohwo na; o se kuo rhẹriẹ kirobo ri jere.

Isẹ 22:29

Wọ mrẹ ohwo rọ riẹn iruo rọye? o che mudia vwẹ obaro rẹ ivie; o che mudia vwẹ obaro rẹ erharhe rẹ ihwo-o.

Jerimaya 40:4

Asakiephana gbe nighe, nonẹ na me rhan ejọnrọn nẹ abọ wẹn. Ọ da dianẹ oyovwi kẹ wẹ rere wo nene uvwe kpo Babilọn, gba yanrhe, ke me vwẹ ẹro te we yoyovwi; ẹkẹvuọvo o gbi fo kẹ wẹ rere wo nene uvwe kpo Babilọn na-a, wo jovwo. Gbe ni otọ na soso ọ hẹ obaro wẹ, gba yan kpo asan kasan wo rori no yovwiri ro ji shehọ ru wọ ra.

Iyẹnrẹ Esiri ri Jọn 17:2

Ọtiobo re wọ vwẹ ogangan kẹ vwẹ vwẹ enu rẹ ihwo ejobi na, ke me vwẹ arhọ ro vwo oba-a kẹ ayen ejobi re wọ vwọ kẹ vwẹ.

1 Samuẹl 21:7

Vwẹ ọke yena odibo ri Sọl ọvo hẹ etiyin vwẹ ẹdẹ yena, ra daji vwẹ obaro rẹ Ọrovwohwo; odẹ rọye Doẹg ohwo rẹ Edọm, ọye olori rẹ isuigegede ri Sọl.