Jẹnẹsis 46:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Me yan nene uwe kpo Ijipt na, Me je vwo we rhivwi rhe, abọ ri Josẹf ki rhurhu we ẹro.

Jẹnẹsis 46:4 ပူးပေါင်းရင်းမြစ်များ

Jẹnẹsis 28:15

Nighe, Me vẹ owẹ herọ ke Me sẹro wẹ vwi kasan kasan wọ rare ejobi, ke Me vwẹ owẹ rhe otọ nana, kidie Me sa yan ju we vwo-o bẹsiẹ mi vwo ru eta nana re Me ta kẹ wẹ na ejobi gba.

Jẹnẹsis 48:21

Etiyin Izrẹl da ta ki Josẹf, Nighe, mi muegbe rẹ ughwu re, ẹkẹvuọvo Ọghẹnẹ nene uwe dia, rọ je vwo wẹ rhivwi rhi te otọ rẹ esẹ wẹn.

Jẹnẹsis 50:1

Josẹf da gbanọ ọsẹ rọye ọ da vwẹ opharo te, ọ da viẹ, ọ da fiọnfiọn.

Jẹnẹsis 50:13

kidie emọ rọye muro rhe otọ ri Kenan, ayen de rhi sho phihọ ẹmwa rọ aghwa ri Mak-pela, rọ obọrhe ri Mamre, rẹ Ebraham dẹre kugbe udju mie Efrọn ohwo ri Hẹt, rọ dia ẹkẹn rẹ ogbẹ.

Jẹnẹsis 50:5

Ọsẹ mẹ tanẹ, Mi duvwu iyori, tanẹ, Mi ghwẹ reọ; vwẹ evun rẹ ushi mẹ re Me tọn kẹ oma mẹ vwẹ otọ ri Kenan, Etiyin e shi vwe phihọ. Asakiephana gbe ju vwe ra, Me rẹ wẹ, re mi re shi ọsẹ mẹ, re mi rhivwi rhe.

Ẹyano 3:17

Mi de ve nẹ me rọye ovwan nẹ evun rẹ omaẹlaghọ rẹ Ijipt na rhe, vwo kpo otọ rẹ Kenan; o rẹ Hit, vẹ Amọr, o rẹ Feriz, vẹ Hiv kugbe Jebu, otọ rọ djẹ ọkẹre rẹ ame rẹ ivie vẹ ọnyọn.

Ẹyano 3:8

Ọtiọye na ke me rhere rhi si ayen nẹ obọ rẹ ihwo rẹ Ijipt, re mi si ayen nẹ otọ yena vwo kpo otọ rọ yoma rọ rhoro, otọ rọ djẹ ọkẹre rẹ ame rẹ ivie vẹ ọnyọn. Otọ rẹ ihwo rẹ Kenan, ihwo rẹ Hit, ihwo rẹ Amọr, ihwo rẹ Periz, ihwo rẹ Hiv kugbe ihwo rẹ Jebu.