Jẹnẹsis 46:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Etiyin Jekọp de vrẹn ni Bẹẹrsheba, emọ rẹ Izrẹl de mu Jekọp rẹ ọsẹ rayen, imitete rayen, kugbe eya rayen, phihọ ekpẹrẹ ri Fero vwọ rhe nẹ vwo muo rhe.

Jẹnẹsis 46:5 ပူးပေါင်းရင်းမြစ်များ

Jẹnẹsis 21:14

Kọye Ebraham de vrẹn vwẹ irhiọke ride, ọ da reyọ ikara vẹ ophiẹn rẹ ame, ọ da vwọ kẹ Hagar, ọ da vwọ ya igabọ, kugbe ọmọ na, o de ji ayen yanran. O de vrẹn yanran ko di muẹ yan vwẹ aghwa ri Bẹẹrsheba.

Jẹnẹsis 45:19

Mi ji ji urhi, Ru Ọnana reyọ akpẹrẹ nẹ otọ rẹ Ijipt yanran re vwo mu imitete na vẹ eya wẹn, ji mu ọsẹ wẹn, ru wọ rhe.

Jẹnẹsis 45:21

Emọ rẹ Izrẹl de ghine ru ọtiọye; Josẹf da vwẹ akpẹrẹ kẹ ayen, kirobo ri Fero tare, ọ da vwẹ emuọre ke ayen vwẹ oyan na.

Jẹnẹsis 45:27

Ẹkẹvuọvo ọke rẹ ayen vwo gbe ikun ri Josẹf ejobi vwọ kẹ, eta rọ ta kẹ ayen, kugbe ọke rọ vwọ mrẹ akpẹrẹ ri Josẹf vwo rhe ne vwo muo rhe, udu ri Jekọp da rhe sasa;

Ẹyano 10:24

Etiyin Fero de se Mosis, ọ da ta, Kpo, ra ga Ọrovwohwo; emọ wẹn se nene uwe; ọvuọvo rọ herọ jẹn ẹko rẹ igodẹ wẹ vẹ e rẹ eranvwe wẹ daji obuko.

Ẹyano 10:26

Uchuru rẹ avwanre ji nene avwanre ra; uchukowọ rẹ ọvuọvo che chekọ obuko-o, kidie avwanre vwẹ ayen ba ga Ọrovwohwo Ọghẹnẹ rẹ avwanre, avwanre je riẹn obo rẹ avwanre vwọ ga Ọrovwohwo bẹsiẹ rẹ avwanre vwo te oboyi-i.

Iruo rẹ Iyinkọn na 7:15

Eriyin na Jekọp da kua kpo obo Ijipt. O de ghwu, te ekpuyovwi rọye kugbe esẹ rẹ avwanre,

1 Samuẹl 12:8

Ọke ri Jekọp vwo kpo Ijipt rẹ ihwo rẹ Ijipt wo shenyẹ ayen, etiyin esẹ rẹ ovwan da viẹ se Ọrovwohwo, Ọrovwohwo de ji Mosis vẹ Erọn, ayen da reyọ esẹ rẹ ovwan nẹ otọ rẹ Ijipt rhe, ọ da vwẹ etine na kẹ ayen dia.